སྤྱི་ཟླ་4པའི་ཚེས་18ཉིན། རྒྱལ་སྲིད་སྤྱི་ཁྱབ་ཁང་གི་ཙུང་ལི་ལི་ཁེ་ཆང་གིས་མི་དམངས་ཚོགས་ཁང་ཆེན་མོའི་ནང་ཀྲུང་གོར་འཚམས་འདྲིར་ཕེབས་པའི་ནིའུ་ཟེ་ལན་གྱི་ཙུང་ལི་ཡོ་ཧན་ཅི་དང་གྲོས་མོལ་མཛད། 
ལི་ཁེ་ཆང་གིས་ཀྲུང་གོ་དང་ནིའུ་ཟེ་ལན་རྒྱལ་ཁབ་གཉིས་ཀྱི་འབྲེལ་བ་རྒྱུན་མཐུད་ངང་འཕེལ་རྒྱས་སུ་སོང་བ་ཤིན་ཏུ་ལེགས་ལ། གཉིས་ཕན་མཉམ་ལས་ཁྱབ་ཁོངས་སྔར་ལས་རྒྱ་སྐྱེད་དེ་ཆུ་ཚད་གསར་པ་ཞིག་ཏུ་འཕར་ནས་ཀྲུང་གོའི་འབྲེལ་བ་དེ་འཕེལ་རྒྱས་སུ་འགྲོ་བཞིན་པའི་རྒྱལ་ཁབ་ཀྱི་སྔོན་གྲས་སུ་སླེབས། ཀྲུང་གོ་ཕྱོགས་ནས་ནིའུ་ཟེ་ལན་དང་ཆབ་སྲིད་ཡིད་ཆེས་གཏིང་ཟབ་ཏུ་གཏང་བ་དང་མཐོ་རིམ་འགྲོ་འོང་ལ་ཤུགས་སྣོན། དངོས་དོན་མཉམ་ལ་སྣེ་ཁྲིད་བྱས་ཏེ་ཀྲུང་གོ་དང་ནིའུ་ཟེ་ལན་གྱི་ཁྱོན་ཡོངས་འཐབ་ཇུས་མཛའ་མཐུན་འབྲེལ་བའི་འཕེལ་རྒྱས་ཀྱིས་རྒྱལ་ཁབ་གཉིས་ཀྱི་མི་དམངས་ལ་སྔར་ལས་ལེགས་པའི་བདེ་སྐྱིད་བསྐྲུན་འདོད་ཅེས་བསྟན།
　　ཡོ་ཧན་ཅི་ཡིས་ཐེངས་དྲུག་པར་ཀྲུང་གོར་འཚམས་འདྲིར་ཡོང་ཐུབ་པར་དགའ་སྤྲོ་སྐྱེས་བཞིན་ཡོད། ཐེངས་རེ་རེར་ཀྲུང་གོར་འཚམས་འདྲིར་བྱས་པ་ལས་ཀྲུང་གོའི་འཕེལ་རྒྱས་མངོན་སུམ་དུ་མཐོང་བྱུང་། ནིའུ་ཟེ་ལན་དང་ཀྲུང་གོའི་འབྲེལ་བ་ཡུན་རིང་གོང་འཕེལ་དང་འཕེལ་རྒྱས་རྒྱུན་འཁྱོངས་བྱས་པར་མ་ཟད། བཟོ་ཚོང་དང་དངུལ་འཇོག ཡུལ་སྐོར། སློབ་གསོ་སོགས་ཁྱབ་ཁོངས་ཀྱི་མཉམ་ལས་རྒྱུན་ཆད་མེད་པར་རྒྱ་སྐྱེད་བཞིན་འདུག ནིའུ་ཟེ་ལན་ཕྱོགས་ནས་ཀྲུང་གོའི་འབྲེལ་བར་ཚད་མཐོ་བའི་མཐོང་ཆེན་བྱེད་བཞིན་ཡོད་ལ།། ཀྲུང་གོ་ཕྱོགས་ཀྱི་ཁེ་ཕན་གཙོ་བོར་བརྩི་འཇོག་དང་ཀྲུང་གོ་ཕྱོགས་ཀྱི་རྒྱལ་སྤྱིའི་ལས་དོན་ཁྲོད་དུ་ནུས་པ་གལ་ཆེན་འདོན་པར་རྒྱབ་སྐྱོར་བྱེད་ངེས། དེ་མིན་ནིའུ་ཟེ་ལན་ཕྱོགས་ནས་གཉིས་ཕན་མཉམ་རྒྱལ་གྱི་དགོངས་དོན་ལྟར་ཀྲུང་གོ་དང་མཉམ་དུ་ཞིང་ཕྱུགས་ལས་སོགས་ཀྱི་མཉམ་འབྲེལ་ལ་ཤུགས་སྣོན། ཕྱོགས་གཉིས་ཀྱི་རང་མོས་བཟོ་ཚོང་རིམ་འཕར་གྱི་གྲོས་མོལ་ལ་སྐུལ་འདེད་བཏང་ནས་རྒྱལ་ཁབ་གཉིས་ཀྱི་ཁྱོན་ཡོངས་ཀྱི་འཐབ་ཇུས་མཛའ་མཐུན་འབྲེལ་བར་སྟོབས་ཤུགས་གསར་པ་འདོན་འདོད་ཅེས་བསྟན།།