ང་ཚོས་གསུང་རབ་ཆེན་མོ་《བསྟན་འགྱུར》པར་ཤིང་དུ་བརྐོས་པའི་ལས་དོན་མགྱོགས་སུ་བཏང་སྟེ་སང་ལོ་ཁྱོན་ཡོངས་ནས་བརྐོས་ཚར་བའི་བརྩོན་ལེན་བྱ་རྒྱུ་ཡིན་ཞེས་ནང་བསྟན་མཐུན་ཚོགས་བོད་ལྗོངས་ཡན་ལག་མཐུན་ཚོགས་ཀྱི་ཚོགས་གཙོ་སྒྲུབ་ཁང་ཐུབ་བསྟན་མཁས་གྲུབ་ཀྱིས་བཤད།

ངོ་སྤྲོད་ལ་གཞིགས་ན། གསུང་རབ་ཆེན་མོ་《བསྟན་འགྱུར》པར་ཤིང་དུ་བརྐོས་པའི་ལས་དོན་ནང་།      གསུང་རབ་པོད་225དང་འབྲེལ་བ་ཡོད་པ་དང་སྔོན་དཔག་ལྟར་ན་པར་ཤིང་76460བརྐོས་བཟོ་བྱེད་དགོས་ཀྱི་ཡོད་ཅིང་།མིག་སྔར་བརྐོས་བཟོ་བྱ་རྒྱུའི་པར་ཤིང་4300ལས་ལྷག་མེད། གསུང་རབ་ལྷག་མའི་ཁྲོད་ཁག་གཅིག་གི་ཡི་གེ་ཅུང་ཆུང་བའི་རྐྱེན་གྱིས་བརྐོས་བཟོ་བྱེད་ཁག་པོ་ཡོད་པས་བརྐོས་བཟོ་བའི་མྱུར་ཚད་འགོར་དུ་ཕྱིན་ཡོད། འོན་ཀྱང་སང་ལོའི་ནང་ཁོངས་སུ་ཆ་ཚང་བརྐོས་བཟོ་ཐུབ་རེ་ཡོད།

ཤེས་རྟོགས་བྱུང་བར་གཞིགས་ན།བརྐོས་བཟོ་བྱེད་བཞིན་པའི་བསྟན་འགྱུར་ནི་གཙོ་བོ་སྣར་ཐང་པར་མའི་བསྟན་འགྱུར་ཡིན་པ་རེད།ནང་བསྟན་མཐུན་ཚོགས་བོད་ལྗོངས་ཡན་ལག་མཐུན་ཚོགས་ཀྱི་ཚོགས་གཙོ་གཞོན་པ་སྟག་བྲག་བསྟན་འཛིན་དགེ་ལེགས་ཀྱིས། ཉེ་བའི་ལོ་ལྔའི་ནང་ཚུན་དུ་བོད་ཀྱིས་གསུང་རབ་ཆེན་མོ་《བསྟན་འགྱུར》པར་ཤིང་དུ་བརྐོས་པའི་ལས་དོན་སྤེལ་ཤུགས་ཆེ་རུ་བཏང་བ་དང་། དེ་དང་ཆབས་ཅིག་《བཀའ་འགྱུར》གྱི་པར་བརྐོས་སྤུས་ཚད་མཐོ་རུ་བཏང་བས་གསུང་རབ་ལ་སྲུང་སྐྱོབ་ནུས་ལྡན་ཐུབ་པའི་འགན་ལེན་ཏན་ཏིག་བྱས་ཡོད་ལ་དད་ལྡན་མང་ཚོགས་ཀྱི་དགོས་མཁོའང་བསྐངས་ཐུབ་ཡོད་ཅེས་གསུངས།།