སྤྱི་ལོ ༢༠༡༥ ལོའི་ཟླ ༤ པའི་ཚེས ༢༥ ཉིན་ནེ་པ་ལར་ས་ཡོམ་རིམ་པ ༨.༡ བྱུང་བ་དང་།  རང་ལྗོངས་ཀྱི་རྫོང་མང་པོར་ཡོམ་འགུལ་དྲག་པོ་ཐེབས་པའི་ཁྲོད་གཉའ་ལམ་རྫོང་ནི་གནོད་འཚེ་ཕོག་ཆེ་ཤོས་གྲས་ཡིན།  གསར་འགོད་པས་ཉེ་ལམ་གཉའ་ལམ་རྫོང་ནས་ཤེས་རྟོགས་བྱུང་བ་ལྟར་ན།  རྫོང་དེས་གནོད་འཚེ་ཕོག་རྗེས་མང་ཚོགས་ཀྱི་སྡོད་ཁང་བསྐྱར་སྐྲུན་དང་།  གྲོང་ཚོ་ཡོངས་སྐུལ་འདེད་བཏང་བ།  ཁྱད་ལྡན་གྲོང་རྡལ་ཆུང་གྲས་འཛུགས་སྐྲུན་བྱེད་པ་སོགས་ཐབས་ལམ་གཙོ་བོར་བཞག་པས།  ད་ལྟའི་ཆར་མང་ཚོགས་ཀྱི་སྡོད་ཁང་བསྐྱར་སྐྲུན་སྤྱིའི་ཆ་ནས་ལེགས་པར་གྲུབ་ཡོད།།