སྤྱི་ཟླ་6པའི་ཚེས་26ཉིན། དབྱར་དུས་ཀྱི་ཏྰ་ཨོ་སི་གླེང་སྟེགས་ཐོག་ཞུགས་པའི་དུས་སྐབས་སུ་ཀྲུང་གོ་ཀྲུང་དབྱང་ཆབ་སྲིད་ཅུས་ཀྱི་རྒྱུན་ལས་ཨུ་ཡོན། རྒྱལ་སྲིད་སྤྱི་ཁྱབ་ཁང་གི་ཙུང་ལི་ལི་ཁེ་ཆང་གིས་ཐེན་ཅིན་གྲོང་ཁྱེར་གྱི་ལས་ཚབ་ ཧྲུའུ་ཅི་དང་ཧྲི་ཀྲང་ཧོང་ཞིན་ཀུའོ་ཡིས་ཕེབས་རོགས་འོག ཐེན་ཅིན་ཏུ་རྟོག་ཞིབ་གནང་།
ལི་ཁེ་ཆང་ གིས་ཁེ་ལས་ཀྱིས་གསར་གཏོད་འདེད་སྐུལ་འཕེལ་རྒྱས་ཀྱི་འཐབ་ཇུས་དོན་འཁྱོལ་བྱེད་པ་དང་། དམངས་ཀྱིས་ལས་གཏོད་བྱེད་པ་དང་ཀུན་གྱིས་གསར་གཏོད་བྱེད་པ། དེ་མིན་ཞིབ་འཇུག་གསར་གཏོད་མི་སྣས་ཚན་རྩལ་གྲུབ་འབྲས་སྤྱད་དེ་ཁེ་ལས་གསར་པ་ བསྐྲུན་པར་སྐུལ་འདེད་བཏང་ནས་གྲུབ་འབྲས་ལས་ཆོད་དང་དཔལ་འབྱོར་ཁེ་ཕན་ལ་འགྱུར་བ་མངོན་གསལ་ཐོབ། ཁོང་གིས་རྒྱལ་ དབང་ ཁེ་ལས་ཆེན་པོ་ཚོང་རའི་རླབས་རྒྱུན་ཁྲོད་བརྟན་བརླིང་ངང་འཕེལ་རྒྱས་སུ་ཕྱིན་དགོས་ལ། ལས་གཏོད་དང་གསར་གཏོད་ཀྱི་ལག་ཆ་ལེགས་པོར་སྤྱོད་མཁས་དགོས། སྲོལ་རྒྱུན་གྱི་འཕེལ་རྒྱས་བྱེད་སྟངས་མྱུར་ཏུ་བཅོས་སྒྱུར་བྱས་ནས་གསར་གཏོད་གཉིས་ཀྱི་མི་མངོན་པའི་སྟོབས་ཤུགས་སྐུལ་སློང་ལ་ཕན་པའི་མ་ལག་འཐུས་ཚང་དུ་གཏང་དགོས། ལག་རྩལ་དང་ཤེས་ལྡན་མི་སྣ་སོགས་ཀྱི་ལེགས་ཆ་སྔར་ལས་ལེགས་པར་འདོན་སྤེལ་བྱས་ཏེ་ལས་གཏོད་དང་གསར་གཏོད་ཀྱིས་ཁེ་ལས་ཀྱི “གས་བསྒྱུར་རྣམ་པའི” འཚར་ལོངས་ལ་སྐུལ་འདེད་བཏང་ནས་འཕེལ་རྒྱས་ཀྱི་ནང་རྐྱེན་སྒུལ་ཤུགས་མཐོར་འདེགས་སུ་གཏང་དགོས་ཞེས་བསྟན།།
