ཞིང་ཆེན་ཏང་ཨུའི་གཅིག་གྱུར་བཀོད་སྒྲིག་ལྟར། ཚེས་24ནས་25ཉིན་གྱི་བར་དུ། ཞིང་ཆེན་ཏང་ཨུའི་རྒྱུན་ལས་ཨུ་ཡོན་ལྷན་ཁང་དང་འཐབ་ཕྱོགས་གཅིག་གྱུར་པུའུ་ཡི་པུའུ་ཀྲང་ཚུའེ་པའོ་ཧྭ་གསེར་རྟ་རྫོང་དུ་ཕེབས་ཏེ་རྫོང་ཡོངས་ཀྱི་ཁོའོ་རིམ་པ་གཞོན་པ་ཡན་གྱི་ལས་བྱེད་པ་དང་བླ་རུང་ལྔ་རིག་ནང་བསྟན་སློབ་གླིང་གི་ཆོས་ལུགས་ལས་རིགས་མི་སྣ་སོ་སོར་རྒྱལ་ཡོངས་ཆོས་ལུགས་ལས་ཀའི་ཚོགས་འདུའི་དགོངས་དོན་སྒྲོག་འགྲེལ་གནང་།
ཚུའེ་པའོ་ཧྭ་ཡིས་སྒྲོག་འགྲེལ་ཚོགས་འདུའི་ཐོག་ཁྱོན་ཡོངས་དང་གོ་རིམ་ལྡན་པའི་སྒོ་ནས་རྒྱལ་ཡོངས་ཆོས་ལུགས་ལས་ཀའི་ཚོགས་འདུའི་དགོངས་དོན་གསལ་འགྲེལ་དང་། ཞིང་ཆེན་ཏང་ཨུའི་རྒྱལ་ཡོངས་ཆོས་ལུགས་ལས་ཀའི་ཚོགས་འདུའི་དགོངས་དོན་སློབ་སྦྱོང་དང་ལག་བསྟར་ཐད་ཀྱི་བཀོད་སྒྲིག་དང་བླང་བྱ་ཁག་བརྒྱུད་བསྒྲགས་གནང་། ཁོང་གིས་ཀྲུང་དབྱང་དང་ཞིང་ཆེན་ཏང་ཨུའི་ཚོགས་འདུའི་དགོངས་དོན་ལ་སློབ་སྦྱོང་དང་གོ་བ་གཏིང་ཟབ་ལེན་པ་དང་། བོད་རྒྱུད་ནང་བསྟན་གྱི་དོན་དངོས་དང་བཟུང་འབྲེལ་བྱས་ནས། ལས་ཀ་ཁག་དོན་འཁྱོལ་ཡོང་བར་དམ་འཛིན་དང་ཆོས་ལུགས་ལས་ཀའི་རང་འགུལ་དབང་ཆ་དམ་པོར་འཛིན་ཐུབ་པ་བྱ་དགོས། དེ་མིན་ཆོས་ལུགས་ལས་ཀའི་གལ་ཆེའི་དམིགས་བསལ་རང་བཞིན་དང་ཏང་གི་ཆོས་ལུགས་ལས་ཀའི་གཞི་རྩའི་བྱེད་ཕྱོགས་ཡང་དག་པའི་ངོས་འཛིན་དང་། ཆོས་ལུགས་ཀྲུང་གོ་ཅན་གྱི་ཁ་ཕྱོགས་ལ་ཡང་དག་པའི་ངོས་འཛིན། དགེ་མཚན་ལྡན་ཞིང་བདེ་ཐང་ཡིན་པའི་ཆོས་ལུགས་འབྲེལ་བར་ཡང་དག་པའི་ངོས་འཛིན། ཆོས་ལུགས་ལས་ཀའི་ཁྲིམས་སྐྱོང་ཅན་ཀྱི་ཆུ་ཚད་མཐོར་འདེགས་སུ་གཏང་བར་ཡང་དག་པའི་ངོས་འཛིན་། ཆོས་ལུགས་ལས་ཀའི་ངོ་བོ་ནི་དམངས་ཚོགས་ཀྱི་ལས་ཀ་ཞིག་ཡིན་པར་ཡང་དག་པའི་ངོས་འཛིན། ཕྱི་ཕྱོགས་ཀྱིས་ཆོས་ལུགས་སྤྱད་དེ་སིལ་འཛུལ་བྱེད་པར་བཀག་འགོག་བྱེད་པར་ཡང་དག་པའི་ངོས་འཛིན། ཏང་གིས་ལས་ལུགས་ལས་ཀའི་འགོ་ཁྲིད་ལ་ཡང་དག་པའི་ངོས་འཛིན་བྱས་ཏེ་ཁ་ཕྱོགས་མ་ནོར་བའི་སྒོ་ནས་ལག་བསྟར་དོན་འཁྱོལ་ཡོང་བ་བྱ་དགོས་ཞེས་བསྟན།།
