རྒྱལ་སྲིད་སྤྱི་ཁྱབ་ཁང་གི་ཙུང་ལི་ལི་ཁེ་ཆང་གིས་ཀྲུང་གོར་རྫ་ཆུ་དང་མའེ་ཀུང་གཙང་བོའི་མཉམ་ལས་ཚོགས་འདུའི་ཐེངས་དང་པོའི་འགོ་ཁྲིད་གྲོས་ཚོགས་དང་པོ་ཨོ་ཨེ་ཤ་ཡའི་གླེང་སྟེགས་ཀྱི་2016ལོའི་ལོ་ཚོགས་ལ་ཞུགས་པར་ཕེབས་པའི་ཙུང་ལི་པཱ་ཡུས་དང་མཇལ་འཕྲད་གནང་།
ལི་ཁེ་ཆང་གིས་ཀྲུང་གོ་དང་ཐེ་ལན་དི་ནི་ཁྱིམ་ཚང་གཅིག་ལྟ་བུའི་བརྩེ་བ་ཡོད་ལ་རྒྱལ་ཁབ་གཉིས་ཀྱི་འགོ་ཁྲིད་ཀྱིས་གཏིང་ཟབ་པའི་འགྲོ་འོང་རྒྱུན་འཁྱོངས་བྱས་ཏེ་ཁྱབ་ཁོངས་སོ་སོའི་དངོས་དོན་མཉམ་འབྲེལ་རྒྱུན་མཐུད་ངང་འཕེལ་རྒྱས་སུ་ཕྱིན། ཀྲུང་གོའི་ཕྱོགས་ནས་ཐེ་ལན་དིས་རྫ་ཆུ་དང་མའེ་ཀུང་མཉམ་ལས་ཀྱི་ཐུན་མོང་ཀྲུའུ་ཞི་ཡིན་པའི་ངོས་ནས་ཀྲུང་གོ་དང་མཐུན་སྦྱོར་བྱས་ཏེ་སྒྲིག་ལུགས་གསར་པ་འདིའི་འཛུགས་སྐྲུན་ལ་སྣེ་ཁྲིད་བྱས་པར་བསྟོད་བསྔགས་བྱེད་བཞིན་ཡོད། དེ་མིན་ཀྲུང་གོའི་ཕྱོགས་ནས་མུ་མཐུད་དུ་ཕྱོགས་སོ་སོ་དང་ལྷན་དུ་རྫ་ཆུ་དང་མའེ་ཀུང་གཙང་བོའི་མཉམ་ལས་དེ་ཁྱབ་ཁོངས་འདིའི་དཔེ་སྟོན་མཉམ་ལས་ཤིག་ཏུ་བསྐྲུན་འདོད་ཅེས་བསྟན།
པཱ་ཡུས་ཀྱིས་རྒྱལ་ཁའི་ངང་རྫ་ཆུ་དང་མའེ་ཀུང་གཙང་བོའི་མཉམ་ལས་ཚོགས་འདུའི་ཐེངས་དང་པོའི་འགོ་ཁྲིད་གྲོས་ཚོགས་འཚོགས་པར་དོན་སྙིང་གལ་ཆེན་ལྡན་ལ། རྫ་ཆུ་དང་མའེ་ཀུང་གཙང་བོའི་མཉམ་ལས་ཀྱིས་ཁོངས་ཞུགས་རྒྱལ་ཁབ་སོ་སོར་བདེ་སྐྱིད་བསྐྲུན་པར་ཡིད་ཆེས་ཡོད། ཐེ་ལན་དིའི་ཕྱོགས་ནས་གོམ་གང་སྤོས་སྒོས་རྒྱལ་ཁབ་གཉིས་ཀྱི་བཟོ་ཚོང་དང་དངུལ་འཇོག ཡུལ་སྐོར་སོགས་ཁྱབ་ཁོངས་ཀྱི་མཉམ་ལས་ལ་ཤུགས་སྣོན་བྱས་ཏེ་ཧུར་ཐག་གིས་ཐེ་ལན་དི་དང་ཀྲུང་གོའི་ལྕགས་ལམ་མཉམ་ལས་དང་མཉམ་དུ་འཕེལ་རྒྱས་སུ་འགྲོ་བར་སྐུལ་འདེད་གཏང་འདོད་ཅེས་བསྟན། །
