ཉེ་ཆར། མཛོད་དགེ་རྫོང་བཞག་ལྡོམ་གྲོང་རྡལ་གྱིས“མིར་གཞིགས་ནས་ཚད་གཞི་གཏན་འཁེལ་དང་། ཚད་གཞི་ལྟར་འགན་འཁྲི་གཏན་འཁེལ། ཞབས་ཞུ་ལེགས་འདོན”བཅས་ཀྱི་ལས་ཀའི་བསམ་ཕྱོགས་གཞིར་བཟུང་ནས། “དྲ་མིག་དངོས་གཉེར”ཞབས་ཞུ་གཞི་རིམ་དུ་བཏོན་ནས། ཁོར་ཡུག་བཅོས་སྒྲིག་ལས་དོན་ལ་སྐུལ་འདེད་གཏོང་བཞིན་གཞིས་སྡོད་ཁོར་ཡུག་བཅོས་སྒྲིག་གི་ཕན་འབྲས་དང་དོ་དམ་ཆུ་ཚད་ཁྱོན་ཡོངས་ནས་མཐོ་རུ་བཏང་བ་རེད།
ས་རྒྱུ་དང་སྔོ་ཁེབས་སླར་གསོ་བྱས་ནས་བརླན་ས་དང་རྩྭ་ཐང་ལ་སྲུང་སྐྱོང་བྱེད་པ། དྲ་མིག་ཅན་གྱི་དོ་དམ་བླང་བྱ་ལྟར་བརླན་ས་དང་རྩྭ་ཐང་ས་ཁོངས་མང་པོར་དབྱེ་ནས། “འཕྲེད་གཞུང་གཉིས་ཀྱི་ཁྱབ་ཁོངས་ཀུན་ལ་ཁྱབ་པར་བྱས་ཏེ། འགན་འཁྲི་མི་ཐོག་ཏུ་ཁེལ། ལྟ་སྐུལ་དོ་དམ་གནས་སུ་འབྱོར་བ”བཅས་ཀྱི་རྩྭ་ཐང་ཁོར་ཡུག་བཅོས་སྒྲིག་གི་དྲ་མིག་ཅན་གྱི་དོ་དམ་མ་ལག་ཅིག་བསྐྲུན་ཡོད། རྩྭ་ཐང་གི“སྟོན་གོས”གཙང་མ་བྱས།
ཆུ་ལམ་གཙང་སེལ་བྱས་ཏེ་གཙང་པོའི་ཆུ་མགོར་སྲུང་སྐྱོང་བྱེད་པ། “སྟོད་རྒྱུད་ཀྱི་འགན་འཁྲི”བློ་ཐག་ཆོད་པོས་འཁུར་བ་དང་། “དྲ་མིག་གི་འགན་འཁྲི”བརྟན་དུ་གཏོང་བ། འབྱུང་རྩ་བཅོས་སྐྱོང་ལ་དམ་འཛིན་བཅས་བྱས་ཏེ། “ཆུ་ཁོངས”ཀྱི་དྲ་མིག་ཅན་གྱི་དོ་དམ་ལམ་སྲོལ་དོན་འཁྱོལ་བྱས། དྲ་མིག་དོ་དམ་ལས་དོན་པའི་འགན་འཁུར་ས་ཁུལ་དབྱེ་བ་དང་། གནད་དོན་གྱི་གསལ་ཐོ་བཟོས་ཏེ། དྲ་མིག་དོ་དམ་ལས་དོན་པས་ཆུ་ཁོངས་བཅོས་སྒྲིག་ལས་སྒོར་ཞུགས་པར་སྐུལ་སློང་དང་སྒྲིག་འཛུགས་བྱས། “ས་གདན་རྣམ་པའི”ཐོག་ནས་ཆུ་ཁོངས་ཀྱི་སྦགས་བཙོག་མེད་པར་བཟོས། འབྲུག་དཀར་གཙང་པོའི“ཆུ་དྭངས་ལ་ཐང་ལེགས་པ། ཆུ་ངོགས་མཛེས་ལ་ཡུལ་ལྗོངས་མཛེས་པ”བཅས་སྲུང་སྐྱོང་བྱས་ཏེ་གཙང་པོ་ཆེན་མོའི “ཆུ་བོ་ཤར་རྒྱུག”ཐུབ་པར་འགན་ལེན་བྱས།
ཟང་ཟིང་དང་སྒྲིག་འགལ་འཛུགས་སྐྲུན་བཅོས་སྒྲིག་བྱས་ནས་གྲོང་ཁྱེར་དང་གྲོང་རྡལ་གྱི་རྣམ་པ་གསར་པ་བསྐྲུན། གྲོང་ཁྱེར་དང་གྲོང་རྡལ་འཛུགས་སྐྲུན་ཐད་ནུས་ཤུགས་འདོན་པ་དང་། གྲོང་ཁྱེར་དང་གྲོང་རྡལ་གྱི་དོ་དམ་ཐད་འབད་བརྩོན་བྱེད་པ། གྲོང་ཁྱེར་དང་གྲོང་རྡལ་གྱི་ཞབས་ཞུའི་ཐད་བརྩེ་སེམས་འཆང་བ་བཅས་མཐའ་འཁྱོངས་བྱས་ཏེ། ཁང་གསར་ཁྲོམ་གཞུང་དང་ལྷ་མོ་ཁྲོམ་གཞུང་། 213ལམ་རྒྱུད་སོགས་ས་ཁོངས་ཀྱི་དྲ་མིག་དངོས་གཉེར་འགན་འཁུར་བ་དང་ལས་དོན་མི་སྣ་སྤྱི་འདོམས་བྱས་ཏེ། སྔོ་འགྱུར་དང་མཛེས་བཟོ། དྭངས་གཙང་། སྟབས་བདེ་ཅན་བཅས་ཀྱི་ལས་གཞིར་ཁྱོན་ཡོངས་ནས་སྐུལ་འདེད་བཏང་ཐོག་ཁྲིམས་འགལ་སྒྲིག་འགལ་གྱི་འཛུགས་སྐྲུན་ཁྱོན་ཡོངས་ནས་གཙང་སེལ་དང་བཅོས་སྒྲིག་བྱས་ཏེ། གཅིག་གྱུར་འཆར་འགོད་དང་གཅིག་གྱུར་འཛུགས་སྐྲུན་ལ་སྨི་ངོས་གྲུ་བཞི་མ་1000ལྷག་བཀོད་སྒྲིག་བྱས། དྲ་མིག་ནང་རང་དགར་སྐྲུན་པའི་སྣང་ཚུལ་ཚོད་འཛིན་ནུས་ལྡན་ཐུབ་ཡོད་པ་རེད། །
