སྤྱི་ཟླ་3པའི་ཚེས་23ཉིན་གྱི་ཕྱི་དྲོར། རྒྱལ་སྲིད་སྤྱི་ཁྱབ་ཁང་གི་ཙུང་ལི་ལི་ཁེ་ཆང་གིས་སན་ཡན་གྲོང་ཁྱེར་དུ་རྫ་ཆུ་དང་མའེ་ཀུང་གཙང་བོའི་མཉམ་ལས་ཀྱི་ཐེངས་དང་པོའི་འགོ་ཁྲིད་མི་སྣའི་གྲོས་ཚོགས་དང་པོ་ཨོ་ཨེ་ཤ་ཡའི་གླེང་སྟེངས་ཀྱི་2016ལོའི་ལོ་ཚོགས་སྟེང་ཕེབས་པའི་ལ་ཝོ་སི་ཡི་ཙུང་ལི་ཐུང་ཞེ་དང་མཇལ་འཕྲད་གནང་།
ལི་ཁེ་ཆང་གིས་ཀྲུང་གོ་དང་ལ་ཝོ་སི་ཡིས་ཕྱི་འབྲེལ་ཀྱི་འབྲེལ་བ་འཛུགས་ནས་ལོ་ངོ་55འགོར་བའི་རིང་ལ་རྒྱལ་ཁབ་གཉིས་ཀྱི་འབྲེལ་བར་འཕེལ་རྒྱས་ཆེན་པོ་ཕྱིན། ཀྲུང་གོའི་ཕྱོགས་ནས་ལ་ཝོ་སི་དང་རིམ་པ་ཁག་གི་འགྲོ་འོང་རྒྱུན་འཁྱོངས་བྱས་པ་དང་ཁྱབ་ཁོངས་ཁག་གི་བརྗེ་རེས་རྒྱ་ཆེར་བཏང་ནས་ཀྲུང་གོ་དང་ལ་ཝོ་ས་ཡི་ལྕགས་ལམ་དང་ཆུ་གློག་སོགས་ལས་གཞི་ཆེན་པོ་ཁག་གི་མཉམ་ལས་རྒྱུན་ཆད་མེད་པར་གྲུབ་འབྲས་གསར་པ་ཐོབ་པར་སྐུལ་འདེད་བཏང་སྟེ་རྒྱལ་ཁབ་གཉིས་ཀྱི་མི་དམངས་ལ་སྔར་ལས་ལེགས་པའི་བདེ་སྐྱིད་བསྐྲུན་འདོད་ཞེས་བསྟན།
