སྤྱི་ཟླ་12པའི་ཚེས་31ཉིན། དར་མདོ་གྲོང་ཁྱེར་ཏང་ཨུ་དང་མི་དམངས་སྲིད་གཞུང་གིས་གཙོ་སྒྲུབ་གནང་ཞིང་དར་མདོ་གྲོང་ཁྱེར་དྲིལ་བསྒྲགས་པུའུ། དཀར་མཛེས་ཁུལ་རྩོམ་རིག་སྒྱུ་རྩལ་མཉམ་འབྲེལ་ལྷན་ཚོགས། དཀར་མཛེས་ཁུལ་དཔེ་མཛོད་ཁང་། དར་མདོ་གྲོང་ཁྱེར་རིག་གནས་ཡུལ་སྐོར་ཅུས། དར་མདོ་གྲོང་ཁྱེར་དཔལ་ཡོན་གཞུང་སྒྲུབ་ཁང་། དར་མདོ་གྲོང་ཁྱེར་རྩོམ་རིག་སྒྱུ་རྩལ་ལྷན་ཚོགས་བཅས་ཀྱིས་འགན་སྒྲུབ་མཛད་པའི་གནམ་ལོ་གསར་པ་བསུ་བའི་རིག་རྩལ་སྤྲོ་ཚོགས་དར་མདོ་གྲོང་ཁྱེར་གྱི་མཛའ་གཞས་ཐང་ཆེན་དུ་སྤེལ།

　　དར་མདོའི་སྡོད་དམངས་ཁུལ་དང་རུ་ཁག རྒན་བགྲེས་མཐུན་ཚོགས། དགེ་རྒན་མཐུན་ཚོགས་སོགས་མི་དམངས་རིག་རྩལ་ཚོགས་པས་ཞབས་བྲོ་དང་རྡུང་ལེན། སྙན་ངག་གྱེར་འདོན་སོགས་རྒྱ་ཆེའི་ལྟད་མོ་བའི་མིག་གི་ལོངས་སྤྱོད་དུ་བསྟར་བར་མ་ཟད། དཀར་མཛེས་དཔེ་མཛོད་ཁང་གིས་ཀྱང་གོ་སྐབས་དེར་བརྟེན་ཏེ་དཔེ་དེབ་འགྲེམ་ཀློག་སོགས་ཀྱི་མུ་འབྲེལ་བྱེད་སྒོ་སྤེལ།།