ད་ལོ་ནི་བོད་ལྗོངས་སྨན་རྩིས་ཁང་བཙུགས་ནས་ལོ་100འཁོར་བའི་ལོ་ཡིན་ལ།  གསར་འགོད་པས་བོད་ལྗོངས་སྨན་རྩིས་ཁང་གིས་སྨན་ཁང་བཙུགས་ནས་ལོ་100འཁོར་བའི་གསར་འགྱུར་འགྲེམ་བསྒྲགས་འཚོགས་འདུ་འཚོགས། སྨན་རྩིས་ཁང་གི་འཕེལ་རྒྱས་འབྱུང་རིམ་དང་སྨན་ཁང་བཙུགས་ནས་ལོ་100འཁོར་བའི་རྟེན་འབྲེལ་བྱེད་སྒོ་སོགས་འབྲེལ་ཡོད་གནས་ཚུལ་ངོ་སྤྲོད་བྱས། 

    རྒྱུས་ལོན་བྱུང་བ་ལྟར་ན།    སྔོན་སྨན་རྩིས་ཁང་གི་མིང་ལ་1916ལོར་བཀྲས་ཁང་སྤྱི་ཁྱབ་མཁན་པོ་དང་མཁས་དབང་མཁྱེན་རབ་ནོར་བུ་རྣམ་གཉིས་ཀྱིས་ལྷ་སར་བཙུགས་པའི་སྨན་རྩིས་ཁང་ཞེས་བརྗོད།    1980ལོར་བོད་རང་སྐྱོང་ལྗོངས་སྨན་རྩིས་ཁང་ཞེས་པར་རིམ་སྤོར་བྱས་པ་དང་།    ད་བར་ལོ་100ཡི་རྒྱུན་འཛིན་དང་འཕེལ་རྒྱས་ཀྱི་ལོ་རྒྱུས་ལྡན་ཡོད། མིག་སྔར་སྨན་རྩིས་ཁང་ལྗོངས་ཡོངས་ཀྱི་སྨན་བཅོས་དང་།    སློབ་གསོ། ཚན་ཞིབ།    སྔོན་འགོག་བདེ་སྲུང། སྨན་སྦྱོར་ཐོན་སྐྱེད།    རིག་གནས་ཁྱབ་སྤེལ་བཅས་གཞི་གཅིག་ཏུ་འདུས་པའི་ཀ་པ་རིམ་པ་གསུམ་པའི་སྨན་རྩིས་ཁང་འབའ་ཞིག་དང་རྒྱལ་ཡོངས་ཀྱི་མི་རིགས་སྨན་བཅོས་འཛུགས་སྐྲུན་གྱི་གཙོ་གནད་ཚན་པ་དང་པོ་དེར་གྱུར་ཡོད།
    བོད་ལྗོངས་འཕྲོད་བསྟེན་དང་འཆར་ལྡན་བུ་བཙའ་ཨུ་ཡོན་ལྷན་ཁང་གི་སྐོར་གཟིགས་པ་གཞོན་པ་དང་།    ལྗོངས་སྨན་རྩིས་ཁང་ཏང་ཨུའི་ཧྲུའུ་ཅི་གཞོན་པ།    རྒྱུན་ལས་ཡོན་ཀྲང་གཞོན་པ་ཡེ་ཤེས་དབྱངས་འཛོམས་ཀྱིས་ངོ་སྤྲོད་བྱས་པར་ལྟར་ན།    སྨན་རྩིས་ཁང་འཕེལ་རྒྱས་ཕྱིན་པ་ནི་བོད་ཀྱི་དཔལ་འབྱོར་དང་སྤྱི་ཚོགས་བྱ་གཞག་ཁག་འཕེལ་རྒྱས་དང་འགྱུར་ལྡོག་ཕྱིན་པའི་མཚོན་ཚུལ་ཞིག་རེད།    དེ་ལས་སྤྱི་ཚོགས་རིང་ལུགས་ལམ་ལུགས་ཀྱི་ཁྱད་འཕགས་རང་བཞིན་གང་ལེགས་མཚོན་པ་མ་ཟད། བོད་ལུགས་གསོ་རིག་དང་བོད་སྨན་བྱ་གཞག་རྒྱུན་འཛིན་དང་།    གསར་གཏོད།    འཕེལ་རྒྱས་བཅས་ཀྱི་ཆེད་དུ་ཕུལ་དུ་བྱུང་བའི་ལེགས་སྐྱེས་ཡང་ཕུལ་ཡོད། །