ཟླ་4པའི་ཚེས་29ཉིན། ཀྲུང་གུང་ཀྲུང་དབྱང་ཆབ་སྲིད་ཅུས་ཀྱི་ཚོགས་འདུ་བསྡུས་ཏེ་མིག་སྔར་གྱི་དཔལ་འབྱོར་གནས་བབ་དང་དཔལ་འབྱོར་ལས་ཀར་དབྱེ་ཞིབ་དང་ཞིབ་འཇུག་བྱས། ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཚོགས་འདུར་གཙོ་སྐྱོང་གནང་། 

                ཚོགས་འདུ་ལས་ད་ལོ་ནས་བཟུང་ཏེ་ས་གནས་སོ་སོའི་སྡེ་ཁག་སོ་སོས་སྣེ་མང་རྙོག་འཛིང་ཆེ་བའི་རྒྱལ་སྤྱི་དང་རྒྱལ་ནང་གི་ཁོར་ཡུག་འོག ཏང་ཀྲུང་དབྱང་གིས་བཀོད་སྒྲིག་ལྟར་རང་འགུལ་གྱིས་དཔལ་འབྱོར་འཕེལ་རྒྱས་ཀྱི་རྒྱུན་རྣམ་གསར་པར་འཚམ་པ་བྱས་ཏེ་བརྟེན་ཐོག་ཡར་འཕེལ་གྱི་ལས་ཀའི་རྩ་བའི་དགོངས་གཞི་རྒྱུན་འཁྱོངས་པ་དང་། སྤྱིའི་དགོས་མཁོ་འོས་འཚམ་སྒོས་རྒྱ་བསྐྱེད་པ་དང་མཉམ་དུ་མཁོ་སྤྲོད་ལོགས་ཀྱི་སྒྲིག་གཞི་རང་བཞིན་གྱི་སྒྱུར་བཅོས་བྱེད་པར་སྐུལ་འདེད་ཤུགས་ཆེན་བཏང་ནས། དཔལ་འབྱོར་འཕེལ་རྒྱས་དང་སྒྲིག་གཞི་ལེགས་འགྱུར། དམངས་འཚོ་ལེགས་བཅོས་ཀྱི་འགོ་ལེགས་པོ་ཚུགས་དགོས་ཞེས་བསྟན།

                ཚོགས་འདུ་ལས་ད་དུང་དོན་ཚན་གཞན་པར་ཞིབ་འཇུག་བྱས། །