སྤྱི་ཟླ་3པའི་ཚེས་28ཉིན། རང་རྒྱལ་གྱི་ཆེས་ཐོག་མིའི་རང་འགུལ་ངང་བོད་ཇ་ཐོན་སྐྱེས་བྱེད་པའི་ལག་རྩལ་གཡག་རྔ་གྲོང་ཁྱེར་ཏུ་དངོས་སུ་སྤྱོད་འགོ་ཚུགས། འདི་ནི་གཡག་རྔའི་བོད་ཇའི་ལས་རིགས་གཞི་ཁྱོན་ཇེ་ཆེ་དང་ཚད་ལྡན་ཅན་དུ་འགྱུར་པའི་རྟགས་ཤིག་ཡིན་པར་མ་ཟད། ད་དུང་གཡག་རྔའི་བོད་ཇ་ཁྱབ་བསྒྲགས་གཏང་ཆེད་དང་རྒྱུ་སྤུས་ཇེ་ལེགས་སུ་འགྱུར་པར་རོགས་རམ་གྱི་ཕན་ནུས་ལྡན་པ་རེད། 

        བོད་ཇའི་རིག་གནས་ཕུན་སུམ་ཚོགས་པ་ལྡན་པའི་གཡག་རྔར་མིག་སྔར་བོད་ཇ་ཐོན་སྐྱེད་ཁེ་ལས་8ཡོད་ལ། ལོ་རེར་རྒྱལ་ཁབ་ཀྱི་འཐབ་ཇུས་གསོག་འཇོག་ཁྲོད་ལེགས་འགྲུབ་བྱུང་བའི་ཇ་ཏུའུ་1800དང་ཇའི་རྒྱུ་ཆ་ཏུའུ་12700གསོག་འཇོག་བྱས་ཡོད་པ་རེད།  ཐོན་སྐྱེད་ཇུས་འགོད་པས་ངོ་སྤྲོད་བྱས་པར་ལྟར་ན།  ཐོན་སྐྱེད་ཁང་འདི་ལ་རྒྱ་ཁྱོན་གྲུ་བཞི་སྨི་5000དང་མ་དངུལ་ཁྱོན་བསྡོམས་ཁྲི་2000ལྷག་ཡོད་པ་རེད། ཐོན་སྐྱེད་ཁང་འདི་དང་ལག་ཤེས་པ་10ཡིས་ལོ་གཅིག་ནང་བོད་ཇ་ཏུའུ་500ཐོན་སྐྱེད་བྱེད་ཐུབ་ལ་སྔོན་དང་བསྡུར་ན་ལས་ཆོད་ལྡབ་3ལྷག་མཐོར་འདེགས་བྱུང་ཡོད་པ་རེད།།