སི་ཁྲོན་ཞིང་ཆེན་ཏང་ཨུའི་བོད་ཁུལ་ལས་ཀའི་ཚོགས་འདུའི་ཚོགས་ར། མའོ་མན་ཏིང་གིས་པར་བླངས།
10月20日，省委藏区工作会议在成都召开。会议贯彻落实中央第六次西藏工作座谈会特别是习近平总书记重要讲话精神，进一步分析形势、总结经验、部署工作，加快推进四川藏区经济社会发展和长治久安。 图 / 毛漫丁

        སྤྱི་ཟླ་10པའི་ཚེས་20ཉིན། ཞིང་ཆེན་ཏང་ཨུའི་བོད་ཁུལ་ལས་ཀའི་ཚོགས་འདུ་དེ་ཁྲེན་ཏུའུ་རུ་འཚོགས་པ་དང་། ཀྲུང་དབྱང་གི་བོད་ལྗོངས་ལས་ཀའི་སྐོར་གྱི་བཞུགས་མོལ་ཚོགས་འདུ་ཐེངས་དྲུག་པ་དང་ལྷག་པར་དུ་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་གྱི་དགོངས་དོན་ལག་ལེན་དོན་འཁྱོལ་ཡོང་བ་དང་། གོམ་གང་མདུན་སྤོས་ཀྱིས་དུས་བབ་ལ་དབྱེ་ཞིབ་དང་། ཉམས་མྱོང་ཕྱོགས་བསྡོམས། ལས་ཀར་བཀོད་སྒྲིག་བྱས་ཏེ་སི་ཁྲོན་བོད་ཁུལ་གྱི་དཔལ་འབྱོར་སྤྱི་ཚོགས་འཕེལ་རྒྱས་དང་ཡུན་རིང་བདེ་འགོད་ལ་སྐུལ་འདེད་མགྱོགས་སུ་བཏང་།

        ཞིང་ཆེན་ཏང་ཨུའི་ཧྲུའུ་ཅི་ཝང་ཏུང་མིང་ཚོགས་འདུར་ཞུགས་པར་མ་ཟད་གསུང་བཤད་གནང་། ཞིང་ཆེན་ཏང་ཨུའི་ཧྲུའུ་ཅི་གཞོན་པ། ཞིང་དཔོན་ཝེ་ཧུང་གིས་ཚོགས་འདུར་གཙོ་སྐྱོང་གནང་བ་དང་མཇུག་བསྡོམས་ཚོགས་འདུའི་ཐོག་གསུང་བཤད་གནང་། 
ཞིང་ཆེན་སྲིད་གྲོས་ཀྱི་ཀྲུའུ་ཞི་ཁོག་ཙི་ཕིན། ཞིང་ཆེན་ཏང་ཨུའི་ཧྲུའུ་ཅི་གཞོན་པ་དབྱིན་ལི་ཚོགས་འདུར་ཞུགས།

        ཝང་ཏུང་མིང་གིས་བསྟན་དོན། བོད་རིགས་ས་ཁུལ་གྱི་ལས་ཀ་ནི་ཏང་དང་རྒྱལ་ཁབ་ཀྱི་བྱ་གཞག་ཁྲོད་ཀྱི་གལ་ཆེའི་གྲུབ་ཆ་ཞིག་ཡིན། མི་རིགས་མཐུན་སྒྲིལ་ལ་སྐུལ་འདེད་གཏང་བ་དང་། རྒྱལ་ཁབ་གཅིག་གྱུར་དང་བདེ་འཇགས་བརྟན་བརླིང་སྲུང་སྐྱོང་བྱེད་པར་འགངས་ཆེ་ལ་དམིགས་བསལ་གྱི་དོན་སྙིང་ཆེན་པོ་ལྡན། སི་ཁྲོན་བོད་རིགས་ས་ཁུལ་དུ་སྔར་ནས་བཟུང་བོད་ཁུལ་བརྟན་བརླིང་ཡོང་བར་ངེས་པར་དུ་ཁམས་ཕྱོགས་གཏན་འཇགས་ཡོང་དགོས་ཞེས་པའི་འཐབ་ཇུས་ཀྱི་གོ་གནས་དང་། སི་ཁྲོན་བོད་རིགས་ས་ཁུལ་གྱི་ལས་ཀ་ཁག་ཡག་པོ་བསྒྲུབ་རྒྱུ་ནི་བོད་རིགས་ས་ཁུལ་ཡོངས་དང་ཐ་ན་རྒྱལ་ཡོངས་ཀྱི་སྤྱིའི་ཡོངས་དང་འབྲེལ་བ་ཡོད། ཏང་གི་ཚོགས་ཆེན་བཅོ་བརྒྱད་པ་འཚོགས་ཚུན། ཞིང་ཆེན་ཏང་ཨུས་ཀྲུང་དབྱང་གི་བོད་སྐྱོང་ཐབས་ཇུས་དང་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་རབ་དང་རིམ་པའི་དགོངས་དོན་ནན་ཏན་ངང་ལག་བསྟར་བྱས་པ་དང་། 
སི་ཁྲོན་གྱི་གནས་ཚུལ་དངོས་ལ་གཞིགས་ནས་བོད་རིགས་ས་ཁུལ་གྱི་ལས་ཀ་ཁག་ལ་ཁྱོན་ཡོངས་ནས་ཤུགས་སྣོན་བྱས་པས་དཔལ་འབྱོར་རྒྱུན་མཐུད་ངང་ཅུང་མགྱོགས་པོའི་སྒོ་ནས་འཕེལ་རྒྱས་ཕྱིན་པ་དང་། དམངས་འཚོ་རྒྱུན་ཆད་མེད་པར་ཇེ་ལེགས་སུ་འགྲོ་བ། སྤྱི་ཚོགས་སྤྱིའི་ཁྱོན་ཡོངས་བརྟན་བརླིང་ཡིན་པའི་རྣམ་པ་བཟང་པོ་ཞིག་ཆགས་ཡོད།

