སྤྱི་ཟླ་3པའི་ཚེས་23ཉིན། ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅི། རྒྱལ་ཁབ་ཀྱི་ཧྲུའུ་ཅི། ཀྲུང་དབྱང་དམག་དོན་ཨུ་ཡོན་ལཧན་ཁང་གི་ཀྲུའུ་ཞི་ཞི་ཅིན་ཕིང་གིས་རྒྱལ་སྲུང་སློབ་ཆེན་ལ་བརྟག་ཞིབ་གནང་པར་མ་ཟད་ཏང་གི་འཐུས་མི་ཚོགས་ཆེན་ཐེངས་དྲུག་པར་ཞུགས་པའི་འཐུས་མི་དང་འགོ་ཁྲིད་ལས་བྱེད་པར་མཇལ་འཕྲད་གནང་། དེ་མིན་ཏང་ཀྲུང་དབྱང་དང་ཀྲུང་དབྱང་དམག་དོན་ཨུ་ཡོན་ལྷན་ཁང་གི་ཚབ་མཛད་དེ་གྲོས་ཚོགས་འཚོགས་པར་སྤྲོ་སེམས་འཁོལ་བའི་ངང་རྟེན་འབྲེལ་ཞུས། ཁོང་གིས་དམག་དར་གྱི་དམིགས་འབེན་མངོན་འགྱུར་བྱེད་པ་དང་འཛམ་གླིང་གི་དམག་དཔུང་རྩེ་གྲས་འཛུགས་སྐྲུན་བྱེད་དགོས་ན། ང་ཚོའི་དམག་དཔུང་གི་སློབ་གླིང་འཛུགས་སྐྲུན་ལ་ངེས་པར་དུ་ཤུགས་སྣོན་བྱེད་དགོས། ཏང་གི་གནས་བབ་གསར་པའི་འོག་གི་དམག་དར་དམིགས་འབེན་མངོན་འགྱུར་བྱེད་པ་དམིགས་སུ་བཟུང་སྟེ་གནས་བབ་གསར་པའི་འོག་གི་དམག་དོན་འཐབ་ཇུས་བྱེད་ཕྱོགས་ལག་བསྟར་མཐའ་འཁྱོལ་བྱེད་པ་དང། བསམ་བློ་བཅིང་འགྲོལ་དང་དངོས་ཐོག་བདེན་འཚོལ། སྐབས་བསྟུན་མདུན་སྐྱོད། ཧུར་ཐག་གིས་སློབ་གླིང་གི་བཅོས་སྒྱུར་དང་གསར་གཏོད་ལ་འབད་ནས་སློབ་སྒྲུབ་སློབ་གསོའི་ཆུ་ཚད་རྒྱུན་ཆད་མེད་པར་མཐོར་འདེགས་སུ་གཏང་ནས་ཀྲུང་གོའི་ཕུགས་འདུན་གྱི་དམག་དར་དམིགས་འབེན་མངོན་འགྱུར་བྱེད་པར་སྟོབས་དང་ལྡན་པའི་འཇོན་མི་དང་རིག་སྟོབས་ཀྱི་རྒྱབ་སྐྱོར་འདོན་སྤྲོད་བྱ་དགོས་ཞེས་བསྟན།།