སྤྱི་ཟླ་5པའི་ཚེས་26ཉིན། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་མི་དམངས་ཚོགས་ཁང་ཆེན་མོའི་ནང་རྒྱ་གར་གྱི་སྲིད་འཛིན་མོའོ་ཁི་ཅེ་དང་གྲོས་མོལ་མཛད། 

　　ཞི་ཅིན་ཕིང་གིས་ཉེ་བའི་ལོ་འགའི་རིང་ལ། ཀྲུང་གོ་དང་རྒྱ་གར་གྱི་འབྲེལ་བ་མགྱོགས་མྱུར་སྒོས་འཕེལ་རྒྱས་སུ་འགྲོ་བའི་དུས་སྐབས་གསར་པར་སླེབས། ཕྱོགས་གཉིས་ཀྱིས་ཀྲུང་གོ་དང་རྒྱ་གར་གྱིས་ཞི་བདེ་དང་དར་རྒྱས་ལ་ཁ་ཕྱོགས་པའི་འཐབ་ཇུས་མཉམ་ལས་གྲོགས་པོའི་འབྲེལ་བ་འཕེལ་རྒྱས་སུ་གཏང་བ་དང་རྒྱལ་ཁབ་གཉིས་ཀྱིས་སྔར་ལས་དམ་ཟབ་ཡིན་པའི་འཕེལ་རྒྱས་གྲོགས་པོའི་འབྲེལ་བ་གསར་སྐྲུན་བྱེད་པར་མོས་མཐུན་བྱུང་བར་མ་ཟད། དེའི་ཐད་ལ་ཁྱོན་ཡོངས་ཀྱི་འཐབ་ཇུས་འཆར་འགོད་གཏན་འཁེལ་བྱས་པ་དང་མཉམ་ལས་ཀྱི་སྒྲིག་གཞི་གསལ་བོར་བསྟན། དེང་སྐབས་ཕྱོགས་གཉིས་ཀྱིས་ཀྲུང་གོ་དང་རྒྱ་གར་འབྲེལ་བའི་འཕེལ་རྒྱས་ཀྱི་ཁ་ཕྱོགས་གསལ་བོར་ངོས་འཛིན་བྱས་ཏེ། ཁྱིམ་མཚེས་མཛའ་མཐུན་དང་གཉིས་ཕན་མཉམ་ལས་རྒྱུན་འཁྱོངས་བྱེད་པ་དང་། རྒྱལ་ཁབ་གཉིས་ཀྱི་མཉམ་ལས་རྒྱ་བསྐྱེད་ནས། ཀྲུང་གོ་དང་རྒྱ་གར་གྱི་འབྲེལ་བ་སྔར་ལས་མགྱོགས་ཤིང་། སྔར་ལས་ལེགས་པའི་སྒོ་ནས་འཕེལ་རྒྱས་སུ་ཕྱིན་པ་དང་རྒྱལ་ཁབ་གཉིས་ཀྱི་མི་དམངས་ལ་སྦར་ལས་ལེགས་པའི་བདེ་སྐྱིད་བསྐྲུན་དགོས་ཞེས་བསྟན། 
　　མོའོ་ཁི་ཅེ་ཡིས་དེང་སྐབས་རྒྱལ་ཁབ་གཉིས་ཀྱི་འབྲེལ་བ་ཕྱོགས་གཉིས་ཀྱི་ཁྱབ་ཁོངས་ལས་བརྒལ་ཞིང་རྒྱ་གར་དང་ཀྲུང་གོའི་མཉམ་ལས་ཀྱིས་རྒྱལ་ཁབ་གཉིས་དང་འཛམ་གླིང་གི་ཞི་བདེ་དང་དར་སྤེལ། འཕེལ་རྒྱས་བཅས་ལ་སྐུལ་འདེད་ཀྱི་ནུས་པ་ཐོན་ངེས། རྒྱ་གར་གྱི་ཕྱོགས་ནས་གོམ་གང་མདུན་སྤོས་སྒོས་རྒྱལ་ཁབ་གཉིས་ཀྱི་འབྲེལ་བ་གཏིང་ཟབ་ཏུ་སྤེལ་ནས་ཀྲུང་གོ་དང་མཉམ་དུ་བཟོ་ཚོང་དང་དངུལ་འཇོག་སོགས་ཁྱབ་ཁོངས་ཀྱི་མཉམ་ལས་རྒྱ་སྐྱེད་པ། མི་ཆོས་བརྗེ་རེས་ལ་ཤུགས་སྣོན་དང་རྒྱལ་སྤྱིའི་ལས་དོན་ཁྲོད་ཀྱི་བརྗེ་རེས་མཐུན་སྦྱོར་དམ་པོ་བྱ་འདོད་ཅེས་བསྟན།།