རོང་བྲག་རྫོང་དུ་ལོ་20རིང་བྱུང་མ་མྱོང་བའི་ཆུ་ལོག་བྱུང་ནས་རྫོང་ཡོངས་ཀྱི་གྲོང་སྡེ་181ལ་ཆུ་ལོག་དང་འདམ་རུད་སོགས་ཀྱི་གནོད་སྐྱོན་ཐེབས་པ་རེད། ཉེ་བའི་ཟླ་གཅིག་རིང་ལ་མུ་མཐུད་དུ་དྲག་ཆར་བབས་པའི་རྐྱེན་གྱིས་རོང་བྲག་རྫོང་གི་སྲིད་འཛིན་གྲོང་སྡེ་181ལ་འདམ་རྡོའི་ཆུ་རུད་དང་རི་ཉིལ་བ་སོགས་ཀྱི་ས་གཤིས་ཀྱི་གནོད་སྐྱོན་ཐེབས་པས།  རྫོང་ཡོངས་ཀྱི་ཏང་ཡོན་ལས་བྱེད་པ་4664དང་ཞིང་འབྲོག་དམངས་ཏང་ཡོན་2600ལྷག་ཙམ་གནོད་འགོག་ཉེན་སེལ་གྱི་ལས་ཀ་ནང་ཞུགས་ནས་མི་སེར་ཉེན་མེད་བདེ་འཇགས་ཡོང་བར་ཁག་ཐེག་བྱས། མི་སེར་བཀོད་སྒྲིག་བྱ་ཡུལ་ཡིན་ནའང་འདྲ། གནོད་འགོག་ཉེན་སེལ་གྱི་ལས་གྲྭ་དང་པོ་ཡིན་ནའང་འདྲ། ཏང་ཡོན་ལས་བྱེད་པ་ཚོས་མི་སེར་སྣེ་ཁྲིད་བྱས་ནས་ཐོན་སྐྱེད་རང་སྐྱོབ་དང་གནོད་འགོག་གནོད་སེལ་བྱེད་སའི་ལས་གྲྭ་དང་པོར་མཆོངས་ནས་མི་སེར་གྱི་ཚེ་སྲོག་དང་རྒྱུ་ནོར་མྱུར་སྐྱོབ་བྱས་པ་རེད།