ཉེ་ལམ་བསྒྲགས་པའི་གནས་ཚུལ་ལྟར་ན། སྔར་ལས་ལེགས་པའི་སྒོ་ནས་དཔལ་ཡུལ་རྫོང་གིས་བརླན་སའི་སྲུང་སྐྱོབ་ལས་ཀར་སྐུལ་འདེད་གཏང་སླད་དཔལ་ཡུལ་རྫོང་གིས་2014ལོའི་ལོ་མཇུག་ནས་བཟུང་སི་ཁྲོན་དཔལ་ཡུལ་གྱི་རྒྱལ་ཁབ་བརླན་སའི་སྤྱི་གླིང་གི་རེ་ཞུའི་ལས་ཀ་འགོ་བརྩམས་ཤིང་། རྫོང་ཨུ་དང་རྫོང་མི་དམངས་སྲིད་གཞུང་གི་མཐོང་ཆེན་དང་རྒྱབ་སྐྱོར་བྱས་འོག་ལས་གཞི་དེ་2015ལོའི་ཟླ་12བར་རྒྱལ་ཁབ་ནགས་ལས་ཅུས་བརླན་སའི་ཆེད་རམས་པའི་ཡུལ་དངོས་རྟོག་ཞིབ་དང་ཐོག་མའི་ཞིབ་བཤེར་བྱས་ཏེ་གྲོས་འཆམ་བྱུང་། ཟླ་12པའི་ཟླ་སྨད་དུ་རྒྱལ་ཁབ་ནགས་ལས་ཅུས་ཀྱིས་《རྒྱལ་ཁབ་བརླན་སའི་སྤྱི་གླིང་གི་དོ་དམ་བྱེད་ཐབས་（ཚད་ལྟའི་ལག་བསྟར།）》གྱི་གཏན་འཁེལ་བྱས་པའི་མངོན་གསལ་དང་དྲང་བདེན་གྱི་རྩ་དོན་ལྟར་སི་ཁྲོན་དཔལ་ཡུལ་གྱི་ནགས་ལུང་མཚོའི་རྒྱལ་ཁབ་བརླན་སའི་སྤྱི་གླིང་（ཚོད་ལྟ།）ཕྱི་བསྒྲགས་བྱས་ཏེ་མང་ཚོགས་ཀྱིས་རྒྱལ་ཁབ་ནགས་ལུང་མཚོའི་སྤྱི་གླིང་འཛུགས་སྐྲུན་དང་དོ་དམ་ལས་ཀའི་བསམ་འཆར་བསྡུ་ལེན་བྱས། འདི་ལས་སི་ཁྲོན་དཔལ་ཡུལ་གྱི་ནགས་ལུང་མཚོའི་རྒྱལ་ཁབ་བརླན་སའི་སྤྱི་གླིང་དེ་རྒྱལ་ཁབ་ནགས་ལས་ཅུས་ཀྱིས་ཞིབ་བཤེར་བྱས་ཏེ་གྲོས་འཆམ་བྱུང་བ་མཚོན་ལ། དཔལ་ཡུལ་རྫོང་ནགས་ལས་ཅུས་ཀྱིས་སྤྱི་གླིང་གི་སྤྱིའི་སྒྲིག་བཀོད་དང་བརླན་སའི་སྐྱེས་ཁམས་ཁོར་ཡུག་སྲུང་སྐྱོབ་དང་འབྲེལ་བའི་ལས་གཞིར་ཇུས་གཞི་བཀོད་པ་དང་ནགས་ལུང་མཚོའི་བརླན་སའི་ཆུ་ཐོན་ཁུངས་གསབ་སྐོང་དང་ཆུའི་ཐོན་ཁོངས་ཀྱི་གསོ་སྐྱོང་ནུས་པར་སྲུང་སྐྱོང་བྱེད་པར་ཤུགས་སྣོན་བྱས་ཏེ་ལོ་ལྔའི་ནང་རྨང་གཞིའི་སྒྲིག་བཀོད་འཛུགས་སྐྲུན་འགྲུབ་བྱུང་སྟེ་བདེ་བླག་ངང་རྒྱལ་ཁབ་བརླན་སའི་སྤྱི་གླིང་གིས་དངོས་བཤེར་གྲོས་འཆམ་བྱུང་བར་བརྩོན་ལེན་བྱ་རྒྱུ་རེད།།