ལྗང་སྨྱུག

མི་རྟག་འཇའ་འཕྲུལ་ལག་པས་རེག་བཞིན་དུ།
ཚེ་ཡི་དར་ལྕོག་རླུང་གིས་སྤུར་བའི་ངང་།།
འཛུམ་ཁྲོའི་རི་མོ་ཐང་ལ་བཀོད་པ་འདི།།
སྤྱི་ཚོགས་སྐྱ་བོ་ཡིན་པའི་མཚན་ཉིད་ཡིན།།
དྲུང་དུ་མཇལ་ན་འཛུམ་གྱི་མེ་ཏོག་བདོག །
རྒྱབ་ཏུ་ཡིབ་ན་དུག་གི་མདའ་མོ་འཕེན།།
ཁ་དོག་སྣ་ཁ་མང་བའི་གྲུབ་ཚུལ་འདི།།
མྱི་སེམས་ཡོས་ཁྲ་ཡིན་པའི་གཤིས་ལུགས་ཡིན།།
སྒྱུ་མའི་རྟ་གླང་འོག་ཏུ་ཞོན་བཞིན་དུ།།
འདུས་བྱས་ཟིལ་བས་གཤོག་འགྱུར་བརྡེབས་ཀྱིན་དུ།།
སྐྱིད་སྡུག་ངེས་མེད་རྒོ་བའི་རྭ་ཁ་ལ།།
ངེས་མེད་བདེ་སྡུག་གཉིས་ཀྱི་རི་མོ་བཀོད།།