ཚན་རིག་པས་བདེན་དཔང་བྱས་པ་ལྟར་ན། ལོ་1800ཙམ་གྱི་སྔ་རོལ་དུ། འཛམ་གླིང་ན་སྙན་གྲགས་འབར་པའི་དར་གོས་ཚོང་ལམ་དེ་ཕལ་ཆེར་མཐོ་དབུས་མཐོ་སྒང་དང་སྦྲེལ་འདུག་ལ། འདི་ལས་མཚོ་འཕགས་ལ་སྨི་4500ཙམ་ཡོད་པའི་བོད་ལྗོངས་མངའ་རིས་ས་ཁུལ་དུ་ཇ་ལོ་སོགས་ཀྱི་དངོས་ཟོག་སྐྱེལ་འདྲེན་བྱས་ཡོད་པ་མཚོན།
ཉེ་སྔོན་ཀྲུང་གོའི་ཚན་རིག་ཁང་ས་གཤིས་དང་སའི་གོ་ལའི་དངོས་ལུགས་ཞིབ་འཇུག་ཁང་གིས་སྤེལ་བའི་གནས་ཚུལ་ལྟར་ན། ཚན་རིག་པས་བོད་ལྗོངས་མངའ་རིས་ས་ཁུལ་གྱི་སྒར་རྫོང་གུར་གྱམ་དགོན་གྱི་གནས་ཤུལ་ནས་ལོ་ངོ་1800སྔོན་གྱི་གནའ་བོའི་ཞང་ཞུང་དུས་ཀྱི་ཇ་ལོའི་སྙིགས་རོ་རྙེད་ཅིང་དེ་ལ་རྒྱུད་ཁུངས་གསལ་འབྱེད་བྱས་པ་བརྒྱུད། མིག་སྔར་སྙིགས་རོ་དེ་དག་ཇ་ལོའི་སྙིགས་རོ་ཡིན་པ་དངོས་སུ་གཏན་འཁེལ་བྱས།
