དཀར་མཛེས་ཁུལ་དམངས་ཆེན་རྒྱུན་ལས་ཨུ་ཡོན་ལྷན་ཁང་གིས་ཞིང་ཆེན་ཏང་གི་འཐུས་མི་ཚོགས་ཆེན་ཐེངས་བཅུ་གཅིག་པའི་དགོངས་དོན་བརྒྱུད་སྒྲོག་དང་སློབ་སྦྱོང་ལག་བསྟར་བྱས།
ཚེ་འཛིན་སྒྲོལ་དཀར་གྱིས་བསྒྱུར། རྩོམ་སྒྲིག་པ།ཚེ་དཔལ། ཡོང་ཁུངས།ངེད་དྲ་བ། སྤེལ་དུས། 06-09
སྤྱི་ཟླ་6པའི་ཚེས་6ཉིན། དཀར་མཛེས་ཁུལ་དམངས་ཆེན་རྒྱུན་ལས་ཨུ་ཡོན་ལྷན་ཁང་གིས་ཆེད་དོན་སློབ་སྦྱོང་ཚོགས་འདུ་འཚོགས་ཏེ་ཞིང་ཆེན་ཏང་གི་འཐུས་མི་ཚོགས་ཆེན་ཐེངས་བཅུ་གཅིག་པའི་དགོངས་དོན་བརྒྱུད་སྒྲོག་དང་སློབ་སྦྱོང་ལག་བསྟར་བྱས། དཀར་མཛེས་ཁུལ་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རེན་ལི་ཁང་གིས་ཚོགས་འདུ་གཙོ་སྐྱོང་གནང་བར་མ་ཟད་གསུང་བཤད་གནང་།
དཀར་མཛེས་ཁུལ་དམངས་ཆེན་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་ཏང་ཙུའུ། རྒྱུན་ལས་ཨུ་ཡོན་ལྷན་ཁང་གཞུང་དོན་ཁང་གི་ཏང་ཙུའུ་བཅས་ཀྱི་ལས་བྱེད་པ་ཡོངས་དང་ལས་ཁུངས་ཀྱི་ལས་བྱེད་པ་ཡོངས་སློབ་སྦྱོང་ལ་ཟབ་ཞུགས་བྱས།
ཚོགས་འདུའི་ཐོག་ཞིང་ཆེན་ཏང་གི་འཐུས་མི་ཚོགས་ཆེན་སྐབས་བཅུ་གཅིག་པའི་ཚོགས་ཆེན་གྱི་བརྙན་གཟུགས་ལ་བལྟས་ཤིང་། ཡིག་ངོས་ནས་ཧྲུའུ་ཅི་ཝང་ཏུའུ་མིང་གིས་སི་ཁྲོན་ཞིང་ཆེན་གྱི་ཏང་གི་འཐུས་མི་ཚོགས་ཆེན་སྐབས་བཅུ་གཅིག་པའི་སྙན་ཞུ་ལ་སློབ་སྦྱོང་བྱས།
ལི་ཁང་གིས་ཁུལ་ཡོངས་ཀྱི་གོང་འོག་ཚང་མས་ཀྲུང་དབྱང་ལ་མིག་ལྟོས་དང་ཞིང་ཆེན་གྱི་བཀོད་སྒྲིག་ལ་དཔེ་བསྡུར་བྱེད་པ་དང་། ཞིང་ཆེན་ཏང་གི་འཐུས་མི་ཚོགས་ཆེན་གྱི་དགོངས་དོན་གྱིས་ངོས་འཛིན་གཅིག་གྱུར་ཡོང་བ་དང་ལས་ཀར་སྤྱི་འདོམས་བྱ་དགོས། གཅིག་ནི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གལ་ཆེའི་གསུང་བཤད་རབ་དང་རིམ་པའི་དགོངས་དོན་དང་། རྒྱལ་སྐྱོང་སྲིད་འཛིན་གྱི་འདུ་ཤེས་གསར་པ་དང་བསམ་བློ་གསར་པ། འཐབ་ཇུས་གསར་པ་བཅས་ཀྱིས་སྤྱི་འདོམས་བྱས་ཏེ་ཐོག་མཐའ་བར་གསུམ་དུ་བརྟན་ཁྲོད་ཡར་འཕེལ་གྱི་སྤྱི་ཡོངས་ཀྱི་དགོངས་གཞི་རྒྱུན་འཁྱོངས་བྱས་ནས་རྒྱལ་ཡོངས་དང་ཞིང་ཆེན་ཡོངས་དང་དུས་མཉམ་དུ་ཁྱོན་ཡོངས་ནས་འབྱོར་འབྲིང་སྤྱི་ཚོགས་བསྐྲུན་ཐུབ་པར་ཁག་ཐེག་བྱ་དགོས། གཉིས་ནི་མཁོ་སྤྲོད་ཕྱོགས་ཀྱི་གྲུབ་ཚུལ་རང་བཞིན་གྱི་བཅོས་བསྒྱུར་ལ་སྐུལ་འདེད་གཏང་རྒྱུ་གཙོ་བོར་བཟུང་ནས་འཕེལ་རྒྱས་ཀྱི་སྒུལ་ཤུགས་གསར་པ་གསོ་སྐྱོང་བྱ་དགོས། གསུམ་ནི་བཅོས་བསྒྱུར་འཕེལ་རྒྱས་ཀྱིས་སྒུལ་ཤུགས་བྱས་ཏེ་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་ལེགས་ཆ་གསར་པ་ཆགས་སུ་འཇུག་དགོས། བཞི་ནི་དབུལ་སེལ་འགག་སྒྲོལ་དེ་དོན་ཆེན་ཨང་དང་པོར་བརྩིས་ནས་རྒྱུན་མཐུད་དུ་དམངས་འཚོ་ལེགས་བཅོས་བྱ་དགོས། ལྔ་ནི་སྐྱེ་ཁམས་དཔལ་ཡོན་འཛུགས་སྐྱོང་ནན་འཛིན་བྱས་ཏེ་སྲ་བརྟན་འགྱུར་མེད་ཀྱིས་སྐྱེ་ཁམས་དམིགས་སུ་བཀར་ནས་ལྗང་མདོག་འཕེལ་རྒྱས་ལ་སྐུལ་འདེད་གཏང་དགོས། དྲུག་ནི་འདུ་ཤེས་འཛིན་སྟངས་ཀྱི་ཁྱབ་ཁོངས་བདེ་འཇགས་འཚོ་སྲུང་བྱ་རྒྱུ་འགག་རྩར་བཟུང་ནས་བསམ་པའི་དཔལ་ཡོན་འཛུགས་སྐྱོང་ལ་ཤུགས་སྣོན་བྱ་དགོས། བདུན་ནི་ཁྱོན་ཡོངས་ནས་བཅའ་ཁྲིམས་ལྟར་ཁུལ་སྐྱོང་བྱེད་པར་སྐུལ་འདེད་གཏང་རྒྱུ་གཞི་རྩར་བཟུང་ནས་ཤུགས་ཆེན་པོས་བོད་ཁུལ་བཅོས་སྐྱོང་གི་མ་ལག་དང་བཅོས་སྐྱོང་ནུས་པའི་དེང་རབས་ཅན་ལ་སྐུལ་འདེད་གཏང་དགོས། བརྒྱད་ནི་ཁྱོན་ཡོངས་ནས་ཏང་ནན་སྐྱོང་བྱ་རྒྱུ་འགན་ལེན་བྱས་ཏེ་རྒྱུན་ཆད་མེད་པར་ཏང་གི་བོད་ཁུལ་གྱི་སྲིད་འཛིན་རྨང་གཞི་སྲ་བརྟན་དུ་གཏང་དགོས་ཞེས་བསྟན།།
དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས། 蜀ICP备14009601号-1
