རྒྱལ་ཁབ་ཞིང་ལས་པུའུ་ཡི་པུའུ་ཀྲང་གཞོན་པ་ཡོ་ཁེང་ཀྲིན་དང་བཅས་པ་དཀར་མཛེས་ཁུལ་ཨུའི་ཧྲུའུ་ཅི་གཞོན་པ། ཁུལ་སྲིད་གཞུང་གི་ཁུལ་དཔོན་ཡེ་ཤེས་ཟླ་བ་དང་ལྷན་དུ་སེར་ཤུལ་རྫོང་གི་འབྲེལ་ཡོད་ཡུལ་ཤོག་དང་གྲོང་སྡེ། འབྲོག་པའི་གཞིས་སྡོད་ཁུལ། སྲོག་ཆགས་འཕྲོད་བསྟེན་ལྟ་སྐུལ་ཞིབ་བཤེར་ས་ཚིགས། རྫོང་ཕྱུགས་ལས་ཅུས་དང་སྲོག་ཆགས་ཀྱི་ནད་ཡམས་ཚོད་འཛིན་ལྟེ་གནས་བཅས་སུ་རྩྭ་ཐང་གི་ཨ་བྲའི་གནོད་འཚེ་དང་ཐུམ་འབུའི་ནད་ཀྱི་ཕྱོགས་བསྡུས་འགོག་བཅོས་ལས་ཀར་རྟོག་ཞིབ་གནང་།
ཁོང་གིས་བསྟན་དོན། སེལ་ཤུལ་མང་ཚོགས་ཀྱིས་ཐུམ་འབུའི་ནད་ཁྱེར་ནས་འབྱོར་འབྲིང་དུ་སྐྱོད་པ་གཏན་ནས་བྱ་མི་རུང་། ཕྲག་ཏུ་འཁུར་ཕོད་པའི་སྙིང་སྟོབས་དང་སྤྲོ་སེམས་སྔར་ལས་ཆེ་བའི་ཐོག ཕྱོགས་ཡོངས་དང་གནད་ཁེལ་བ། གོ་རིམ་ལྡན་པའི་སྒོ་ནས་ཐུམ་འབུའི་ནད་ཀྱི་ཕྱོགས་བསྡུས་འགོག་བཅོས་ལས་ཀར་སྐུལ་འདེད་གཏོང་དགོས་པ་དང་། རྒྱལ་ཁ་ཡོངས་སུ་མ་ཐོབ་ན་ལས་ཀ་དེ་ལྷོད་གཡེང་བྱ་མི་རུང་།།
