ཞིང་ཆེན་གྱི་སྐབས་བཅུ་གཉིས་པའི་མི་དམངས་འཐུས་མི་གྲོས་ཚོགས་ཐེངས་བཞི་བའི་ཚོགས་འདུ་མཇུག་སྒྲིལ།

ཝང་ཏུང་མིང་གིས་ཚོགས་འདུ་གཙོ་སྐྱོང་གནང་བ་མ་ཟད་འབྲེལ་ཡོད་གསུང་བཤད་བཤད་ཀྱང་གནང་། ཁེ་ཙིན་ཕིན་ཚོགས་འདུར་ཞུགས། 

དབྱི་ལེ་ཞིང་ཆེན་མི་དམངས་སྲིད་གཞུང་གི་ཞིང་དཔོན་དུ་འདེམས་བསྐོ་བྱས། 

ཧོང་ཡན་རུང་དང་ལེ་ཙོ་མིན་ཞིང་ཆེན་མི་དམངས་འཐུས་མི་ཚོགས་ཆེན་ཨུ་ཡོན་ལྷན་གྱི་ཀྲུའུ་རེན་གཞོན་པར་བདམས། 

དབྱང་ཞིང་ཕེང་ཞིང་ཆེན་མི་དམངས་སྲིད་གཞུང་གི་ཞིང་དཔོན་གཞོན་པར་བདམས། 

ཅའོ་ཝེ་ཞ་ཞིང་ཆེན་མི་དམངས་འཐུས་ཚོགས་རྒྱུན་ལས་ཨུ་ལྷན་གྱི་དྲུང་ཡིག་ཆེན་མོར་བདམས། 

        སྤྱི་ཟླ་1པོའི་ཚེས་29ཉིན་གྱི་ཕྱི་དྲོར། ཞིང་ཆེན་སྐབས་བཅུ་གཉིས་པའི་མི་དམངས་འཐུས་མི་ཚོགས་ཆེན་ཐེངས་བཞི་བའི་ཚང་འཛོམས་གྲོས་ཚོགས་ཐེངས་གསུམ་པ་འཚོགས་ཤིང་། གྲོས་རིམ་ཁག་ཕུན་སུམ་ཚོགས་པའི་ངང་ལེགས་པར་གྲུབ་རྗེས། ཞིང་ཆེན་གྱི་སྐབས་བཅུ་གཉིས་པའི་མི་དམངས་འཐུས་མི་ཚོགས་ཆེན་གྱི་གྲོས་ཚོགས་ཐེངས་བཞི་བ་ཁྲིན་ཏུའུ་ནས་མཇུག་སྒྲིལ། 
     ཚོགས་འདུའི་ཐོག་ཕེབས་དགོས་པའི་འཐུས་མི་881ཡོད་ལ། དངོས་སུ་ཕེབས་པའི་འཐུས་མི་850ཡོད། དངོས་ཞུགས་མི་གྲངས་ཁྲིམས་དང་མཐུན། 
        ཞིང་ཨུའི་ཧྲུའུ་ཅུ། ཞིང་ཆེན་དམངས་ཆེན་གྱི་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རེན། ཚོགས་འདུའི་ལག་བསྟར་འགོ་འཛིན་ཝང་ཏུང་མིང་གིས་ཚོགས་འདུ་གཙོ་སྐྱོང་གནང་། ཚོགས་འདུའི་ལག་བསྟར་འགོ་འཛིན་ཧྥན་རུའེ་ཕེང་། ཁྲེང་ཀོང་ཀྲི། ཀྲང་ཏུང་ཧྲེང་། ཧོང་རུན་ཆིའུ། ཕེང་ཡུས། ལིའུ་ཏའོ་ཕེང་། ཙེང་ཧྲེང་ཆོན། ལི་ཞང་ཀྲི་སོགས་ཀྲུའུ་ཞི་སྟེགས་བུའི་མདུན་གྲལ་དུ་བཞུགས་ཡོད། 
     ཞིང་ཆེན་སྲིད་གྲོས་ཀྱི་ཀྲུའུ་ཞི་ཁོ་ཙིན་ཕེང་སོགས་ཀྲུའུ་ཞི་སྟེགས་བུར་བཞུགས། 