        ཝང་ཏུང་མིང་གིས་བསྟན་དོན། རིམ་པ་ཁག་དང་སྡེ་ཚན་ཁག་གིས་ངེས་པར་དུ་བསམ་བློ་དང་བྱ་སྤྱོད་དེ་ཀྲུང་དབྱང་གི་དགོངས་དོན་དང་ཞིང་ཆེན་ཏང་ཨུའི་ཐབས་ཇུས་བཀོད་སྒྲིག་ཐོག་གཅིག་གྱུར་ཡོང་དགོས་ཤིང་། བོད་ཁུལ་ལ་འཕྲད་པའི་གནས་བབ་གསར་པ་དང་ལས་འགན་གསར་པ་ཁོང་དུ་གཏིང་ཟབ་མོར་ཆུད་པར་བྱ་སྟེ། གོམ་གང་མདུན་སྤོས་ཀྱིས་སྤྱིའི་ཡོངས་ཀྱི་འདུ་ཤེས་དང་། སེམས་ཁྲལ་གྱི་འདུ་ཤེས། འགན་འཁྲིའི་འདུ་ཤེས་བཅས་སྔར་བས་ཤུགས་ཇེ་ཆེར་གཏང་ནས། འཐབ་ཇུས་གཅིག་སྡུད་རྒྱུན་འཁྱོངས་དང་ཡང་དག་པའི་ཁ་ཕྱོགས་རྒྱུན་འཁྱོངས། གཏན་འཁེལ་བྱས་པའི་བཀོད་སྒྲིག་ལྟར་རྒྱུན་སྲིང་ངང་ནུས་ཤུགས་བཏོན་ཏེ། འབད་པ་ཆེན་པོས་སི་ཁྲོན་བོད་རིགས་ས་ཁུལ་གྱི་ལས་ཀ་ཁག་སྔར་ལས་ལེགས་པར་བསྒྲུབ་དགོས། ད་ལྟ་དང་ཕྱིན་ཆད་དུས་སྐབས་ཤིག་གི་རིང་། ཕྱོགས་ཡོངས་ནས་ཀྲུང་དབྱང་གི་བོད་སྐྱོང་འཐབ་ཇུས་ཀྱི་དགོངས་དོན་དང་གལ་ཆེའི་བཀོད་སྒྲིག་ལ་ལག་ལེན་མཐར་ཕྱིན་བྱ་དགོས་ཤིང་། 
        ཁྲིམས་ལྟར་བོད་སྐྱོང་དང་། དམངས་ཕྱུག་བོད་དར། ཡུན་རིང་བོད་སྐྲུན། མི་སེམས་གཅིག་འགྲིལ། རྨང་གཞི་བརྟན་པོར་གཏང་བ་བཅས་རྒྱུན་འཁྱོངས་བྱེད་དགོས་པ་དང་། མེས་རྒྱལ་གཅིག་གྱུར་སྲུང་སྐྱོང་ལ་རྒྱུན་འཁྱོངས་དང་། མི་རིགས་མཐུན་སྒྲིལ་ལ་ཤུགས་སྣོན་བྱ་རྒྱུ་དེ་གཞི་འཛིན་གནས་དང་ཤུགས་འདོན་གནས་སུ་བྱེད་དེ། དམངས་འཚོ་ལེགས་བཅོས་དང་མི་སེམས་གཅིག་འགྲིལ་དེ་ལས་ཀའི་དམིགས་སའམ་དོན་ཐོག་ཏུ་འབབ་སར་རྒྱུན་འཁྱོངས་བྱེད་ནས། ཞིང་ཆེན་ཏང་ཨུའི་བོད་ཁུལ་ལས་ཀའི་རིག་ལམ་ལ་གཡོ་འགུལ་མེད་པ་རྒྱུན་འཁྱོངས་དང་། དོན་ཆེན་གསུམ་མཉམ་དུ་དམ་འཛིན་བྱེད་པ་རྒྱུན་འཁྱོངས། འཐབ་ཕྱོགས་ལྔ་མཉམ་དུ་ནུས་ཤུགས་བཏོན་པའི་ལས་ཀའི་རྣམ་པར་འགྱུར་བ་མེད་པ་རྒྱུན་འཁྱོངས་བྱེད་དེ་སྤྱི་ཚོགས་ཀྱི་སྤྱིའི་ཡོངས་ཀྱི་བརྟན་བརླིང་དང་ཡུན་རིང་བདེ་འགོད་དང་། དཔལ་འབྱོར་སྤྱི་ཚོགས་རྒྱུན་མཐུད་ངང་བདེ་བླག་འཕེལ་རྒྱས་ཡོང་ཐུབ་པ། མི་རིགས་ཁག་གི་མི་དམངས་མང་ཚོགས་ཀྱི་དངོས་པོའི་རིག་གནས་ཀྱི་འཚོ་བའི་ཆུ་ཚད་ཟམ་མི་ཆད་པར་མཐོ་རུ་ཕྱིན་པ། སྐྱེ་ཁམས་ཁོར་ཡུག་ལེགས་པོ་ཡོང་བ་བཅས་ལ་འགན་ལེན་བྱ་དགོས།

