ཉེ་ཆར། སི་ཁྲོན་གློག་རྡུལ་ཚན་རྩལ་སློབ་ཆེན་གྱི་འཐབ་ཕྱོགས་གཅིག་གྱུར་པུའུ་ཡི་པུའུ་ཀྲང་དབྱང་ཨེང་ཧྭས་སྣེ་ཁྲིད་བྱས་པའི་གློག་རྡུལ་ཚན་རྩལ་སློབ་ཆེན་གྱི་གནས་ཁེལ་རོགས་སྐྱོར་ལས་ཀའི་ཚན་ཆུང་དར་མདོ་རུ་སླེབས་ནས་གནས་ཁེལ་རོགས་སྐྱོར་ཐད་ཀྱི་འབྲེལ་ཡོད་ལས་ཀ་སྤེལ། ལས་ཀའི་ཚན་ཆུང་གིས་སྔ་གཞུག་ཏུ་མི་ཉག་ཡུལ་སྐོར་ལྗོངས་ཁུལ་དང་། ལྕགས་གད་ཡུལ་ཤོག ལྕགས་གད་སློབ་ཆུང་སོགས་སུ་ཡུལ་དངོས་བཅར་འདྲི་དང་བརྟག་ཞིབ་གནང་པ་མ་ཟད། རོགས་སྐྱོར་ལས་ཀའི་འབྲེལ་ཡོད་ལས་ཀ་ཁག་ལ་སྦྲེལ་མཐུད་འབྲེལ་འདྲིས་བྱས། ལས་ཀའི་ཚན་ཆུང་གི་ཚོགས་མི་རྣམས་ཀྱིས་ལྕགས་གད་ཡུལ་ཤོག་གི་དམིགས་བསལ་དཀའ་ངལ་ཡོད་པའི་མང་ཚོགས་ལ་བཅར་འདྲི་དང་འཚམས་འདྲི་གནང་།།
