སྤྱི་ཟླ་3པའི་ཚེས་22ཉིན་ནི་འཛམ་གླིང་གི་ཆུའི་ཉིན་མོ་ཡིན། ད་ལོ་རང་རེའི་རྒྱལ་ཁབ་གྱི་2016ལོའི་འཛམ་གླིང་ཆུའི་ཉིན་མོ་དང་ཀྲུང་གོའི་ཆུའི་གཟའ་འཁོར་གྱི་བྱེད་སྒོའི་དྲིལ་བསྒྲགས་ཀྱི་བརྗོད་གཞི་གཙོ་བོ་ནི་འཕེལ་རྒྱས་ཀྱི་འདུ་ཤེས་ཆེན་པོ་ལྔ་དོན་འཁྱོལ་བྱས་ཏེ་ཆུའི་ཐོན་ཁུངས་ཀྱི་དོ་དམ་ལ་སྐུལ་འདེད་གཏང་པ་དེ་རེད། 
སྤྱི་ཟླ་3པའི་ཚེས་22ཉིན་གྱིས་སྔ་དྲོར། དཀར་མཛེས་ཁུལ་གྱིས་ཁྱབ་རྒྱ་ཆེན་པོའི2016ལོའི་འཛམ་གླིང་ཆུའི་ཉིན་མོ་དང་ཀྲུང་གོའི་ཆུའི་གཟའ་འཁོར་གྱི་བརྗོད་དོན་གཙོ་བོའི་དྲིལ་བསྒྲགས་བྱེད་སྒོ་སྤེལ། ཤུགས་ཆེན་པོས་ཆུའི་ཐོན་ཁུངས་ཀྱི་བཅའ་ཁྲིམས་དང་ཆུའི་ཐོན་ཁུངས་ཀྱི་ད་ལྟའི་གནས་ཚུལ་དྲིལ་བསྒྲགས་བྱས་ཤིང་། ཆུ་བེད་སྤྱོད་དང་ཆུ་གྲོན་ཆུང་གི་རྒྱུན་ཤེས་ཁྱབ་གདལ་དུ་བཏང་། སྤྱི་ཚོགས་ཡོངས་ལ་ཆུའི་ཐོན་ཁུངས་དང་ཆུའི་ཁོར་ཡུག་གཅེས་སྤྲས་བྱས་ནས་ཆུའི་ལེགས་བཅོས་ཁྲོད་ཞུགས་པར་སྐུལ་སློང་བྱས།
    བྱེད་སྒོ་སྤེལ་བའི་ཡུལ་དངོས་སུ། ལས་བྱེད་མི་སྣས་ཤེས་བྱའི་འགྲེམ་བྱང་དང་དྲིལ་བསྒྲགས་དེབ་ཆུང་། དྲིལ་བསྒྲགས་བརྡ་སྦྱོར། ཆུ་གྲོན་ཤེས་བྱ་བློ་འདྲི་སོགས་ཀྱི་རྣམ་པ་བརྒྱུད་དེ་རྒྱ་ཆེའི་གྲོང་མི་དག་ལ་དཀར་མཛེས་ཁུལ་གྱི་ཆུའི་ཐོན་ཁུངས་ཀྱི་ད་ལྟའི་གནས་འབབ་དང་ཆུ་གྲོན་ཆུང་བྱས་པའི་དོན་སྙིང་། ཁྱིམ་ཚང་གི་ཆུ་གྲོན་ཆུང་བྱེད་པའི་ཐབས་ཤེས། ཆུའི་ཐོན་ཁུངས་སྲུང་སྐྱོབ་བྱེད་པའི་གཙོ་གནད་དང་ཐབས་ཤེས་བཅས་དྲིལ་བསྒྲགས་དང་ངོ་སྤྲོད་བྱས་ནས། ཆུ་གྲོན་ཆུང་བྱེད་པའི་གོ་དོན་དང་ཤེས་བྱ་བརྒྱུད་བསྒྲགས་བྱས་ཏེ་ཆུ་གྲོན་ཆུང་བྱེད་རྒྱུ་ནི་རང་ཉིད་ནས་འགོ་བརྩམས་དགོས་པའི་ཁོར་ཡུག་ལེགས་པོ་ཞིག་བསྐྲུན།
    བྱེད་སྒོ་འདིས་སྤྱི་ཚོགས་ཡོངས་ཀྱིས་ཆུ་ལ་དོན་ཁུར་དང་ཆུ་ལ་སྲུང་སྐྱོང་བྱེད་པ། ཆུའི་ཐོན་ཁུངས་གསར་སྤེལ་དང་བེད་སྤྱོད། དོ་དམ་ལ་སྐུལ་འདེད་བྱེད་པ་སོགས་མཐོར་འདེགས་སུ་གཏང་བར་དགེ་མཚན་ལྡན་པའི་ནུས་པ་ཐོན།།