2016ལོའི་སྤྱི་ཟླ་1པའི་ཚེས་13ཉིན། ཀྲུང་གུང་ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་རྒྱུན་ལས་ཨུ་ཡོན། རྒྱལ་སྲིད་སྤྱི་ཁྱབ་ཁང་གི་ཙུང་ལི། ཏང་ཙུའུ་ཧྲུའུ་ཅི་ལི་ཁེ་ཆང་གིས་རྒྱལ་སྲིད་སྤྱི་ཁྱབ་ཁང་གི་ཏང་ཙུའུ་གྲོས་ཚོགས་གཙོ་སྐྱོང་མཛད་དེ་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་སྐབས་བཅོ་བརྒྱད་པའི་ཀྲུང་དབྱང་སྒྲིག་བཤེར་ཨུ་ལྷན་གྱི་ཚང་འཛོམས་གྲོས་ཚོགས་ཐེངས་དྲུག་པའི་སྟེང་གནང་བའི་གསུང་བཤད་གལ་ཆེན་གྱི་དགོངས་དོན་ལ་སློབ་སྦྱོང་དང་ལག་བསྟར་བྱས་ཏེ་སྲིད་གཞུང་ཁོངས་གཏོགས་ཀྱི་ཏང་སྲོལ་སྲིད་གཙང་འཛུགས་སྐྲུན་དང་རུལ་སུངས་ལ་ངོ་རྒོལ་བྱེད་པའི་བྱ་བ་བཟང་བོ་བསྒྲུབ་པར་བཀོད་སྒྲིག་བྱས།
　　གྲོས་ཚོགས་ལས་ཏང་གི་ཚོགས་ཆེན་ཐེངས་བཅོ་བརྒྱད་པའི་ཚུན་ལ་བློ་མཐུན་ཞི་ཅིན་ཕིང་སྤྱི་ཁྱབ་ཧྲུའུ་ཅི་ཡིན་པའི་ཏང་ཀྲུང་དབྱང་གི་ནན་ཏན་སྒོས་ཏང་སྐྱོང་བ་དང་རུལ་སུངས་ལ་ཆད་པ་གཅོད་པ་རྒྱུན་འཁྱོངས་བྱས་ཏེ་ཏང་སྲོལ་སྲིད་གཙང་འཛུགས་སྐྲུན་དང་རུལ་སུངས་ལ་ངོ་རྒོལ་བྱེད་པའི་ཐད་ལ་གཡུར་དུ་ཟ་བའི་གྲུབ་འབྲས་ཐོབ། ཏང་ཀྲུང་དབྱང་གི་གཅིག་གྱུར་བཀོད་སྒྲིག་ལྟར་རྒྱལ་སྲིད་སྤྱི་ཁྱབ་ཁང་ཏང་ཙུའུ་ཡིས་མགྱོགས་མྱུར་སྒོས་སྲིད་གཞུང་འགན་ནུས་བསྒྱུར་བཀོད་དང་གཙང་སྤྱོད་སྲིད་གཞུང་འཛུགས་སྐྲུན་ལ་ཤུགས་སྣོན་བྱས་ཏེ་རྒྱུན་མཐུན་ངང་སྲིད་བསྡུ་དབང་གཏོང་དང་དབང་ཆ་དང་དོ་དམ་ཟུང་འབྲེལ། ཞབས་ཞུ་ལེགས་བསྒྱུར་སོགས་གལ་ཆེའི་ཁྱབ་ཁོངས་ཀྱི་བཅོས་སྒྱུར་ལ་སྐུལ་འདེད་གཏང་དགོས་པར་མ་ཟད། ཁྲིམས་ལྟར་དོ་དམ་དབང་ཆར་ཚོད་འཛིན་དང་ནོར་སྲིད་མ་དངུལ་ལེགས་པོར་སྤྱོད་པ། སྲིད་གཞུང་གི་མ་དངུལ་བཀོལ་སྤྱོད་ལེགས་པོ་བྱས་ཏེ་སྤྱི་གཞུང་གི་མ་དངུལ་བཀོལ་སྤྱོད་ཀྱི་ལས་ཆོད་མཐོར་འདེགས་སུ་གཏང་དགོས། དེ་མིན་ལྟ་སྐུལ་འདྲི་གཅོད་ལ་ཤུགས་སྣོན་དང་ཁྲིམས་འགལ་དང་སྤྱོད་ལམ་མི་ལེགས་པ་ལ་ཆད་པ་བཅད་དེ་སྲིད་གཞུང་ཁོངས་གཏོགས་ཀྱི་རུལ་རྒོལ་གཙང་སྤེལ་དང་སྲིད་སྲོལ་བསྒྱུར་བཀོད་ལ་གྲུབ་འབྲས་གསར་པ་ལེན་དགོས་ཞེས་བསྟན།
　　གྲོས་ཚོགས་ལས་གཅིག་ནས་རྒྱུན་མཐུད་ངང་བཅོས་སྒྱུར་གཏིང་ཟབ་ཏུ་སྤེལ་ཏེ་རུལ་སུངས་ཀྱི་འབྱུང་ཡུལ་ལ་ངོ་རྒོལ་བྱེད་པར་སྐུལ་འདེད་གཏང་དགོས། གཉིས་ནས་བྱེད་ཐབས་སྣ་ཚོགས་སྤྱད་དེ་ནོར་སྲིད་མ་དངུལ་གྱི་བདེ་འཇགས་ལ་སྲུང་སྐྱོབ་བྱ་དགོས། གསུམ་ནས་སྤྱི་གཞུང་རྒྱུ་ནོར་ལ་དོ་དམ་བྱེད་པའི་ལམ་ལུགས་འཐུས་ཚང་དུ་གཏང་དགོས་བཅས་རེ་བ་གསུམ་བཏོན།།