གཙོ་ངོས།>> གསར་འགྱུར།>>རྒྱལ་སྤྱི་གསར་འགྱུར།

རྩོམ་སྒྲིག་པ།ཡོང་ཁུངས། སྤེལ་དུས། ༢༠༡༤ལོའི་ཟླ་བ་༡༠ཚེས་༢༩ཉིན།

ཕན་ཅི་ཝུན་གྱིས་ཨེ་པའོ་ལ་རིམས་ནད་ཀྱི་སྨན་བཅོས་མི་སྣ་ཕྱིར་རྒྱལ་ནང་དུ་ལོག་རྗེས་ཚད་བཀག་ཐེབས་པར་ཐུགས་ཁུར་གནང་བཞིན་ཡོད།

           སྤྱི་ཟླ་10པའི་ཚེས་27ཉིན། མཉམ་འབྲེལ་རྒྱལ་ཚོགས་ཀྱི་དྲུང་ཡིག་ཆེན་མོ་ཕན་ཅི་ཝུན་གྱིས་རྒྱལ་ཁབ་དང་ས་ཁུལ་རེ་འགས་ཨེ་པའོ་ལ་རིམས་ནད་བྱུང་ས་ནས་ཕྱིར་ལོག་པའི་མི་སྣ་དང་ཁྱད་པར་དུ་སྨན་བཅོས་མི་སྣར་ལུགས་དང་མི་མཐུན་པའི་ཚད་བཀག་བྱེད་ཐབས་ལག་བསྟར་བྱས་པར་ཐུགས་ཁུར་གནང་བཞིན་ཡོད།

           དྲུང་ཡིག་ཆེན་མོའི་མགྲིན་ཚབ་པ་ཏི་ཡ་ལི་ཁེ་ཡིས། ཉིན་དེར་མཉམ་འབྲེལ་རྒྱལ་ཚོགས་ཀྱི་སྤྱི་ཁྱབ་པུའུ་ནས་ཕན་ཅི་ཝུན་གྱི་གསལ་བསྒྲགས་སྒྲོག་འདོན་བྱས། གསལ་བསྒྲགས་ལས་བཤད་རྒྱུར། ཚད་བཀག་བྱེད་ཐབས་ལག་བསྟར་བྱེད་པ་དེས་ཨེ་པའོ་ལ་རིམས་ནད་ཀྱི་ལས་རྐང་དང་པོར་ཡོད་པའི་སྨན་བཅོས་མི་སྣར་གནོན་ཤུགས་ཆེན་པོ་བཟོས་ཡོད་ཅིང་། བྱ་བ་དེར་ཞུགས་པའི་སྨན་བཅོས་མི་སྣ་ནི་ཕུལ་དུ་བྱུང་བ་ཏག་ཏག་ཡིན་པས་ལུགས་དང་མི་མཐུན་པའི་ཚད་བཀག་དེ་འདྲ་ཐེབས་མི་རུང་ལ། ནད་དུག་འགོས་པའི་སྨན་བཅོས་མི་སྣར་རྒྱབ་སྐྱོར་བྱེད་དགོས་པ་ལས་བརྙས་དམོད་བྱེད་མི་རུང་ཞེས་གསུངས། འཛམ་གླིང་འཕྲོད་བསྟེན་རྩ་འཛུགས་ཀྱིས་འདོན་སྤྲོད་བྱས་པའི་རྒྱུ་ཆ་གསར་བ་ལྟར་ན། ཐེངས་འདིའི་རིམས་ནད་ཁྲོད་བསྡོམས་པས་སྨན་བཅོས་མི་སྣ་450ལ་ཨེ་པའོ་ལ་རིམས་ནད་ཀྱི་ནད་དུག་འགོས་པ་དང་། དེའི་ནང་མི་244རྐྱེན་ལམ་དུ་ཤོར་ཡོད་ཟེར།  །

39.7K

ཐག་རག་ཡིག་བསྒྱུར་མ་ལག

དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས།蜀ICP备14009601号-1