ཉེ་སྔོན། རྔ་ཁུལ་གྱི་ས་ཆ་སོ་སོར་ཁ་བ་ཆེན་པོ་བབས་ནས་གྲང་ངར་ཤུགས་ཀྱིས་ལྡང་བ་དང་། གཞུང་ལམ་རེ་རེ་ཁ་བས་མནན་ནས་འགྲུལ་བཞུད་ཀྱི་ལམ་བུ་བཀག་པ་ན། གྲང་ངར་གདོང་གིས་བསུས་པའི་ཉེན་རྟོག་པ་དང་མེ་གསོད་རུ་ཁག དམག་མི་སོགས་ཀྱིས་ཉིན་མཚན་མེད་པར་ཁ་བ་ཕྱགས་ནས་འགྲུལ་བཞུད་ཀྱི་བཀག་རྡོ་བསལ་ནས། ལམ་འགྲོ་བ་རེ་རེའི་ནང་སེམས་པ་དྲོད་ཀྱིས་བརླན་ནས་རང་ཡུལ་དུ་ལོག་འགྲོ།
རང་ཁུལ་དུ་ཏང་གི་ཚོགས་ཆེན་བཅུ་དགུ་བར་སློབ་སྦྱོང་བྱེད་པའི་ཚ་རླབས་འཕྱུར་བའི་སྒང་འདིར། རྔ་བ་དྲག་དཔུང་ཉེན་རྟོག་ཡན་ལག་རུ་ཁག་གི་དཔོན་དམག་རྣམས་ཀྱིས་མི་དམངས་ལ་ཞབས་ཞུ་བསྒྲུབ་པའི་བསམ་པ་ཡིད་ལ་བཅགས་ནས། ལིས་རྫོང་མྱག་ལོའི་ལམ་རྒྱུད་ཀྱི་ལམ་ཐོག་གི་ཁ་བ་ཕྱགས་ནས་གཞུང་ལམ་ཤར་གཏོང་བྱས།
