སྤྱི་ཟླ་12པའི་ཚེས་23ཉིན།  ཀྲུང་གུང་ཀྲུང་དབྱང་ཆབ་སྲིད་ཅུས་ཀྱིས་རྒྱུན་ལས་ཨུ་ཡོན། རྒྱལ་སྲིད་སྤྱི་ཁྱབ་ཁང་གི་ཙུང་ལི་ལི་ཁེ་ཆང་གིས་འགོ་འཛིན་མཛད་དེ《ནུབ་རྒྱུད་གསར་སྤེལ་ཆེན་མོའི་ལོ་ལྔའི་འཆར་གཞི་བཅུ་གསུམ་པ》ལ་གྲོས་ཞིབ་བྱས་ནས་གྲོས་འཆམ་བྱུང་།
        ལི་ཁི་ཆང་གིས་བསྟན་དོན། ནུབ་རྒྱུད་ས་ཁུལ་ནི་འབྱོར་འབྲིང་སྤྱི་ཚོགས་ཁྱོན་ཡོངས་ནས་འགྲུབ་པར་བྱེད་པའི་གནད་ས་གཙོ་བོ་ཡིན་པ་དང་རང་རྒྱལ་འཕེལ་རྒྱས་ཀྱི་ས་ཁུལ་གཙོ་བོ་ཞིག་ཀྱང་ཡིན། ནུབ་རྒྱུད་འཕེལ་རྒྱས་སུ་གཏོང་བ་ནི་རྒྱལ་ཡོངས་ཆ་སྙོམས་འཕེལ་རྒྱས་ཆུ་ཚད་མཐོར་འདེགས་སུ་གཏོང་བའི་སྦས་ཤུགས་ཆེན་པོ་ཞིག་ཡིན། ལོ་ངོ་བཅོ་ལྔའི་རིང་ལ་ནུབ་རྒྱུད་གསར་སྤེལ་ཆེན་པོ་ལ་གཡུར་དུ་ཟ་བའི་གྲུབ་འབྲས་བླངས། ལོ་ལྔའི་འཆར་གཞི་བཅུ་གསུམ་པའི་སྐབས་སུ་ནུབ་རྒྱུད་ས་ཁུལ་བསྒྱུར་བཀོད་རིམ་འཕར་གྱི་གནད་འགག་དུས་རིམ་དུ་ཐོན་འདུག་པས། བློ་མཐུན་ཞི་ཅིན་ཕིང་གིས་སྲོག་ཤིང་གནང་བའི་ཏང་ཀྲུང་དབྱང་གི་ཡང་དག་པའི་འགོ་ཁྲིད་འོག འཕེལ་རྒྱས་ཀྱི་འདུ་ཤེས་གསར་པ་ལག་བསྟར་དང་དོན་འཁྱོལ་བཟང་བོ་བྱེད་པ་དང་། འདོན་སྤྲོད་ལོགས་ཀྱི་སྒྲིག་གཞི་རང་བཞིན་གྱི་བཅོས་སྒྱུར་གཙོ་བོར་བཟུང་སྟེ་འོས་འཚམ་སྒོ་སྤྱིའི་དགོས་མཁོ་རྒྱ་བསྐྱེད་པ་དང་རྒྱུན་མཐུད་སྒོས་ནུབ་རྒྱུད་གསར་སྤེལ་ཆེན་མོའི་འཐབ་ཇུས་ལག་བསྟར་བཟང་བོ་བྱ་དགོས་ལ། རྒྱུད་གཅིག་ལམ་ལུགས་དང་འབྲུ་ཆུའི་དཔལ་འབྱོར་ས་ཁུལ་སོགས་གཅིག་གྱུར་སྒོས་སྦྲེལ་མཐུད་བྱེད་པར་ཤུགས་སྣོན་བྱས་ཏེ་ནུབ་ཕྱོགས་ས་ཁུལ་རྒྱུན་མཐུད་དང་བདེ་བླག་ངང་འཕེལ་རྒྱས་སུ་འགྲོ་བར་སྐུལ་འདེད་གཏང་དགོས་ཞེས་བསྟན།།