མཐོ་སྒང་གི་འཚོ་བ་གསར་པ། ཀྲང་ཧྭ་ཡིས་པར་བླངས།
高原新气象 图 / 张 华

        ཝང་ཏུང་མིང་གིས་ནན་གྱིས་བསྟན་དོན། ངེས་པར་དུ་འཕེལ་རྒྱས་དེ་ལས་འགན་ཨང་དང་པོར་འཇོག་པ་རྒྱུན་འཁྱོངས་བྱས་ཏེ། སེམས་ཤུགས་གཅིག་སྡུད་ཀྱིས་བོད་རིགས་ས་ཁུལ་དུས་མཉམ་དུ་ཁྱོན་ཡོངས་ནས་འབྱོར་འབྲིང་གི་འགག་སྒོ་ལས་སྒྲོལ་བའི་འཐབ་འཁྲུག་སྤེལ་དགོས། མུ་མཐུད་དུ་རྨང་གཞིའི་སྒྲིག་བཀོད་འཛུགས་སྐྲུན་གཙོ་གནད་དུ་འཛིན་པ་དང་། འགྲིམ་འགྲུལ་ཨང་དང་པོར་འཇོག་པ་རྒྱུན་འཁྱོངས་བྱས་ཏེ། རེས་སྐོར་གསར་པའི་འགྲིམ་འགྲུལ་གྱི་མཉམ་རུབ་ཆེན་པོར་འཆར་འགོད་ལག་བསྟར་བྱ་དགོས། ཤུགས་ཆེན་པོས་བོད་རིགས་ས་ཁུལ་གྱི་གློག་དྲའི་རིམ་འཕར་དང་སྒྱུར་བཀོད་ལས་ཀར་སྐུལ་འདེད་གཏང་བ་དང་། གྲོང་སྡེའི་འཐུང་ཆུའི་བདེ་འཇགས་ལས་གཞི་འཛུགས་སྐྲུན་ལག་བསྟར་གཏིང་ཟབ་བྱ་དགོས། བོད་རིགས་ས་ཁུལ་གྱི་འཕེལ་རྒྱས་དང་མང་ཚོགས་ཀྱི་འཚོ་བའི་ཆ་རྐྱེན་ལེགས་བཅོས་བྱ་རྒྱུར་ཤུགས་བསྣན་ཏེ་ཁྱད་ལྡན་ཐོན་ལས་གོང་འཕེལ་ལ་སྐུལ་འདེད་ཤུགས་ཆེན་གཏང་དགོས། ཡུལ་སྐོར་གོང་འཕེལ་གཏང་རྒྱུ་དེ་ཐོན་ལས་ལ་བརྟེན་ནས་དམངས་ཚོགས་ཕྱུག་འགྱུར་ཡོང་བའི་གལ་ཆེ་བའི་རྟེན་གཞི་རུ་བཟུང་དགོས། ཧུར་ཐག་གིས་དེང་རབས་ཀྱི་ཞིང་འབྲོག་ལས་རིགས་གོང་འཕེལ་གཏང་དགོས་ལ། ཧྥེ་དིས་གླིང་ཁུལ་འཛུགས་སྐྲུན་ལ་སྐུལ་འདེད་གཏང་བ་དང་མང་ཚོགས་སྐུལ་ཁྲིད་བྱ་སྟེ་ལས་ཞུགས་དང་ཡོང་འབབ་འཕར་སྣོན་ཡོང་བར་བྱ་དགོས། སྐྱེ་ཁམས་སྲུང་སྐྱོང་བྱ་རྒྱུ་དེ་གལ་ཆེའི་གོ་གནས་སུ་འཇོག་རྒྱུ་རྒྱུན་འཁྱོངས་བྱ་སྟེ། ཤུགས་ཆེན་པོས་རང་བྱུང་ནགས་ཚལ་སྲུང་སྐྱོབ་དང་ཞིང་བསྐྱུར་ནགས་འཛུགས། ཕྱུགས་སྐྱུར་རྩྭ་གསོ་སོགས་ལས་གཞི་ལག་བསྟར་བྱ་དགོས། བོད་སྐྱོར་ལས་ཀ་སྤེལ་ཤུགས་སྔར་བས་ཤུགས་ཆེ་རུ་བཏང་སྟེ་གོམ་གང་མདུན་སྤོས་ཀྱིས་བོད་ཁུལ་གྱི་ཕྱི་ཕྱོགས་སྒོ་འབྱེད་དང་མཉམ་ལས་ཆུ་ཚད་མཐོར་འདེགས་སུ་གཏང་དགོས།

