རྒྱལ་བ་རིགས་དྲུག་གི་ལྡེབས་རིས།
ན་ནིང་ལོའི་ལོ་འགོ་རུ་སྡེ་དགེའི་འགུ་ཟི་དགོན་གྱི་ལྷ་ཁང་རྙིང་པ་ཞིག་གི་ཐོག་བརྡིབས་ནས་ནང་གི་ལྡེབས་རིས་རྙིང་པ་མང་པོ་ཞིག་ཕྱིར་མངོན། ལྷ་ཁང་དེ་ད་ལྟའི་འདུ་ཁང་གི་གཙོ་ཁང་ལྟ་བུ་གྱུར་ནས་ཡུན་རིང་སྤྱོད་མ་མྱངས་ཤིང་། ནང་དུ་གློག་ཀྱང་མེད་པས་མི་མང་པོ་ཞིག་གིས་དེའི་ནང་ལྡེབས་རིས་རྩ་ཆེན་ཡོད་པ་ཤེས་ཚོར་བྱུང་མེད།
འབྲེལ་ཡོད་ཆེད་མཁས་པ་ཚོས་བརྟག་དཔྱད་བྱས་པ་ལྟར་ན། ལྡེབས་རིས་དེ་དག་ནི་དུས་རབས་བཅུ་བཞི་པ་ནས་བཅོ་ལྔ་པ་ཙམ་གྱི་རི་མོ་ཡིན་པའི་ངོས་འཛིན་བྱེད་བཞིན་ཡོད་པ་དང་། ས་གནས་རང་གི་མཁས་དབང་ཁ་ཤས་ཀྱིས་ལོ་རྒྱུས་དེ་ལས་རིང་བའི་ངོས་འཛིན་གནང་བཞིན་ཡོད།
རྣམ་པར་སྣང་མཛད་གྱི་ལྡེབས་རིས།
དོན་ཡོད་གྲུབ་པའི་ལྡེབས་རིས། མི་སྐྱོད་པའི་ལྡེབས་རིས།
འགྲོ་མགོན་ཆོས་རྒྱལ་འཕགས་པའི་ལྡེབས་རིས།
