ཉེ་ལམ། སི་ཁྲོན་ཞིང་ཆེན་བོད་ཡིག་སློབ་གྲྭའི་ན་གཞོན་སློབ་གསོ་བ་དང་རྩོམ་པ་པོ་ཨ་འབུམ་བློ་བཟང་དམ་ཆོས་ཀྱིས་བརྩམས་གནང་མཛད་པའི་《དཔྱོད་མིག》དང་《མི་ཚེའི་ལམ་བུ།》གཉིས་ཀན་སུའུ་མི་རིགས་དཔེ་སྐྲན་ཁང་གིས་པར་དུ་བསྐྲུན་ཏེ་འགྲེམ་སྤེལ་བྱས།
《དཔྱོད་མིག》ཅེས་པའི་དེབ་འདི་ནི་ཨ་འབུམ་བློ་བཟང་དམ་ཆོས་ཀྱིས་ཉེ་བའི་ལོ་འགའི་རིང་བྲིས་པའི་དངོས་ཡོད་སྤྱི་ཚོགས་དང་འབྲེལ་བའི་གླེང་བརྗོད་དང་འབོལ་རྩོམ། རང་རེའི་སློབ་གསོའི་ཁྲོད་དུ་གནས་པའི་ཁ་ཚ་དགོས་གཏུགས་ཀྱི་གནད་དོན་ཁག་ལ་དམིགས་པའི་བསྒྱུར་རྩོམ་བཅས་གསུམ་གྱིས་གྲུབ།
《མི་ཚེའི་ལམ་བུ།》ནི་བོད་ཀྱི་ན་གཞོན་སློབ་གསོ་བ་དང་རྩོམ་པ་པོ་ཞིག་གིས་ཤེས་རིག་དོན་དུ་གཉེར་བའི་བཞུད་ལམ་ཞིག་གི་ཕྱིར་རྟོག་ཡིན་ཞིང་བོད་ཀྱི་རིག་གནས་འཛིན་སྐྱོང་སྤེལ་གསུམ་ལ་ཕུལ་བའི་ལག་རྗེས་ཤིག་ཀྱང་ཡིན། དེབ་འདིའི་ནང་འགྲེལ་རྩོམ་སྟེ། སུམ་རྟགས་ཀྱི་རྩ་འགྲེལ་དང་འབྲེལ་བའི་འགྲེལ་ཆེན་གཉིས་ཀྱི་བཞེད་དགོངས་སོ་སོར་དཔྱད་ཞིབ་མཛད་ཡོད་པར་མ་ཟད་བོད་ཀྱི་སློབ་གསོའི་གནས་བབ་དང་དགོས་མཁོ་ལ་དམིགས་པའི་བསྒྱུར་རྩོམ་དང་འབོལ་རྩོམ། བཅད་རྩོམ་བཅས་ལེགས་རྩོམ་མང་པོ་མཉམ་དུ་བཏུས་ཡོད།།
