ཟླ་7པའི་ཚེས་27ཉིན། རྔ་བ་ཁུལ་ལི་ཐང་རྫོང་གིས་ཡུལ་གྲོང་འཕྲོད་བསྟེན་ཞབས་ཞུ་ནུས་ཤུགས་མཐོར་འདེགས་སུ་གཏོང་བའི་ལོ་རེའི་བྱ་འགུལ------ལས་བྱེད་པའི་རང་སྦྱོང་འགྲན་བསྡུར་ཞེས་པ་ལི་རྫོང་མི་དམངས་སྨན་ཁང་དུ་སྤེལ། གཞི་རིམ་གྲོང་རྡལ་13ནས་ཡོང་བའི་འཕྲོད་བསྟེན་ལས་བྱེད་པ་35ཐེངས་འདིའི་བྱ་འགུལ་ནང་ཞུགས་པ་དང་། རིམ་པ་བཞིན་ལུས་ཕུང་ཞིབ་བཤེར་དང་སྒྲ་འདས་ནད་བརྟག སྙིང་འཕར་རླབས་རིས། ལུས་གསོ་ནད་བཅོས། འཕྲོད་བསྟེན་སོགས་ཆེད་ལས་བདུན་གྱི་ཐད་ནས་ཡིག་རྒྱུགས་དང་ནུས་རྩལ་འགྲན་བསྡུར་བྱས་ཤིང་།  ཆེད་ལས་ཁ་ཕྱོགས་རེ་རེ་ལས་ཨང་དང་པོ་ཐོབ་མཁན་དག་སྤྱི་ཟླ་8པའི་ཟླ་སྟོད་དུ་ཁུལ་རིམ་པའི་འཕྲོད་བསྟེན་སྨན་བཅོས་ཀྱི་འགྲན་བསྡུར་ལ་ཞུགས་པར་སྟ་གོན་བྱེད་དགོས་འདུག །