        ཝང་ཏུང་མིང་གིས་ནན་གྱིས་བསྟན་དོན། ངེས་པར་དུ་དམངས་འཚོ་ལེགས་བཅོས་དང་མི་སེམས་གཅིག་ཏུ་སྒྲིལ་བར་དམ་པོར་དམིགས་ཏེ། ཤུགས་ཆེན་པོས་བོད་ཁུལ་མང་ཚོགས་ཀྱི་འཚོ་བའི་ཆུ་ཚད་མཐོར་འདེགས་སུ་གཏང་དགོས། རྒྱུན་མཐུད་ངང་རྒྱབ་སྐྱོར་བྱེད་ཤུགས་ཆེ་རུ་བཏང་སྟེ་དམངས་འཚོའི་དོན་དངོས་སྒྲུབ་པ་དང་། དམངས་འཚོའི་འཆར་གཞི་ཆེན་མོ་དྲུག་ལག་བསྟར་བྱེད་ཚད་མགྱོགས་སུ་གཏང་སྟེ། ནུས་ཤུགས་ཡོད་རྒུས་སྡོད་ཁང་དང་། སྨན་བཅོས། སྤྱི་ཚོགས་འགན་སྲུང་། རིག་གནས་སོགས་འབུར་དུ་ཐོན་པའི་དམངས་འཚོའི་གནད་དོན་ཐག་གཅོད་བྱ་དགོས། སློབ་གསོའི་ལས་ཀ་དེ་མི་སེམས་གཅིག་ཏུ་སྒྲིལ་བའི་བླ་སྲོག་གི་ལས་གཞི་རུ་འཛིན་དགོས། མི་རིགས་ས་ཁུལ་གྱི་སློབ་གསོ་འཕེལ་རྒྱས་ཀྱི་ལོ་བཅུའི་བྱ་སྤྱོད་འཆར་གཞི་གཏིང་ཟབ་མོའི་ངང་ནས་ལག་བསྟར་བྱ་དགོས་ཤིང་། བོད་ཁུལ་གྱི་ལོ་15ཡི་སློབ་ཡོན་མི་དགོས་པའི་སློབ་གསོ་ཁྱོན་ཡོངས་སུ་ཁྱབ་པར་མངོན་འགྱུར་བྱ་བ་དང་། མུ་མཐུད་དུ་དགུ་ཐོག་གསུམ་སྣོན་གྱི་རིན་མེད་སློབ་གསོའི་འཆར་གཞི་ལག་ཏུ་བསྟར་ཞིང་། ཤུགས་ཆེན་པོས་རྒྱང་བསྟེན་སློབ་གསོ་གོང་འཕེལ་བཏང་ནས་མཐའ་གཅིག་ཏུ་དབུལ་ཕོངས་མི་རབས་ནས་མི་རབས་སུ་བརྒྱུད་པར་འགོག་གཅོད་བྱ་དགོས། ནུས་ཤུགས་ཡོད་རྒུས་ལས་ཞུགས་ཏེ་དམངས་འཚོའི་གཞི་རྩ་དམ་འཛིན་ཡག་པོ་བྱ་དགོས། ཞིང་པའི་ལས་རིགས་རྩལ་ནུས་མཐོ་འདེགས་གཏང་བའི་འཆར་གཞི་དང་མི་རིགས་ས་ཁུལ་གྱི་མང་ཚོགས་ཀྱི་ལས་རིགས་གསོ་སྦྱོང་བྱ་སྤྱོད་གཏིང་ཟབ་པོའི་སྒོ་ནས་སྤེལ་ཏེ་ལས་ཞུགས་དང་སློབ་གསོ་གཅིག་གྱུར་སྒོས་འཆར་འགོད་བྱ་སྟེ་སྤྱོད་གོ་ཆོད་པའི་ཤེས་ལྡན་མི་སྣ་དེ་བས་མང་བ་ཞིག་གསོ་སྐྱོང་བྱ་དགོས། དབུལ་སྐྱོར་འགག་སྒྲོལ་བྱ་རྒྱུ་དེ་ནི་བོད་ཁུལ་གྱི་ཁྱོན་ཡོངས་ནས་འབྱོར་འབྲིང་སྤྱི་ཚོགས་མངོན་འགྱུར་བྱ་བར་འབུར་དུ་ཐོན་པའི་འགན་འཁྲི་རུ་བཟུང་སྟེ་ཞིང་ཆེན་ཏང་ཨུའི་སྐབས་བཅུ་པའི་ཚང་འཛོམས་གྲོས་ཚོགས་ཐེངས་དྲུག་པའི་དགོངས་དོན་ལག་བསྟར་ནན་ཏན་བྱ་ནས་ངེས་པ་དོན་གྱིས་བཀོད་སྒྲིག་དང་དོན་འཁྱོལ་ཁག་དམ་འཛིན་བྱ་སྟེ་གནད་སྨིན་དྲུག་དང་སྐོར་ཁག་ལྔ། གཙོ་གནད་ལས་ཀ་ཁག་བཅུ་གྲོང་ཚོ་དང་དུད་ཚང་། མིའི་སྟེང་དུ་ལག་བསྟར་བྱ་སྟེ་གནད་སྨིན་དབུལ་སྐྱོར་དང་གནད་སྨིན་དབུལ་སྒྲོལ་མངོན་འགྱུར་བྱ་དགོས།

        ཝང་ཏུང་མིང་གིས་བསྟན་དོན། ངེས་པར་དུ་ཁྲིམས་ལྟར་དོ་དམ་དང་སློབ་གསོ་མཛུབ་སྟོན་གཅིག་གྱུར་གྱིས་དམ་འཛིན་ཡག་པོ་བྱ་དགོས། བོད་བརྒྱུད་ནང་བསྟན་དང་སྤྱི་ཚོགས་རིང་ལུགས་ཀྱི་སྤྱི་ཚོགས་འཚམ་མཐུན་ཡོང་བར་བྱ་རྒྱུ་བརྟན་པོའི་ངང་ནས་སྐུལ་འདེད་བྱ་དགོས། དགོན་སྡེའི་དོ་དམ་གསར་གཏོད་བྱ་རྒྱུར་ཕྱོགས་ཡོངས་ནས་ཤུགས་སྣོན་བྱ་དགོས། རིམ་པ་བགོས་ནས་འགན་ཁུར་བ་དང་ཁོངས་གཏོགས་དོ་དམ། དགོན་སྡེའི་རིགས་དབྱེའི་དོ་དམ་ཚད་ལོངས་རིམ་སྤར་གཏིང་ཟབ་ཏུ་གཏང་བ་དང་། དགོན་སྡེའི་དོ་དམ་ཡུན་ཕན་ལམ་ལུགས་འཛུགས་སྐྲུན་ལ་སྐུལ་འདེད་བྱ་དགོས། ཆོས་ལུགས་ལས་རིགས་ཀྱི་འཐུས་ཚབ་མི་སྣའི་སློབ་གསོ་དང་གསོ་སྐྱོང་ལ་ཤུགས་སྣོན་བྱ་དགོས་ཤིང་། ཆབ་སྲིད་ཐད་བློས་འཁེལ་ཐུབ་པ་དང་། ཤེས་ཡོན་ཐད་མཁྱེན་རྒྱ་ཡངས་པ། ཀུན་སྤྱོད་ཐད་ཚང་མས་ཁས་ལེན་པ། གནད་འགག་དང་འཕྲད་དུས་ནུས་པ་འདོན་ཐུབ་པའི་འཐུས་ཚབ་མི་སྣའི་དཔུང་ཁག་ཅིག་འཛུགས་སྐྱོང་ཇེ་མགྱོགས་སུ་གཏང་དགོས། དམངས་འཚོར་ཕན་པའི་སྲིད་ཇུས་ཁག་དགོན་སྡེའི་ནང་དུ་དོན་འཁྱོལ་ཡོང་བར་བྱ་དགོས།

ཆ་འཕྲིན་འཕེལ་རྒྱས་སོང་བས་བོད་ཁུལ་མང་ཚོགས་ལ་ཕན་པ་དང་སྟབས་བདེ་བསྐྲུན་ཡོད།
通信的不断发展给藏区群众带来了实惠和方便

        ཝང་ཏུང་མིང་གིས་ནན་གྱིས་བསྟན་དོན། ངེས་པར་དུ་ཐོག་མཐའ་བར་གསུམ་ནས་ཁྲིམས་ལྟར་བོད་སྐྱོང་བ་དེ་རྩ་བའི་བྱ་ཐབས་ཤིག་ཏུ་བཟུང་སྟེ། བོད་རིགས་ས་ཁུལ་གྱི་སྤྱི་ཡོངས་འཆམ་མཐུན་བརྟན་བརླིང་ཡོང་བར་སྲུང་སྐྱོང་མཐའ་གཅིག་ཏུ་བྱ་དགོས། ལངས་ཕྱོགས་བརྟན་པོའི་སྒོ་ནས་ཁ་བྲལ་ལ་ངོ་རྒོལ་བྱེད་པའི་འཐབ་རྩོད་སྤེལ་ནས་བོད་རང་བཙན་གྱི་སྟོབས་ཤུགས་ཀྱིས་སིམ་འཛུལ་རྩ་སློག་གཏོར་བཤིག་གི་བྱ་སྤྱོད་སྤེལ་བར་དང་ཐོག་ནས་རྡུང་རྡེག་གཏང་སྟེ་ལས་ཀའི་རང་འགུལ་དབང་ཆ་དམ་དུ་འཛིན་དགོས། བརྟན་པོའི་ངང་བཅའ་ཁྲིམས་དགོན་སྡེ་དང་། འབྲོག་ཁུལ། ལས་ཁུངས། སློབ་གྲྭ་སོགས་སུ་སྐྱེལ་བར་སྐུལ་འདེད་གཏང་སྟེ། ཤུགས་ཆེན་པོའི་ངང་ནས་བོད་རྒྱ་སྐད་གཉིས་ཀྱི་མཉམ་འབྲེལ་སྒྲོག་འགྲེལ་དང་གྱོད་དོན་ཐད་ནས་ཁྲིམས་བཤད་སྤེལ་དགོས། ཤུགས་ཆེན་པོ་འདོན་ནས་བོད་ཁུལ་གྱི་སྤྱི་ཚོགས་ཁྲིམས་ལྟར་བཅོས་སྐྱོང་བྱེད་པའི་རྨང་གཞིའི་རང་བཞིན་གྱི་ལས་ཀ་ཁག་བརྟན་པོར་བསྒྲུབ་དགོས། འབུར་དུ་ཐོན་པའི་གནད་དོན་ལ་དམིགས་ནས་ཆེད་དམིགས་བཅོས་སྐྱོང་རྒྱུན་མཐུད་ངང་སྤེལ་ཏེ། ཕྱོགས་ཡོངས་ནས་སྤྱི་ཚོགས་ངོས་ཀྱི་བདེ་འཇགས་དོ་དམ་ཚོད་འཛིན་ལ་ཤུགས་སྣོན་བྱ་སྟེ་ཕྱོགས་ཡོངས་ནས་སྤྱི་ཚོགས་བརྟན་བརླིང་དང་ཉེན་ཁ་དཔྱད་དཔོག་ལམ་ལུགས་དོན་འཁྱོལ་བྱ་དགོས།

