སྤྱི་ཟླ་5པའི་ཚེས7ཉིན་གྱི་ཕྱི་དྲོར། དགུ་གསུམ་སློབ་ཚོགས་ཀྱི་སྐབས་བཅུ་གསུམ་པའི་ཀྲུང་དབྱང་གི་ཀྲུའུ་ཞི་གཞོན་པ་དང་སྐབས་བཅུ་གཉིས་པའི་རྒྱལ་ཡོངས་སྲིད་གྲོས་ཀྱི་རྒྱུན་ཨུ། ཧྲང་ཧེ་གྲོང་ཁྱེར་གྱི་འགོ་འཛིན་གཞོན་པ་ལྕམ་མོ་ཀྲའོ་ཝུན་ཧྲང་ཧེ་འགྲེམ་སྟོན་ལྟེ་གནས་སུ་ཕེབས་ཏེ་དྭངས་གཙང་གི་དཀར་མཛེས་ཧྲང་ཧེ་རུ་བསྐྱོད་པ་ཅེས་པའི་འགྲེམ་སྟོན་རབ་དང་རིམ་པར་ལྟ་སྐོར་གནང་བ་དང་། དཀར་མཛེས་ཀྱི་འཐུས་ཚབ་ཚོགས་པས་ལས་བྱེད་མི་སྣ་རྣམས་ལ་འཚམ་འདྲི་གནང་།
འགྲེམ་སྟོན་ལྟེ་གནས་སུ་ཀྲའོ་ཝུན་གྱིས་དཀར་མཛེས་ཁུལ་སྲིད་གཞུང་གི་ཁུལ་དཔོན་གཞོན་པ་ཀ་ལིན་སོགས་ཀྱིས་ཕེབས་རོགས་འོག དཀར་མཛེས་ཡི་ཡུལ་སྐོར་དྲིལ་བསྒྲགས་ཀྱི་བརྙན་འཕྲིན་དང་ཡུལ་སྐོར་པར་རིས་འགྲེམ་སྟོན། བོད་བརྒྱུད་ནང་བསྟན་གྱི་ཕོ་བྲང་ནང་གི་རིག་དངོས་རྩ་ཆེན་འགྲེམ་སྟོན། ཡུལ་སྐོར་ཚོང་ཟོག་འགྲེམ་སྟོན་དང་བོད་ཡིག་བྲིས་གཟུགས་འགྲེམ་སྟོན་བཅས་ལ་གཟིགས་ཞིབ་གནང་བ་དང་། ནན་ཏན་གྱིས་འགྲེལ་བཤད་དང་ངོ་སྤྲོད་ལ་གསན་རྗེས་དཀར་མཛེས་ཁུལ་གྱི་ཐེངས་འདིའི་བྱེད་སྒོ་སྤེལ་བ་ལ་ཁས་ལེན་གང་ལེགས་གནང་། ཀྲའོ་ཝུན་གྱིས་དགའ་སྤྲོའི་ངང་སི་ཁྲོན་ཞིང་ཆེན་རིམ་པའི་བོད་ཡིག་བྲིས་གཟུགས་རྒྱུན་འཛིན་པ་དང་མིང་དུ་གྲགས་པའི་བོད་ཡིག་བྲིས་གཟུགས་མཁན་པ་སངས་དོན་གྲུབ་གྱི་ཡུལ་དངོས་ནས་བོད་ཡིག་བྲིས་གཟུགས་བྲིས་པར་བལྟས་པ་དང་། དཀར་མཛེས་ཁུལ་གྱི་དར་མདོའི་ལན་དབྱི་མཐོ་སྒང་ཁྱད་ལྡན་ཐོན་རྫས་ཚད་ཡོད་སྤྱི་གཉེར་ཁང་གི་མཐོ་སྒང་གི་ཁྱད་ལྡན་ཐོན་རྫས་ལ་མྱོང་རོལ་བྱས།།
