གཙོ་ངོས།>> འཕྲོད་བསྟེན།>>བདེ་ཐང་ཤེས་བྱ།

རྩོམ་སྒྲིག་པ།ཡོང་ཁུངས།བོད་ལྗོངས་ཉིན་ཚགས། སྤེལ་དུས། ༢༠༡༩ལོའི་ཟླ་བ་༡༠ཚེས་༡༡ཉིན།

༄༅།། སྨན་ནུས་མི་འདྲ་བར་སྨན་གཏོང་བའི་དུས་ཚོད་ཀྱང་འདྲ་ཡི་མི་འདུག


        ལུས་ཟུངས་གསོ་བའི་སྨན།  ཞོགས་པ་ཁ་ལག་མ་བཟས་གོང་ངམ་དགོང་མོ་ཉལ་ཁར་གཏོང་དགོས། དེ་ལྟར་བཏང་བས། སྨན་གྱི་ནུས་པ་དེ་བས་ལྷག་པ་ཐོན་ཐུབ་ཀྱི་ཡོད།
        ཁྲག་ཤེད་གཅོག་པའི་སྨན། སྨན་དེ་རིགས་སྤྱིར་ན་ཉིན་རེར་ཐེངས་གསུམ་གཏོང་དགོས་མོད། འོན་ཏེ་ཉལ་ཁར་གཏོང་རྒྱུ་མེད།།

        གཉིད་ཁུག་པ་དང་། འཇམ་བཤལ།  ཁོག་པའི་ནང་གི་གཞན་རྟེན་སྲིན་འབུ་གསོད་པ་སོགས་ཀྱི་སྨན།  སྤྱིར་བཏང་བྱས་ན། དགོང་མོ་མ་ཉལ་གོང་གི་ཆུ་ཚོད་ཕྱེད་ཀའི་སྔོན་ལ་གཏོང་དགོས།  ཡིན་ནའང་། སྨན་འགའ་རེ་དཔེར་ན། ནུས་པ་ཧ་ཅང་ཐོན་མགྱོགས་པའི་སྨན་ཏེ་བཤལ་སྨན་ལ་སོགས་ཡིན་ན། ཞོགས་པའི་ཁ་ལག་མ་བཟས་གོང་གཏོང་དགོས།
        འཚོ་བཅུད་གསབ་བྱེད་ཀྱི་སྨན།  སྤྱིར་བཏང་དུ་ཞོགས་ཇ་དང་། དྲོད་ཇ། དགོང་ཇ་འཐུང་བའི་སྐབས་སུ་གཏོང་དགོས། 
 

        ཟས་འཇུ་བའི་སྨན། ལྟོ་ཟས་མ་བཟས་གོང་གི་སྐར་མ་10ཡི་ནང་ཚུན་དུ་གཏོང་དགོས། དེ་ལྟར་བཏང་ན། ཟས་ཀྱི་དང་ག་ལེགས་པར་འབྱེད་ཐུབ་ལ་ཟས་འཇུ་བར་ཡང་ཕན་ཐོགས་ཡོད།

ཤ་ཚའི་དྲན་སྐུལ། 
        འདིར་བརྗོད་པ་ནི། སྤྱིར་བཏང་གི་སྨན་གཏོང་ལུགས་གཏོང་སྟངས་རེད། དེ་ཡང་ནད་པ་སོ་སོའི་གཟུགས་པོ་ཡག་ཉེས་དང་ནད་ཚབས་ཆེ་ཆུང་མི་འདྲ་བའི་དབང་གིས་ཞིབ་ཕྲའི་སྨན་གཏོང་བའི་དུས་ཚོད་ཀྱང་སྐབས་རེ་འདྲ་ཡི་མེད་པས། སྨན་པའི་ཁ་ཏར་ཅིས་ནས་གསན་དགོས་སོ།།

39.7K

ཐག་རག་ཡིག་བསྒྱུར་མ་ལག

དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས།蜀ICP备14009601号-1