        ཝང་ཏུང་མིང་གིས་ནན་གྱིས་བསྟན་དོན། ངེས་པར་དུ་གནས་ལུགས་ལྡན་པ་དང་ཞུམ་མེད་ཀྱིས་བསམ་བློའི་སློབ་གསོ་དང་གླེང་ཕྱོགས་ཀྱི་ཁྲིད་སྟོན་ལ་ཤུགས་སྣོན་བྱ་སྟེ་ཤུགས་ཆེན་པོས་བོད་ཁུལ་དུ་མི་རིགས་མཐུན་སྒྲིལ་དང་འཆམ་མཐུན་ཡར་ཐོན་གྱི་རྣམ་པ་བཟང་པོ་བསྐྲུན་དགོས། བྱེད་ཤུགས་ཆེ་རུ་གཏང་ནས་བསམ་བློ་ཆབ་སྲིད་ཀྱི་སློབ་གསོ་དང་། དམིགས་ས་ཡོད་པའི་སྒོ་ནས་རྒྱ་ཆེའི་ཞིང་འབྲོག་མང་ཚོགས་དང་གྲྭ་བཙུན་ལ་སློབ་གསོའི་ཁྲིད་སྟོན་བྱ་སྟེ་ཡིན་མིན་གྱི་དབྱེ་བ་འབྱེད་དགོས། ཏང་གི་མི་རིགས་ཆོས་ལུགས་སྲིད་ཇུས་རྒྱ་ཁྱབ་ངང་དྲིལ་བསྒྲགས་བྱ་སྟེ་བོད་ཁུལ་གྱི་དཔལ་འབྱོར་སྤྱི་ཚོགས་འཕེལ་རྒྱས་དང་མི་རིགས་མཐུན་སྒྲིལ་ཡར་རྒྱས། དབུལ་སྐྱོར་གསར་སྤེལ་འགག་སྒྲོལ་སོགས་ཀྱི་གྲུབ་འབྲས་ཆེན་པོ་གང་ལེགས་སྒོས་མངོན་པར་བྱ་སྟེ་ཕྱོགས་ཡོངས་ནས་ཕྱི་ཕྱོགས་སུ་དྲིལ་བསྒྲགས་བྱ་བར་ཤུགས་སྣོན་བྱ་དགོས། མི་རིགས་མཐུན་སྒྲིལ་ཡར་ཐོན་གྱི་སློབ་གསོའི་གསར་འཛུགས་བྱེད་སྒོ་གཏིང་ཟབ་ཏུ་སྤེལ་བ་དང་། ཧུར་ཐག་གིས་མི་རིགས་འགྲོ་འོང་སྤེལ་རེས་མཉམ་འདྲེས་ལ་སྐུལ་འདེད་བྱ་སྟེ་མི་རིགས་ཁག་གི་ཐུན་མོང་གི་བསམ་བློའི་ཁྱིམ་གཞིས་བསྐྲུན་དགོས།

