སྤྱི་ཟླ་7པའི་ཚེས་24ཉིན། དཀར་མཛེས་ཁུལ་ཨུའི་རྒྱུན་ལས་ཨུ་ཡོན། ཁུལ་ཨུ་དྲིལ་བསྒྲགས་པུའུ་ཡི་པུའུ་ཀྲང་བྱམས་བློ་འཕེལ་རྒྱས་ཨུ་ཡོན་ལྷན་ཁང་གི་ཀྲུའུ་རེན་ཞོའོ་ཧྥིན་སོགས་འབྲེལ་ཡོད་འགོ་ཁྲིད་ཀྱིས་ཕེབས་རོགས་འོག་དུང་དཀར་ལུང་པའི་ལྗོངས་ཁུལ་5Aགསར་སྤེལ་གྱི་བྱ་བར་རྟོག་ཞིབ་ཏུ་ཕྱིན། པུའུ་ཀྲང་བྱམས་བློས་འབོ་ཞབས་དང་གཉའ་ལུང་འགོ་བར་གྱི་གཞུང་ལམ་འཛུགས་སྐྲུན་དང་དུང་དཀར་ལུང་པའི་ལྗོངས་ཁུལ་ལྟེ་གནས་ཀྱི་འཛུགས་བསྐྲུན། འབོ་ཞབས་གྲོང་རྡལ་གྱི་འཛུགས་སྐྲུན་སོགས་གནད་གལ་ཆེ་བའི་ལས་གཞི་དག་ལ་རྟོག་ཞིབ་ནན་མོ་བྱས་པ་མ་ཟད།  ལྗོངས་ཁུལ་གྱི་སྒྲིག་བཀོད་འཕེལ་རིམ་དང་ལྗོངས་ཁུལ་འཛུགས་སྐྲུན་གྱི་རེ་ཞུའི་སྤུས་ཚད། ལྗོངས་ཁུལ་ཀྱི་ལྐོག་ཞིབ་སྙན་ཞུ་སོགས་5Aགསར་སྤེལ་གྱི་ནང་ཁུལ་རྒྱུ་ཆ་དག་ལ་རྒྱུས་ལོན་བྱས། བྱམས་བློ་པུའུ་ཀྲང་གིས་ལྗོངས་ཁུལ་གསར་འཛུགས་ཀྱི་བར་སྐབས་གྲུབ་འབྲས་ལ་གདེང་འཇོག་ཆེན་པོ་བྱས་པ་མ་ཟད ། ལྗོངས་ཁུལ་འཛུགས་སྐྲུན་དང་འབྲེལ་བའི་བྱ་བའི་ཐད་གཤམ་གསལ་གྱི་རེ་བ་བཞི་བཏོན། དང་པོ། འགན་འཁྲི་དང་ལེན་དང་རེ་བ་ནན་མོས་ལྐོག་ཞིབ་གནད་དོན་དོན་ཐོག་ཏུ་འཁྱོལ་དགོས། གཉིས་པ། ལས་གཞི་གསར་བསྐྲུན་གྱི་མྱུར་ཚད་མཐོར་འདེགས་སུ་གཏང་བའི་དུས་མཚུངས་སུ་ལས་ཀའི་སྤུས་ཚད་དང་བདེ་འཇགས་ལ་ཁག་ཐེག་བྱེད་དགོས། གསུམ་པ། རེ་ཞུ་ནང་དོན་འཐུས་ཚང་དུ་གཏང་དགོས་པ་དང་། ལྗོངས་ཁུལ་གྱི་སྤུས་ཚད་ལ་ཞིབ་བཤེར་བྱེད་སྐབས་ཐེངས་གཅིག་གིས་རྒྱལ་ཁབ་ཡུལ་སྐོར་ཅུས་ཀྱི་ཚད་ཐིག་ལ་ཐོན་པར་ཁག་ཐེག་བྱེད་དགོས།  བཞི་བ། དམངས་ཚོགས་ཀྱི་བྱ་བར་ཤུགས་སྣོན་བྱས་ཏེ། ཐབས་བརྒྱ་ཇུས་སྟོང་གིས་གསར་སྐྲུན་ཁྲོད་འཕྲད་པའི་དམངས་འཚོའི་གནད་དོན་ཐག་གཅོད་ལེགས་པོ་བྱེད་དགོས།།