རང་རེའི་ཞིང་ཆེན་དང་ཧྭ་བེ་ལག་རྩལ་ཚད་ཡོད་ཀུང་སི་གཉིས་ཀྱིས་འཐབ་ཇུས་མཉམ་ལས་བྱེད་པའི་གྲོས་མཐུན་ཡི་གེར་མིང་རྟགས་བཀོད།
ཚེ་བརྟན་སྒྲོལ་མས་བསྒྱུར། རྩོམ་སྒྲིག་པ།ཚེ་དཔལ། ཡོང་ཁུངས།གངས་ལྗོངས་ཉི་གཞོན་དྲ་བ། སྤེལ་དུས། 01-04
སྤྱི་ཟླ་1པོའི་ཚེས་3ཉིན་གྱི་ཕྱི་དྲོར། ཞིང་ཆེན་སྲིད་གཞུང་དང་ཧྭ་བེ་ལག་རྩལ་ཚད་ཡོད་ཀུང་སི་གཉིས་ཀྱིས་ཁྲེན་ཏུའུ་རུ་འཐབ་ཇུས་མཉམ་ལས་ཀྱི་གྲོས་མཐུན་ཡི་གེར་མིང་རྟགས་བཀོད།ཞིང་ཆེན་ཏང་ཨུའི་ཧྲུའུ་ཅི་ཝང་ཏུང་མིང་དང་ཧྭ་བེ་ལག་རྩལ་ཚད་ཡོད་ཀུང་སིའི་སྤྱི་ཁྱབ་འགོ་འཛིན་རིན་ཀྲེན་ཧྥེ་གཉིས་མིང་རྟགས་འགོད་པའི་མཛད་སྒོའི་ཐོག་ཏུ་ཞུགས། མིང་རྟགས་བཀོད་པའི་མཛད་སྒོ་མ་བསྡུས་པའི་སྔོན་དུ། ཝང་ཏུང་མིང་གིས་རིན་ཀྲེན་ཧྥེ་དང་ལྷན་ཕེབས་རྣམས་ལ་མཇལ་འཕྲད་གནང་། ཕྱོགས་གཉིས་ཀྱིས་སི་ཁྲོན་གྱི་གློག་རྡུལ་ཆ་འཕྲིན་ཐོན་ལས་འཕེལ་རྒྱས་ཀྱི་རྨང་གཞི་དང་འཕེལ་རྒྱས་ཀྱི་ཆ་རྐྱེན། འཕེལ་རྒྱས་ཀྱི་མདུན་ལྗོངས་བཅས་ལ་དམིགས་ནས་ཕན་ཚུན་ལ་བསམ་ཚུལ་བརྗེ་རེས་གནང་བ་རེད།།