        ཝང་ཏུང་མིང་གིས་ནན་གྱིས་བསྟན་དོན། ངེས་པར་དུ་བོད་རིགས་ས་ཁུལ་གྱི་ཚན་ཁག་ལས་བྱེད་པའི་དཔུང་ཁག་འཛུགས་སྐྱོང་དང་གཞི་རིམ་གྱི་ཏང་རྩ་འཛུགས་འཛུགས་སྐྱོང་བྱེད་པར་ཤུགས་སྣོན་བྱ་དགོས་པ་དང་། བོད་ཁུལ་གྱི་དཔལ་འབྱོར་སྤྱི་ཚོགས་འཕེལ་རྒྱས་དང་ཡུན་རིང་བདེ་འགོད་ལ་སྐུལ་འདེད་གཏོང་ཆེད་འགན་སྲུང་སྟོབས་ལྡན་མཁོ་འདོན་བྱ་དགོས། དམིགས་བསལ་གསུམ་གྱི་ཆབ་སྲིད་ཀྱི་ཚད་གཞི་དང་ལས་ཀའི་བླང་བྱ་མངོན་གསལ་བྱ་དགོས་ཤིང་། དོན་ངོ་མར་ཡིན་མིན་གྱི་ལངས་ཕྱོགས་དབྱེ་འབྱེད་ཧ་ཅང་གསལ་མོ་ཡིན་པ་དང་། མི་རིགས་མཐུན་སྒྲིལ་སྲུང་སྐྱོང་བྱ་སྤྱོད་དམིགས་བསལ་གྱི་བརྟན་པོར་ཡིན་པ། མི་རིགས་ཁག་གི་མང་ཚོགས་ལ་དགའ་ཞེན་ལྷད་མེད་ཀྱི་བརྩེ་དུང་དམིགས་བསལ་ཡོད་པའི་ཕུལ་བྱུང་གི་ལས་བྱེད་པ་གདམ་གསེས་དང་བཀོལ་སྤྱོད་བྱ་དགོས། གཙོ་གནད་གཤམ་སྒྱུར་དང་སྟོབས་ཤུགས་གཤམ་གཏོང་། རྨང་གཞི་བརྟན་དུ་གཏང་བ། གཙོ་གནད་ཤུགས་ཆེ་རུ་གཏང་བ། ལྷུ་ཚིགས་ཞན་སར་རྩ་འཛུགས་ཀྱི་ཁེབས་རྒྱ་དང་ལས་ཀའི་ཁེབས་རྒྱ་བཅས་རྒྱུན་འཁྱོངས་བྱ་སྟེ་གཞི་རིམ་ཏང་རྩ་འཛུགས་འཛུགས་སྐྱོང་བྱ་རྒྱུར་སྔར་བས་བརྟན་པོ་དང་སྟོབས་ཤུགས་ལྡན་དགོས། དྲང་གསུམ་ནན་གསུམ་གྱི་ཆེད་དོན་སློབ་གསོ་དམ་འཛིན་ནན་མོ་བྱ་སྟེ་ཏང་ཡོན་ལས་བྱེད་པར་དྲང་གསུམ་ནན་གསུམ་གྱི་བླང་བྱ་རང་འགུལ་ངང་ལག་ལེན་བྱ་བར་སྣེ་ཁྲིད་བྱ་དགོས། བརྩེ་སེམས་དང་འགན་འཁྲི་བཅངས་ནས་ལས་ཀ་ཁག་ལེགས་པོར་བསྒྲུབ་དགོས། བོད་རིགས་ས་ཁུལ་གྱི་ལས་བྱེད་པར་སེམས་ཁུར་བྱེད་པའི་བྱེད་ཤུགས་ཆེ་རུ་གཏང་ནས་ནན་ཏན་གྱིས་ཀྲུང་དབྱང་གི་སྲིད་ཇུས་དང་ཞིང་ཆེན་གྱི་དམིགས་བསལ་བྱེད་ཐབས་ཁག་དོན་འཁྱོལ་བྱ་ནས་བོད་ཁུལ་ལས་བྱེད་པར་ལས་ཀ་དང་འཚོ་བའི་ཆ་རྐྱེན་བཟང་པོ་བསྐྲུན་དགོས།

