སྤྱི་ཟླ་6པའི་ཚེས་13ཉིན། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་པེ་ཅིང་དུ་འཇར་མན་གྱི་ཙུང་ལི་མའོ་ཁེར་ལ་མཇལ་འཕྲད་གནང་།

　　ཞི་ཅིན་ཕིང་གིས་ཕྱོགས་གཉིས་ཀྱིས་མཉམ་དུ་རྒྱལ་ཁབ་ཉི་ཤུ་ཚོགས་པའི་གསར་གཏོད་འཕེལ་རྒྱས་ཀྱི་འཆར་འགོད་གཏན་འཁེལ་བྱས་ཏེ་འཛམ་གླིང་གི་དཔལ་འབྱོར་འཕེལ་རྒྱས་ལ་ཁ་ཕྱོགས་གསར་བོར་སྟོན་དགོས་པར་མ་ཟད། མཉམ་དུ་ཕྱོགས་སོ་སོས་སྤྱི་སྣང་དཔལ་འབྱོར་ཀྱི་སྲིད་ཇུས་ཀྱི་མཐུན་སྦྱོར་ལ་ཤུགས་སྣོན་བྱེད་པར་སྐུལ་འདེད་བཏང་ཏེ་རྒྱལ་སྤྱིའི་ཚོང་རའི་བརྟན་བརླིང་ལ་འགན་སྲུང་བྱ་དགོས། དེ་མིན་ཕྱོགས་གཉིས་ཀྱི་འབད་པ་ཆེན་པོས་ད་ལོ་དང་སང་ལོའི་རྒྱལ་ཁབ་ཉི་ཤུའི་ཚོགས་པའི་འགོ་ཁྲིད་ཀྱི་མཐོ་རིམ་གྲོས་ཚོགས་ལ་གཡུར་དུ་ཟ་བའི་གྲུབ་འབྲས་ལོན་པར་སྐུལ་འདེད་གཏོང་བའི་རེ་བ་ཡོད་ཅེས་བསྟན།

　　མའོ་ཁེར་གྱིས་སྐོར་ཐེངས་བཞི་པའི་འཇར་མན་དང་ཀྲུང་གོའི་སྲིད་གཞུང་བར་གྱི་གྲོས་མོལ་ལ་རྒྱལ་ཁ་ཆེན་པོ་ཐོབ་པ་དང་།  ང་ཀྲུའུ་ཞི་ཞི་ཅིན་ཕིང་གི་རྒྱལ་ཁབ་གཉིས་ཀྱི་འབྲེལ་བ་སྔར་ལས་འཕེལ་རྒྱས་སུ་གཏོང་བའི་ཐད་ཀྱི་ལྟ་ཚུལ་ལ་ཧ་ཅང་མོས་མཐུན་ཡོད། ཕྱོགས་གཉིས་ཀྱིས་ཕན་ཚུན་བར་གྱི་ཡིད་ཆེས་གོང་འཕེལ་དང་འཇར་མན་བཟོ་ལས་4.0དང་ཀྲུང་གོའི་བཟོ་སྐྲུན་2025ལོའི་བར་སྦྲེལ་མཐུད་བྱས་ཏེ་མུ་མཐུད་དུ་བཟོ་ཚོང་དང་དངུལ་རྩ། གསར་གཏོད། ཚོང་ཁྲོམ་ཕྱོགས་གསུམ་པ་རྒྱ་སྐྱེད་པ། གནོད་འགོག་གནོད་སེལ་ནུས་པའི་འཛུགས་སྐྲུན། ཁྲོལ་མཆན་འགོད་སྟབས་བདེ་ཅན་དུ་གཏོང་བ་སོགས་ཁྱབ་ཁོངས་ཀྱི་མཉམ་ལས་གཏིང་ཟབ་ཏུ་སྤེལ་དགོས། འཇར་མན་ཕྱོགས་ནས་ཀྲུང་གོ་དང་མཉམ་དུ་མཉམ་ལས་དམ་ཟབ་བྱས་ཏེ་ད་ལོ་དང་སང་ལོའི་རྒྱལ་ཁབ་ཉི་ཤུ་ཚོགས་པའི་འགོ་ཁྲིད་ཀྱི་མཐོ་རིམ་གྲོས་ཚོགས་ལེགས་པར་བསྒྲུབ་འདོད་ཅེས་བསྟན།།