སྤྱི་ཟླ་གསུམ་པ་ནས་བཟུང་། སྡེ་རོང་རྫོང་གི་དབང་བོ་སྐྱོན་ཅན་མཉམ་འབྲེལ་ལྷན་ཚོགས་ཀྱིས་ཕྱོགས་ཡོངས་ནས་གཏིང་ཟབ་པའི་སྒོ་ནས་བརྟག་ཞིབ་བྱས་ཤིང་མ་དངུལ་སྒོར་ཁྲི་4.8བསྡུ་སྒྲིག་བྱས་ནས་སྤུས་ལེགས་པའི་སིལ་ཏོག་སྡོང་ཕྲུག་5000ཉོས་ཏེ་དབུལ་ཕོངས་དབང་པོ་སྐྱོན་ཅན་གྱི་སིལ་ཏོག་འདེབས་འཛུགས་ཀྱི་འཕེལ་རྒྱས་ཀྱི་རོགས་སྐྱོར་བྱས། 
　   སྡེ་རོང་རྫོང་དབང་པོ་སྐྱོན་ཅན་མཉམ་འབྲེལ་ལྷན་ཚོགས་ཀྱིས་གྲོང་རྡལ་དང་གྲོང་གསེབ་ཁག་གི་ས་ཁམས་དང་། གནམ་གཤིས་ཀྱི་ཆ་རྐྱེན། དབང་པོ་སྐྱོན་ཅན་གྱི་ཁྱིམ་ཚང་གི་འདེབས་འཛུགས་གསོ་སྤེལ་ལས་རིགས་ཀྱི་འདོད་བློའི་རྨང་གཞིའི་སྟེང་། ཧུར་བརྩོན་སྒོས་ས་ཆ་གཞན་གྱི་འདེབས་འཛུགས་རྟེན་གཞིའི་ཚོང་བ་དང་འབྲེལ་བ་བཙུགས་ཤིང་། དུས་མཚུངས་སུ། སྡེ་རོང་རྫོང་དབང་བོ་སྐྱོན་ཅན་མཉམ་འབྲེལ་ལྷན་ཚོགས་ཀྱིས་གྲོང་རྡལ་དང་ཡུལ་ཁུལ། སྲིད་འཛིན་ཡུལ་ཚོ་ཁག་ལ་འབྲེལ་བ་བྱས་ནས་དུས་ཐོག་ཏུ་སྡོང་ཕྲུག་སྐྱེལ་འདྲེན་བྱས་ཤིང་། འདེབས་འཛུགས་ཀྱི་དགོས་མཁོ་ཡོད་པའི་དབུལ་ཕོངས་དབང་པོ་སྐྱོན་ཅན་གྱི་ཁྱིམ་ཚང་ལ་སྤྲད། 
     སྡེ་རོང་རྫོང་དབང་པོ་སྐྱོན་ཅན་མཉམ་འབྲེལ་ལྷན་ཚོགས་ཀྱི་ལས་ཀའི་ཚན་ཆུང་གིས་གྲོང་རྡལ་དང་ཡུལ་ཚོ། ཞིང་པའི་དུད་ཁྱིམ་དུ་གཏིང་ཟབ་པས་བརྟག་ཞིབ་རྒྱུས་ལོན་བྱས་པ་ལྟར་ན། མིག་སྔར། འབྲེལ་ཡོད་དབང་པོ་སྐྱོན་ཅན་གྱི་ཁྱིམ་ཚང་གིས་བླང་བྱའི་རེ་འདུན་ལྟར། ཚང་མས་སིལ་ཏོག་འདེབས་འཛུགས་དོན་འཁྱོལ་བྱས་པ་རེད། ཐེངས་འདིའི་སྤུས་ལེགས་སིལ་ཏོག་ཉོ་སྒྲུབ་དང་བགོ་སྤྲོད། འདེབས་འཛུགས་སོགས་ལ་གྲོང་རྡལ་དང་སྡེ་བ། དུད་ཁྱིམ་ཁག་གི་རྒྱབ་སྐྱོར་དང་དགའ་བསུ་ཆེན་པོ་ཐོབ།།