རྣམ་གླིང་རྫོང་ནི་གཞིས་རྩེ་གྲོང་ཁྱེར་གྱི་བྱང་ངོས་སུ་གནས་ཡོད་ཅིང་རྣམ་གླིང་གི་སྔ་མའི་མིང་ལ་ཤངས་ཟེར་རྣམ་གླིང་རྫོང་ལ་ཤང་ཁག་བཙོ་བརྒྱད་ཡོད་དེ་སྟག་སྣ་ཤང་ཆུམ་ཤང་ རྣམ་གླིང་ཤང་རྒྱ་མཚོ་ཤང་ཨེ་མར་ཤང་ནུབ་མ་ཤང་ཕོ་ཏམ་ཤང་རིན་བསྡུས་ཤང་ མདོ་བརྗོད་ཤང་ཚར་ཤང་ཁར་རྩེ་ཤང་སོག་ཆེན་ཤང་ཐོབ་རྒྱལ་ཤང་ར་ཐང་ཤང་ལྷ་བུ་ཕུ་ཤང་ མང་ར་ཤང་། སྟག་རྩེ་ཤང་བཅས་ཡོད་ཅིང་ད་ལྟ་རྣམ་གླིང་རྫོང་ལ་མི་གྲངས་ཁྲི་བརྒྱད་ཡོད།།
རྣམ་གླིང་བརྗོད་པའི་སྐབས་ཤང་ཆུ་ནི་མེད་དུ་མི་རུང་བ་ཞིག་ཡིན་ཤང་ཆུ་གཙང་པོས་སྙན་པའི་ཆུ་སྒྲ་སྒྲོགས་ཤིང་རྣམ་གླིང་གི་བྲང་ཁ་བརྒྱུད་ནས་མཐའ་མར་ཡངས་པའི་ཡར་ཀླུང་གཙང་པོར་འདྲེས། དགུན་ཁ་དང་དཔྱིད་ཀའི་དུས་སུ་ཤང་ཆུའི་ཆུ་མདོག་ཁ་ན་ཡང་ནམ་ཟླ་དབྱར་ཁ་ཤར་དུས་ཤང་ཆུ་རྒྱས་ནས་ཁ་མདོག་དམར་སེར་ཆགས་པ་དང་རྦ་རླབས་ལང་ལོང་དུ་འཕྱུར་ཞིང་ཆུ་ཁ་མཐོ་བའི་ཟིལ་རལ་གྱིས་མི་ལ་སྐྲག་སྣང་འབྱིན། རྣམ་གླིང་རྫོང་ལ་སྐད་གྲགས་ཆེ་བའི་དགོན་པ་ཤངས་དགའ་ལྡན་ཆོས་འཁོར་གླིང་དང་རིན་ཆེན་སྒང། བདེ་ཆེན་རབས་རྒྱས་སྟག་སྣ་མགོན་འོད་ཡུག་བྲག་དཀར་དགོན་དང་། ལྡིངས་མ་དགོན། གཡུང་དྲུང་གླིང་སོགས་ཡོད་ལ་གནས་རི་ཟ་འུ་ལ་མཇལ་བར་ཡོང་མཁན་གྱི་གནས་མཇལ་པ་མང་པོ་ཡོད། འོད་ཡུག་ནི་རྣམ་གླིང་རྫོང་གི་ཁོངས་སུ་གཏོགས་ཅིང་འོད་ཡུག་ཁོངས་ཤང་ཁག་བཞི་ཡོད། སོག་ཆེན་ཤང་། སྟག་རྩེ་ཤང་། མང་ར་ཤང་། ནུབ་མ་ཤང་བཅས་ཡིན། སོག་ཆེན་ཤང་ཁོངས་སུ་ཡང་མཚོན་ནམ་གྲོང་སྡེ་མང་པོ་ཡོད་པ། པད་ལུང་གྲོང་ཚོ། རབ་དཀར་རམ་བསམ་གླིང་གྲོང་ཚོ། བྲག་དཀར། དགའ་རྩེ། གཡའ་མོ་སོགས་མང་པོ་ཡོད། འོད་ཡུག་ནི་དམ་ཆེན་རྡོ་རྗེ་ལེགས་པའི་འཁྲུངས་ཡུལ་ཡང་ཡིན། །
