སྤྱི་ཟླ་4པའི་ཚེས་10ཉིན། རྒྱལ་ཡོངས་སྲིད་གྲོས་ཀྱི་ཀྲུའུ་ཞི་ཡུས་ཀྲེན་ཧྲེང་གིས་མོལ་ཐའི་གྲོས་དཔོན་ཧྥ་ལོ་ཅ་དང་མཇལ་འཕྲད་གནང་། 
    ཡུས་ཀྲེན་ཧྲེང་གིས་ཀྲ་ངགོ་དང་མོལ་ཐ་རྒྱལ་ཁབ་གཉིས་ཀྱིས་དུས་ཡུན་རིང་པོར་མཛའ་མཐུན་འབྲེལ་བ་རྒྱུན་འཁྱོངས་བྱས་ཤིང་། ཆབ་སྲིད་ཐད་ནས་ཕན་ཚུན་ལ་ཡིད་ཆེས་དང་དཔལ་འབྱོར་ཐད་ནས་མཉམ་ལས་དམ་ཟབ་ཏུ་བཏང་བར་མ་ཟད། མི་ཆོས་བརྗེ་རེས་རྒྱུན་ཆད་མེད་པར་གཏིང་ཟབ་ཏུ་སྤེལ། ཀྲུང་གོ་ཕྱོགས་ནས་མོལ་ཐ་དང་མཉམ་དུ་རྒྱལ་ཁབ་གཉིས་ཀྱི་འགོ་ཁྲིད་པའི་ཐུན་མོང་གི་ངོས་འཛིན་ལག་བསྟར་དང་ཀྲུང་གོ་དང་མོལ་ཐའི་སྲོལ་རྒྱུན་མཛའ་འབྲེལ་དར་སྤེལ། ཚན་རྩལ་དང་ཉ་ལས། ཡུལ་སྐོར་སོགས་ཁྱབ་ཁོངས་ཀྱི་གཉིས་ཕན་མཉམ་ལས་རྒྱ་སྐྱེད་དེ་མཉམ་ལས་ཀྱི་ཁྱད་ཆོས་གསར་པ་བསྐྲུན་འདོད་པར་མ་ཟད།   ཀྲུང་གོའི་རྒྱལ་ཡོངས་སྲིད་གྲོས་ཀྱིས་མོལ་ཐའི་གྲོས་ཁང་དང་སྤྱི་ཚོགས་ཀྱི་ལས་རིགས་སོ་སོ་དང་མཉམ་དུ་འགྲོ་འོང་ཇེ་མང་དུ་གཏང་བ་དང་། རྒྱལ་སྐྱོང་སྲིད་འཛིན་གྱི་ཉམས་མྱོང་བརྗེ་རེས་བྱེད་པར་ཤུགས་སྣོན་བྱས་ཏེ། རྒྱལ་ཁབ་གཉིས་ཀྱིས་དངོས་དོན་མཉམ་ལས་རྒྱ་སྐྱེད་པར་ཁོར་ཡུག་ལེགས་པོ་བསྐྲུན་པ་དང་ཀྲུང་གོ་དང་མལ་ཐའི་འབྲེལ་བ་འཕེལ་རྒྱས་སུ་ཕྱིན་པར་སྐུལ་འདེད་གཏང་འདོད་ཅེས་བསྟན།
    ཧྥ་ལོ་ཅ་ཡིས་མལ་ཐ་དང་ཀྲུང་གོའི་འབྲེལ་བ་འཕེལ་རྒྱས་སུ་སོང་བ་ཤིན་ཏུ་ལེགས་ལ། མཐོ་རིམ་འགྲོ་འོང་ཇེ་མང་དུ་གྱུར་བ་དང་ཁྱབ་ཁོངས་སོ་སོའི་མཉམ་ལས་ཐད་ནས་གཡུར་དུ་ཟ་བའི་གྲུབ་འབྲས་བླངས། མོལ་ཐ་ཕྱོགས་ནས་ཀྲུང་གོས་མོལ་ཐའི་འཕེལ་རྒྱས་ལ་རོགས་སྐྱོར་བྱས་པར་བཀའ་དྲིན་ཞུ་བཞིན་ཡོད། མོལ་ཐའི་གྲོས་ཁང་གིས་ཀྲུང་གོའི་འབྲེལ་བ་འཕེལ་རྒྱས་སུ་གཏང་བར་ཚད་མཐོ་བའི་མཐོང་ཆེན་བྱེད་བཞིན་ཡོད་པར་མ་ཟད། མུ་མཐུད་དུ་ཀྲུང་གོ་དང་མཉམ་དུ་མཐོ་རིམ་འགྲོ་འོང་ལ་ཤུགས་སྣོན། ཕྱོགས་གཉིས་ཀྱི་དངོས་དོན་མཉམ་ལས་གོང་འཕེལ་དུ་གཏང་བ། རྒྱལ་ཁབ་གཉིས་ཀྱི་འབྲེལ་བ་རྒྱུན་ཆད་མེད་པར་འཕེལ་རྒྱས་སུ་འགྲོ་བར་སྐུལ་འདེད་གཏང་འདོད་ཅེས་བསྟན། །