        ཚོགས་འདུའི་ཐོག་དབྱི་ལེ་སི་ཁྲོན་ཞིང་ཆེན་མི་དམངས་སྲིད་གཞུང་གི་ཞིང་དཔོན་དུ་འདེམས་བསྐོ་བྱས། ཧོང་ཡན་རུང་དང་ལིའུ་ཙུའོ་མིང་ཞིང་ཆེན་དམངས་ཆེན་རྒྱུན་ལས་ཨུ་ལྷན་གྱི་ཀྲུའུ་རེན་གཞོན་པར་བདམས། དབྱང་ཞིང་ཕེང་ཞིང་ཆེན་མི་དམངས་སྲིད་གཞུང་གི་ཞིང་དཔོན་གཞོན་པར་བདམས། ཅའོ་ཝེ་ཞ་ཞིང་ཆེན་དམངས་ཆེན་རྒྱུན་ལས་ཨུ་ལྷན་གྱི་དྲུང་ཡིག་ཆེན་མོར་བདམས། ཧྲི་དབྱི་ཏུང་། བོ་ཆིན་ཀོང་། ཧྥང་ཧྥང་། ཡན་ཤན་ཧྥང་། ཧོང་ཅན་ཧྥ་བཅས་ཞིང་ཆེན་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་ཨུ་ཡོན་དུ་བདམས་བསྐོ་བྱས། 
        གྲོས་ཚོགས་སྟེང་དུ་སི་ཁྲོན་ཞིང་ཆེན་མི་དམངས་སྲིད་གཞུང་གི་ལས་ཀའི་སྐོར་གྱི་སྙན་ཞུའི་གྲོས་ཆོད་དང་། སི་ཁྲོན་ཞིང་ཆེན་གྱི་རྒྱལ་དམངས་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་ལོ་ལྔའི་འཆར་གཞི་བཅུ་གསུམ་པའི་འཆར་འགོད་རྩ་གནད་སྐོར་གྱི་གྲོས་ཆོད། སི་ཁྲོན་ཞིང་ཆེན་2015ལོའི་རྒྱལ་དམངས་དཔལ་འབྱོར་དང་སྤྱི་ཚོགས་གོང་འཕེལ་གྱི་འཆར་འགོད་ལག་བསྟར་གནས་ཚུལ་དང་2016ལོའི་འཆར་འགོད་སྐོར་གྱི་གྲོས་ཆོད། སི་ཁྲོན་ཞིང་ཆེན་2015ལོའི་ནོར་སྲིད་སྔོན་རྩིས་ལག་བསྟར་གནས་ཚུལ་དང་2016ལོའི་ནོར་སྲིད་སྔོན་རྩིས་སྐོར་གྱི་གྲོས་ཆོད། སི་ཁྲོན་ཞིང་ཆེན་མི་དམངས་འཐུས་མི་ཚོགས་ཆེན་གྱི་རྒྱུན་ལས་ཨུ་ལྷན་ཁང་གི་ལས་ཀའི་སྙན་ཞུའི་སྐོར་གྱི་གྲོས་ཆོད། སི་ཁྲོན་ཞིང་ཆེན་མཐོ་རིམ་མི་དམངས་ཁྲིམས་ཁང་གི་ལས་ཀའི་སྙན་ཞུའི་སྐོར་གྱི་གྲོས་ཆོད། སི་ཁྲོན་ཞིང་ཆེན་མི་དམངས་ཞིབ་དཔྱོད་ཁང་གི་ལས་ཀའི་སྙན་ཞུའི་སྐོར་གྱི་གྲོད་ཆོད། 《སི་ཁྲོན་ཞིང་ཆེན་མི་དམངས་འཐུས་མི་ཚོགས་ཆེན་དང་དེའི་རྒྱུན་ལས་ཨུ་ཡོན་ལྷན་ཁང་གི་ཁྲིམས་འཛུགས་སྐོར་གྱི་སྲོལ་ཡིག》སོགས་ལ་གྲོས་འཆམ་བྱུང་།།