མིག་སྔར། ཧུང་ཡོན་རྫོང་གིས་དབུལ་སྐྱོར་གསར་སྤེལ་སྲིད་ཇུས་ཀྱི་ཆེད་དོན་འཆད་ཁྲིད་སྤེལ། རྫོང་ཡོངས་ཀྱི་ཡུལ་ཤོག་དང་གྲོང་རྡལ་ཁག་གི་འགན་ཁུར་པ་གཙོ་བོ་དང་། སྲིད་འཛིན་གྲོང་ཚོ་33ཀྱི་ཨུ་ལྷན་གཉིས་ཀྱི་འགན་ཁུར་བ་དང་། དབུལ་ཕོངས་གྲོང་ཚོའི་ཧྲུའུ་ཅི་དང་པོ། དབུལ་སྐྱོར་གསར་སྤེལ་ལས་ཀའི་འགོ་ཁྲིད་ཚོགས་ཆུང་གི་ཁོངས་མི་སྡེ་ཚན་གྱི་འགན་འཁུར་མི་སྣ་གཙོ་བོ་བཅས་ཆེད་དོན་འཆད་ཁྲིད་ལ་ཞུགས།
    འཆད་ཁྲིད་ཐོག་རྔ་བ་ཁུལ་དབུལ་སྐྱོར་དང་ཡུལ་མི་གནས་སྤོ་ཅུས་ཀྱི་ཅུས་ཀྲང་གཞོན་པ་ཀྲུའུ་ཡུས་ཀྱིས་《གནད་སྨིན་དབུལ་སྐྱོར་བྱེད་པའི་ལས་འགན་སྐོར་གྱི་བསམ་གཞིགས་འགའ》 ཞེས་པ་ཁ་བྱང་བྱས་ནས་གནད་སྨིན་དབུལ་སྐྱོར་གྱི་ལས་ཀའི་བསམ་གཞི་དང་ལས་ཀའི་དམིགས་ཚད་ནས་བཟུང་སྟེ། ཡིག་ཚགས་དང་བྱང་བུ་བཟོ་རྒྱུ་འཐུས་ཚང་དུ་བཏང་ནས་གནད་སྨིན་དབྱེ་འབྱེད་གནད་དུ་འཁེལ་བ་དང་། དབུལ་སྐྱོར་བྱ་ཡུལ་ལ་དམིགས་ཏེ་གནད་སྨིན་དབུལ་སྐྱོར་བྱེད་པ། དབུལ་སྒྲོལ་དམིགས་ཡུལ་ཁ་གསལ་བྱས་ཏེ་གནད་སྨིན་དབུལ་སྐྱོར་བྱེད་པ། བྱ་ཐབས་ནུས་ལྡན་སྤྱད་དེ་གནད་སྨིན་དབུལ་སྐྱོར་བྱེད་པ་སོགས་ཀྱི་ཐད་ནས་ཧུང་ཡོན་རྫོང་གི་དོན་དངོས་དང་ཟུང་འབྲེལ་དམ་པོ་བྱས་ཏེ། ཞིབ་ཕྲའི་སྒོ་ནས་མིག་སྔའི་རྒྱལ་ཁབ་ཀྱི་དབུལ་སྐྱོར་གསར་སྤེལ་སྲིད་ཇུས་སྒྲོག་འགྲེལ་བྱས།