མི་ཉག་མགར་ཐར་གྱི་དབྱར་ཆོས་ཆེན་མོ། དཀོན་མཆོག་རྡོ་རྗེས་པར་བླངས།
མི་ཉག་མགར་ཐར་ནི་ཆོས་རྒྱུད་སྣ་ཚོགས་དར་ཞིང་རིས་མེད་ཀྱི་ཡུལ་གྲུ་ཞིག་ཡིན་ལ་ཆོས་རྒྱུད་སོ་སོའི་སྐྱེས་ཆེན་རྣམས་ཀྱིས་འཕྲལ་ཡུན་བདེ་བའི་ལམ་ལ་འཇུག་པ་སོགས་རྣམ་དཀར་གྱི་མཛད་འཕྲིན་བསྐྱངས་མྱངས། གཡུང་དྲུང་བོན་གྱི་དགོན་པ་དམ་པ་རང་གྲོལ་ཞེས་བོན་གྱི་བླ་ཆེན་དམ་པ་རང་གྲོལ་གྱིས་བཞེངས་པ་ཞིག་དང་། ལའུ་ཐང་དང་སྐུ་ནུབ། ར་ཤལ། སྐྱིད་སྣང་སོགས་རྙིང་མའི་བརྒྱུད་འཛིན་གྱི་དགོན་ཁག་དུ་མ་དང་། དཔལ་ས་སྐྱའི་རྒྱུད་འཛིན་པ་ས་མཁར་དགོན།
འབག་འཆམ། དཀོན་མཆོག་རྡོ་རྗེས་པར་བླངས།
དགེ་ལུགས་པའི་ཆོས་རྒྱུད་རྒྱུད་འཛིན་པ་ཀ་བཞི་ཆགས་དགོན་པ་དང་རྒྱལ་མཆོག་བསྐལ་བཟང་རྒྱ་མཚོས་ཕྱག་བཏབ་པའི་མགར་ཐར་བྱམས་པ་གླིང་བཅས་ཡོད་དོ། །གནས་འདིར་འཁྲུངས་པའི་སྐྱེས་ཆེན་དམ་པ་ཡང་མང་སྟེ། ལོ་ཙཱ་བ་ཆེན་མོ་ཙ་མི་སངས་རྒྱས་གྲགས།དུས་རབས་བཅུ་གཅིག་པར་བྱོན་པའི་ལོ་ཙཱ་བ་གྱི་ལྗང་དབུ་དཀར་བ། བོན་གྱི་མཁས་ཆེན་དམ་པ་རང་གྲོལ། དགའ་ལྡན་ཁྲི་ཐོག་བཅུ་བདུན་པ་མི་ཉག་རྡོ་རྗེ་བཟང་པོ། དགའ་ལྡན་ཁྲི་ཐོག་གྱ་གཉིས་པ་ཁྲི་ཆེན་ཡེ་ཤེས་ཆོས་འཕེལ་མཆོག་འདི་ནས་འཁྲུངས་ཀྱང་ཆུང་དུས་དར་རྩེ་མདོ་དང་དེ་ནས་དབུས་སུ་ཕེབས་པར་ཡང་བཤད་སྲོལ་ཡོད། རྒྱལ་མཆོག་སྐུ་ཕྲེང་བཅུ་གཅིག་པ་མཁས་གྲུབ་རྒྱ་མཚོ། སྐུ་བཅར་མཁན་པོ་བློ་བཟང་བསྟན་པ་རབ་རྒྱས། སྐྱབས་རྗེ་སྐལ་བཟང་ཡོན་ཏན། ཕྱིས་ཀྱི་མི་ཉག་མཁས་པ་མི་དྲུག་ཏུ་གྲགས་པའི་བཞི་པ་མཁན་སྤྲུལ་བློ་བཟང་སྐལ་ལྡན། ཚོགས་ཤུལ་ནོར་བུ་བསྟན་འཛིན། རྫོགས་ཆེན་མཁན་པོ་མི་ཉག་ཨ་སྨོན། ཉན་ཤུལ་བླ་མ་རྒྱལ་ཁོ་དང་མཁྱེན་རབ་འོད་གསལ། འཇམ་དབྱངས་གྲགས་པ་སོགས་ཉན་ཤུལ་ཁྱིམ་རྒྱུད་ཀྱི་མཁས་དབང་རིམ་བྱོན། ཀེའུ་ཚང་སྐུ་ཕྲེང་གསུམ་པ་ཐུབ་བསྟན་དཔལ་ལྡན་དགེ་ལེགས་རྣམ་རྒྱལ་སོགས་མཁས་གྲུབ་གཉིས་ལྡན་གྱི་སྐྱེས་བུ་དམ་པ་མང་པོ་འཁྲུངས་མྱངས། །
དབྱར་ཆོས་ཆེན་མོའི་སེར་ཕྲེང་། དཀོན་མཆོག་རྡོ་རྗེས་པར་བླངས།
དབྱར་ཆོས་ཆེན་མོའི་སྟེང་གི་གྲྭ་པ་བརྙན་ལེན་པ། དཀོན་མཆོག་རྡོ་རྗེས་པར་བླངས།
