སྤྱི་ཚེས་21ཉིན་མཁའ་དབྱིངས་ཞེས་པའི་བོད་ལྗོངས་རིག་གནས་ཤུལ་བཞག་གྲངས་འཛིན་སྒྱུ་རྩལ་འགྲེམས་སྟོན་ཐེ་ལེན་གྱི་རྒྱལ་ས་པང་ཁོག་གི་ཕོ་བྲང་བ་ལེའི་ཉོ་ཚོང་ལྟེ་གནས་སུ་སྤེལ་བ་དང་།  དེ་ནི་ཐེ་ལེན་དུ་མཁའ་དབྱིངས་ཀྱི་བོད་ལྗོངས་ཞེས་པའི་རིག་གནས་ཤུལ་བཞག་གྲངས་འཛིན་སྒྱུ་རྩལ་འགྲེམས་སྟོན་བྱེད་ཐེངས་ཐོག་མ་དེ་ཡིན་པ་དང་།  འགྲེམས་སྟོན་གྱི་བརྗོད་གཞི་གཙོ་བོ་ནི་མཁའ་དབྱིངས་ཀྱི་བོད་ལྗོངས། མི་ཡུལ་གྱི་གནས་མཆོག་ཞེས་པ་དེ་ཡིན་ཞིང་།  དེང་རབས་ཀྱི་གྲངས་འཛིན་ལག་རྩལ་དང་ཟུང་བྲེལ་ཐོག་བོད་ལྗོངས་ཀྱི་ཕུན་སུམ་ཚོགས་པའི་ཁྱད་ལྡན་རིག་གནས་ཡུལ་སྐོར་གྱི་ནུས་ཁུངས་ཐེ་ལེན་གྱི་མི་དམངས་ཚོའི་མིག་ལམ་དུ་ཕུལ་ཡོད།

        ཐེ་ལེན་དུ་བཅའ་སྡོད་ཀྲུང་གོའི་གཞུང་ཚབ་ཆེ་མོ་ཉིང་ཧྥུའུ་གུལ་གྱིས་འགོ་ཚུགས་མཛད་སྒོའི་ཐོག་ཤིས་ཚིག་སྒྲོན་སྐབས།  ཀྲུང་གོ་སྲིད་གཞུང་གིས་བོད་ཀྱི་དཔལ་འབྱོར་གོང་འཕེལ་དང་རིག་གནས་སྲུང་སྐྱོབ།  ཆོས་ལུགས་རྒྱུན་འཛིན་བཅས་ལ་མཐོང་ཆེན་པོ་བྱེད་ཀྱིན་ཡོད། ཐེ་ལེན་མང་ཚོགས་དང་རྒྱལ་ཁབ་ཁག་གི་མང་ཚོགས་ཀྱིས་བོད་དུ་ཡུལ་སྐོར་རྟོག་ཞིབ་དང་དངོས་ཡོད་ཀྱི་བོད་ལྗོངས་ཤེས་རྟོགས་གནང་བར་ཕེབས་རྒྱུའི་ཐུགས་རེ་གནང་བ་རེད།།