སྤྱི་ཟླ་12པའི་ཚེས་12ཉིན།  སྐབས་དང་པོའི་རྒྱལ་ཡོངས་ཀྱི་དཔལ་ཡོན་ཁྱིམ་ཚང་གི་གཟེངས་བསྟོད་ཚོགས་ཆེན་པེ་ཅིང་དུ་འཚོགས།  ཀྲུང་གོ་ཀྲུང་དབྱང་གི་སྤྱི་ཁྱབ་ཧྲུའུ་ཅི། རྒྱལ་ཁབ་ཀྱི་ཀྲུའུ་ཞི།  ཀྲུང་དབྱང་དམག་ཨུ་ཀྲུའུ་ཞི་ཞི་ཅིན་ཕིང་གིས་རྒྱལ་ཡོངས་ཀྱི་དཔལ་ཡོན་ཁྱིམ་ཚང་གི་མཚན་སྙན་ཐོབ་པའི་འཐུས་མིར་མཇལ་འཕྲད་གནང་པ་མ་ཟད་གསུང་བཤད་གལ་ཆེ་གནང་། ཐེངས་འདིའི་གཟེངས་བསྟོད་ཚོགས་ཆེན་སྟེང་སྤྱི་ཁྱབ་ཧྲུའུ་ཅི་ཅི་ཅིན་ཕིང་གིས་དཀར་མཛེས་ཁུལ་དར་མདོ་གྲོང་ཁྱེར་འགག་པ་གྲོང་གི་དཔལ་ཡོན་ཁྱིམ་ཚང་གི་འཐུས་མི་ནོར་བུ་བཀྲ་ཤིས་ལ་མཇལ་འཕྲད་གནང་།  

        དར་མདོ་གྲོང་ཁྱེར་འགག་པ་གྲོང་གི་དཔལ་ཡོན་ཁྱིམ་ཚང་གི་འཐུས་མི་ནོར་བུ་བཀྲ་ཤིས་ཚང་གི་མི་རབས་གསུམ་དམག་མི་ཡིན་པ་དང་།   ཁོང་གི་ཨ་ཕ་ནོར་བུ་ཁྲང་ཧྲུའུ་1956ལོར་སྡེ་རོང་དང་རྟའུ་རུ་ཇག་འཇོམས་འཐབ་འཛིང་ནང་ཞུགས་མྱོང་ལ། འཐབ་གྲོགས་འགེབས་སྲུང་བྱ་ཆེད་སྟབས་མ་ལེགས་པར་སྐུ་གཤེགས། ཁོང་གི་བུ་བྱམས་པ་མཁས་གྲུབ་ནི་ཕུལ་བྱུང་གི་དམག་མི་ཞིག་ཡིན་ལ། 2013ལོར་ཆེས་མཛེས་པའི་ཁྱིམ་ཚང་ཞེས་པའི་མཚན་སྙན་ཐོབ།།