མིག་སྔར། ཕྱག་ཕྲེང་རྫོང་གིས“བྱེད་ཐབས་གསུམ”གྱི་ངོས་ནས་ནན་ཏན་སྒོས་གྲོང་སྡེའི་རིག་གནས་དམངས་ཕན་གྱི་ལས་ཀར་སྐུལ་འདེད་བཏང་། 
        རྨང་གཞི་སྒྲིག་བཀོད་འཛུགས་སྐྲུན་བྱེད་ཤུགས་ཆེ་རུ་བཏང་བ་སྟེ།  གྲོང་པ་གཅིག་ལ་ཁང་པ་གཅིག དཔེ་ཀློག་ས་ཚིགས་གཅིག་དང་ལུས་རྩལ་ཐང་གཅིག་གི་ཚད་གཞི་གཞིར་བཟུང་ནས་མང་ཚོགས་ཀྱི་རིག་གནས་བྱེད་སྒོ་སྤེལ་ཡུལ་རྒྱ་སྐྱེད་པ་དང་ཤུགས་ཆེན་པོས་རླུང་འཕྲིན་དང་གློག་བརྙན་གྱི་དམངས་ཕན་ལས་གྲྭ་འཛུགས་སྐྲུན་བྱས། 
        རིག་གནས་ས་ཚིགས་ཀྱི་ནུས་པ་བེད་སྤྱོད་བྱས་པ་སྟེ། གྲོང་སྡེ་རིག་གནས་ས་ཚིགས་ཀྱི་ཕྱོགས་བསྡུས་ནུས་པ་མཐོར་འདེགས་སུ་བཏང་ཞིང་དུས་ལྟར་ཞིང་འབྲོག་མང་ཚོགས་ཀྱི་ལས་ཞུགས་ལ་སྐུལ་འདེད་དང་ཏང་ཡོན་སློབ་གསོ། རིག་རྩལ་འགྲན་བསྡུར། ཀུན་ཕན་གློག་བརྙན་གཏོང་བ་སོགས་ཀྱི་སྤྱི་པའི་ཞབས་ཞུའི་བྱེད་སྒོ་མང་པོ་སྤེལ། 
        དངོས་མིན་ཤུལ་བཞག་རིག་གནས་ཀྱི་དམངས་ཕན་བྱ་ཐབས་གསར་པར་འཚོལ་ཞིབ་བྱས་པ་སྟེ། ལུགས་མཐུན་སྒོས་གསར་སྤེལ་བྱས་པ་དང་གོ་རིམ་ལྡན་པའི་སྒོས་ལས་དོན་བསྒྲུབས་པར་སྐུལ་འདེད་བཏང་ནས། རྒྱུན་འཛིན་པ།+ མཉམ་ལས་ཁང་།+ ཀུང་སིའི་ཐབས་ཤེས་སྤྱོད་ནས། འཇིམ་སྐུ་དང་རི་མོ། འབུར་རྐོས་སོགས་ཀྱི་ལས་རིགས་ཚོགས་པ་བཙུགས་ཏེ། ཐང་ག་དང་གྱོན་གོས་སོགས་ཀྱི་དངོས་མིན་ཤུལ་བཞག་ཐོན་ལས་ལྔ་གསར་སྤེལ་དང་དམངས་ཁྲོད་ཀྱི་ལག་རྩལ་པ་50ལྷག་སྐྱེད་སྲིང་བྱས་ནས་རིག་གནས་དམངས་ཕན་གྱི་བརྒྱུད་ལམ་རྒྱ་བསྐྱེད་པ་རེད། །