སྤྱི་ཟླ་9པའི་ཚེས་27ཉིན་རྒྱལ་ཡོངས་ཀྱི་མི་རིགས་མཐུན་སྒྲིལ་ཡར་ཐོན་གཟེངས་བསྟོད་ཚོགས་ཆེན་པེ་ཅིང་དུ་འཚོགས། སི་ཁྲོན་མཛོད་དགེ་བརླན་ས་རྒྱལ་ཁབ་རིམ་པའི་རང་བྱུང་སྲུང་སྐྱོང་ཁུལ་དོ་དམ་ཅུས་ལ“རྒྱལ་ཡོངས་ཀྱི་མི་རིགས་མཐུན་སྒྲིལ་ཡར་ཐོན་གྱི་དཔེ་བཟང་ལས་ཁུངས”ཀྱི་མཚན་སྙན་ཐོབ། 

ལོ་མང་པོའི་རིང་ལ་མཛོད་དགེ་བརླན་ས་དོ་དམ་ཅུས་ཀྱིས་མི་རིགས་མཐུན་སྒྲིལ་ཡར་ཐོན་གྱི་སློབ་གསོ་གཙོར་བཟུང་སྟེ། གཅིག་ནས་མཉམ་འདྲེས་བྱ་ཐབས་བརྒྱུད“མཐུན་སྒྲིལ་གྱི་སྒྲ་དབྱངས”ལེགས་པོ་བརྩམས། “སྐྱེ་ཁམས་སེ་འབྲུ་སྒྲོག་འགྲེལ་རུ་ཁག”གིས་བྱེད་སྒོ་སྣ་ཚོགས་དང་ཕུན་སུམ་ཚོགས་ལ་སྤྱོད་གོ་ཆོད་པའི་སློབ་དེབ་བརྒྱུད་མི་རིགས་ཁག་གི་མང་ཚོགས་རྣམས་ལ་སྐྱེ་ཁམས་སྲུང་སྐྱོང་གི་དོན་སྙིང་གལ་ཆེན་སེམས་ལ་བཞག་ནས། མི་རིགས་མཐུན་སྒྲིལ་གྱི་ས་བོན་བརླན་སར་བཏབ་ནས་མྱུ་གུ་འབུས་ཐུབ་པར་བྱས། གཉིས་ནས་སྲུང་སྐྱོང་གི་འགན་འཁྲི་འཁུར་ནས“སྐྱེ་ཁམས་སྒྲ་དབྱངས”ལེགས་པོ་བརྩམས། སྐྱེ་ཁམས་སྲུང་སྐྱོང་དང་དཔལ་འབྱོར་འཕེལ་རྒྱས་མཉམ་འདྲེས་ནུས་ལྡན་བྱས་ཏེ་སྐྱེ་ཁམས་ཁོར་ཡུག་མཉམ་གཏོད་དང་མཉམ་བདག །མཉམ་སྤྱོད་བཅས་ཀྱི་མི་རིགས་ཀྱི་ཐུན་མོང་སྒྲིག་གཞིའི་འདུ་ཤེས་འཛུགས་ཆེད། དོ་དམ་ཅུས་ཀྱིས་རོང་འབྲོག་མང་ཚོགས་ལ“ཕྱུགས་འཚོ་མཁན”ནས“རྩྭ་ཐང་སྲུང་སྐྱོང་པ”བྱེད་པར་ཁྲིད་སྟོན་བྱས་ཏེ། རོང་འབྲོག་མང་ཚོགས་སྐྱེ་ཁམས་ཁོར་ཡུག་སྲུང་སྐྱོང་ལས་སྒོར་ཞུགས་པར་སྐུལ་འདེད་བཏང་། གསུམ་ནས་མཐུན་སྒྲིལ་དང་སྲུང་སྐྱོང་ལ་དམ་འཛིན་བྱས་ཏེ“མཐུན་སྦྱོར་སྒྲ་དབྱངས”སྙན་མོ་བརྩམས། མི་དང་རང་བྱུང་ཁམས་ཀྱི་འབྲེལ་བ་ཐག་གཅོད་འོས་འཚམ་བྱས་ནས་མི་རིགས་མཐུན་སྒྲིལ་ཡར་ཐོན་ལ་སྐུལ་འདེད་དང་། སྐྱེ་ཁམས་དཔལ་ཡོན་འཛུགས་སྐྲུན་ལ་དམ་འཛིན་བྱེད་ཤུགས་ཆེ་རུ་བཏང་ནས། གནས་འདིར་འཚོ་བའི་མི་རིགས་ཁག་གི་མི་དམངས་ཀྱིས་བློ་ཁ་གཅིག་ཏུ་ཕྱོགས་པ་དང་སྟོབས་ཤུགས་གཅིག་ཏུ་སྒྲིལ་སྟེ། “ཡུལ་སྐོར་གྱི་ཅ་ནེ”ལ་བརྟེན་ནས“སྐྱེ་ཁམས་ཀྱི་ཟས་མཆོག”གཡོས་སྦྱོར་བྱས། ཐུན་མོང་ཕྱུག་འགྱུར་གྱི་ལམ་བུར་གོམ་སྟབས་ཆེན་པོས་མདུན་དུ་བསྐྱོད་ན། “ཀྲུང་ཧྭ་མི་རིགས་ཀྱི་གཅིག་མཐུན་འདུ་ཤེས་ཇེ་ཟབ་དང་སྐྱེ་ཁམས་དཔལ་ཡོན་འཛུགས་སྐྱོང་ཟུང་དུ་འབྲེལ་བའི”ལས་དོན་ལེགས་པོ་བསྒྲུབ་ཐུབ། དེ་ནི་སྔོ་ལྗང་རི་ཀླུང་ནི་གསེར་རི་དངུལ་རི་ཡིན་པའི་འགྲེལ་ལན་ཡིན།

རྗེས་ཕྱོགས་མཛོད་དགེ་བརླན་ས་དོ་དམ་ཅུས་ཀྱིས་ཏང་གི་མི་རིགས་སྲིད་ཇུས་དང་སྐྱེ་ཁམས་ཤེས་དཔལ་འཛུགས་སྐྱོང་གི་འདུ་ཤེས་བློ་བརྟན་འགྱུར་མེད་ཀྱིས་ལག་བསྟར་དོན་འཁྱོལ་བྱས་ཏེ། ལས་ཀའི་བྱེད་ཐབས་རྒྱུན་ཆད་མེད་པར་གསར་གཏོད་སྒོས་མི་རིགས་མཐུན་སྒྲིལ་ཡར་ཐོན་དང་སྐྱེ་ཁམས་སྲུང་སྐྱོང་མཐུན་སྦྱོར་ངང་འཕེལ་རྒྱས་འགྲོ་བར་སྐུལ་འདེད་བཏང་ནས། མཛོད་དགེ་རྒྱལ་ཁབ་སྤྱི་གླིང་འཛུགས་སྐྲུན་དང་མི་རིགས་མཐུན་སྒྲིལ་ཡར་ཐོན་ཞི་མཐུན་མཉམ་གནས་ལ་འབད་པ་ལྷོད་མེད་བྱས་ཏེ། བརླན་ས་སྲུང་སྐྱོང་གི་ལས་དོན་ལེགས་པོ་བསྒྲུབ་རྒྱུ་རེད། །