        ཝེ་ཧུང་གིས་ཕྱོགས་བསྡོམས་གསུང་བཤད་གནང་སྐབས་ནན་གྱིས་བསྟན་དོན། ཧྲུའུ་ཅི་ཝང་ཏུང་མིང་གིས་གལ་ཆེའི་གསུང་བཤད་ཀྱིས་ཀྲུང་དབྱང་གི་དགོངས་དོན་ལག་བསྟར་དོན་འཁྱོལ་བྱེད་པ་དང་། རང་རེ་ཞིང་ཆེན་གྱི་བོད་ཁུལ་ལས་ཀ་ཁག་ལ་བླང་བྱ་ཁ་གསལ་བཏོན་ཡོད། ཞིང་ཆེན་ཡོངས་ཀྱི་ས་གནས་ཁག་དང་སྡེ་ཚན་ཁག་གིས་ངེས་པར་དུ་སློབ་སྦྱོང་ནན་ཏན་དང་ངོས་འཛིན་ཟབ་མོར་བྱས་ཏེ་དོན་དངོས་ཀྱིས་ཐོག་ནས་ཀྲུང་དབྱང་དང་ཞིང་ཆེན་ཏང་ཨུའི་ཐབས་ཇུས་བཀོད་སྒྲིག་ཐོག་གཅིག་གྱུར་ཡོང་བར་བྱ་དགོས། ནན་ཏན་གྱིས་བོད་ཁུལ་འཕེལ་རྒྱས་གྱི་གཙོ་གནད་ཁོང་དུ་ཆུད་པར་བྱ་སྟེ་བོད་རིགས་ས་ཁུལ་གྱི་འགྲིམ་འགྲུལ་གྱི་རྨང་གཞིའི་སྒྲིག་བཀོད་འཛུགས་སྐྲུན་ལེགས་པོར་འཛིན་པ་རྒྱུན་འཁྱོངས་དང་། བོད་རིགས་ས་ཁུལ་གྱི་ཡུལ་སྐོར་ལས་རིགས་འཕེལ་རྒྱས་གཙོ་གནད་དུ་བཟུང་ནས། དེང་རབས་ཀྱི་ཁྱད་ཆོས་ལྡན་པའི་ཞིང་འབྲོག་ལས་རིགས་གོང་འཕེལ་བྱེད་ཤུགས་ཆེ་རུ་གཏང་དགོས། སློབ་གསོ་སྔོན་དུ་གོང་འཕེལ་གཏང་རྒྱུ་དང་སྨན་བཅོས་འཕྲོད་བསྟེན་འཛུགས་སྐྲུན། ལས་ཞུགས་སྐུལ་སྤེལ་དང་སྤྱི་ཚོགས་འགན་སྲུང་སོགས་ཀྱི་ལས་ཀ་ཁག་ཤུགས་ཆེན་པོས་དམ་འཛིན་བྱ་ནས་ནན་མོ་སྒོས་བོད་རིགས་ས་ཁུལ་གྱི་དམངས་འཚོའི་ལས་ཀ་ཁག་བྱེད་ཤུགས་ཆེ་རུ་གཏང་དགོས། ནོར་སྲིད་སྲིད་ཇུས་དང་མ་འཇོག་སྲིད་ཇུས་དོན་འཁྱོལ་ཡག་པོ་བྱ་སྟེ་སྲིད་གཞུང་གིས་བསྒྲུབ་དགོས་པའི་དོན་རྣམས་ལེགས་པོར་བསྒྲུབ་དགོས་པ་དང་། ཁ་གཏད་རོགས་སྐྱོར་གྱི་ལས་ཀ་ཁག་བཟང་པོར་བསྒྲུབ་སྟེ་ནན་ནན་ཏན་ཏན་གྱིས་སྲིད་ཇུས་ཁག་ལག་བསྟར་དོན་འཁྱོལ་ཡོང་བར་བྱ་དགོས།

བོད་གྲོང་གི་རྣམ་པ། དཀོན་རྡོས་པར་བླངས། 晨曦中的新村 图 / 根多

        སྔ་དྲོར། རྔ་བ་ཁུལ་དང་དཀར་མཛེས་ཁུལ། ལའང་ཧྲན་ཁུལ། ཞིང་ཆེན་ཏང་ཨུའི་རྩ་འཛུགས་པུའུ་དང་། ཞིང་ཆེན་ཏང་ཨུའི་དྲིལ་བསྒྲགས་པུའུ། ཞིང་ཆེན་ཏང་ཨུའི་འཐབ་ཕྱོགས་གཅིག་གྱུར་པུའུ། ཞིང་ཆེན་ཏང་ཨུའི་སྲིད་ཁྲིམས་ཨུ་ལྷན། ཞིང་ཆེན་འཕེལ་སྒྱུར་ཨུ་ལྷན་གྱི་འབྲེལ་ཡོད་འགན་ཁུར་བློ་མཐུན་དག་གིས་བརྗེ་རེས་གཏམ་བཤད་སྤེལ། ཕྱི་དྲོར། ཚོགས་ཞུགས་བློ་མཐུན་རྣམས་གྱི་ཝང་ཏུང་མིང་གིས་གསུང་བཤད་གཞིར་བྱས་ནས་ཚོགས་ཆུང་བགོས་ཏེ་གྲོས་བསྡུར་བྱས།

        ཞིང་ཆེན་ཏང་ཨུའི་རྒྱུན་ལས་ཨུ་ཡོན། ཞིང་ཆེན་དམངས་ཆེན་རྒྱུན་ལས་ཨུ་ལྷན་གྱི་ཏང་ཙུའུ་ཡི་ཧྲུའུ་ཅི། འབྲེལ་ཡོད་ཞིང་དཔོན་གཞོན་པ། ཞིང་ཆེན་ཁྲིམས་ཁང་གི་འགོ་གཙོ། ཞིང་ཆེན་ཞིབ་དཔྱོད་ཁང་གི་འགོ་གཙོ། དྲག་ཆས་ཉེན་རྟོག་སི་ཁྲོན་སྤྱི་ཁྱབ་རུ་ཁག་གི་དམག་སྤྱི། ཞིང་ཆེན་ཏང་ཨུའི་བོད་རིགས་ས་ཁུལ་གྱི་ལས་ཀའི་འགོ་ཁྲིད་ཚོགས་ཆུང་གི་ཁོངས་མི། གྲོང་ཁྱེར་དང་ཁུལ། ཞིང་ཆེན་ཐད་གཏོགས་ཀྱི་འབྲེལ་ཡོད་སྡེ་ཁག(ཚན་པ།) ཚན་རིག་ཞིབ་འཇུག་སྡེ་ཁག མཐོ་རིམ་སློབ་གྲྭ་ཁག རྒྱལ་གཉེར་ཁེ་ལས་དང་བོད་ཁུལ་གྱི་ཆུས་དང་རྫོང་(གྲོང་ཁྱེར་) 32 ཀྱི་འགན་ཁུར་བློ་མཐུན་སོགས་ཚོགས་འདུར་ཞུགས། །