གཙོ་ངོས།>> གསར་འགྱུར།>>རྒྱལ་ནང་གསར་འགྱུར།

རྩོམ་སྒྲིག་པ།ཡོང་ཁུངས།ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས། སྤེལ་དུས། ༢༠༢༠ལོའི་ཟླ་བ་༠༣ཚེས་༡༦ཉིན།

ཏང་ཡོན་ལས་བྱེད་པར་ས་ཁོངས་སྲུང་བའི་འགན་འཁྲི་དང་ཐབས་ཇུས་ཡོད་དགོས།


          སྤྱི་ཚེས་12ཉིན། འདི་ག་ལས་ཁུངས་ཀྱིས་འགོ་བརྗོད་དུ་ཏང་ཡོན་ལས་བྱེད་པར་ས་ཁོངས་སྲུང་བའི་འགན་འཁྲི་དང་ས་ཁོངས་སྲུང་བའི་ཐབས་ཇུས་ཡོད་དགོས་ཞེས་པའི་ཀྲུང་དབྱང་བརྙན་འཕྲིན་ལས་ཁུངས་ཀྱི་དཔྱད་གཏམ་སྤེལ་ཡོད།

          དཔྱད་གཏམ་ནང་། འགག་རྩའི་དུས་སྐབས་སུ་གདོང་མཆོང་བྱེད་ནུས་པ་དང་། ཉེན་ཁ་ཆེན་པོ་འཕྲད་པའི་སྐབས་སུ་གང་ལའང་མི་འཛེམས་པར་དོན་ཐུབ་པ་བྱ་དགོས། ཏང་ཡོན་ལས་བྱེད་པས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གལ་ཆེའི་མཛུབ་སྟོན་དགོངས་དོན་ལ་གོ་བ་གཏིང་ཟབ་ལེན་པ་དང་ལག་བསྟར་མཐར་ཕྱིན་བྱས་ནས། མུ་མཐུད་ཨམ་གཙིགས་བསྡམས་པ་དང་། བློ་རིག་སྒྲིམ་པ། ཡང་འབད་སྐྱར་འབད་བཅས་བྱས་ནས། མཐའ་མའི་རྒྱལ་ཁ་མ་ཐོབ་བར་རྒྱུན་འཁྱོངས་བྱ་དགོས།

          ནད་པ་སྐྱོབ་བཅོས་བྱེད་པ་ནས་སྡེ་ཁུལ་གྱི་སྔོན་འགོག་ཚོད་འཛིན་བྱེད་པ་དང་། དེ་ནས་འབྲུ་རིགས་དང་སྔོ་ཚལ་རིགས་མཁོ་འདོན་འགན་ལེན་བྱེད་པའི་བར། ང་ཚོས་ངེས་པར་དུ་ལྷོད་གཡེང་སྤུ་ཙམ་མེད་པའི་སྒོ་ནས་སྔོན་འགོག་ཚོད་འཛིན་གྱི་ལས་དོན་ཁག་དམ་འཛིན་ཡག་པོ་བྱེད་པ་དང་། སྤྱོད་ཚུལ་བཟང་པོའི་ཐོག་ནས་མང་ཚོགས་ཀྱི་ཁེ་ཕན་དོན་དག་ཆུང་ཆུང་མིན་པའི་ཁས་ལེན་ལག་ལེན་བསྟར་བ་དང་། མི་དམངས་ཀྱི་ཆེད་དུ་འཐབ་འཛིང་བྱས་ཏེ། ཏང་དར་མཐོན་པོར་ལྷབ་ལྷུབ་ཏུ་གཡོ་བར་བྱ་དགོས།
          ས་ཁོངས་སྲུང་བའི་འགན་འཁྲི་དང་ས་ཁོངས་སྲུང་བའི་ཐབས་ཇུས་ཡོད་དགོས། རིམས་ནད་སྔོན་འགོག་ཚོད་འཛིན་ལས་ཀ་ནི་སྣེ་མང་རྙོག་འཛིང་ཆེ་བ་ཞིག་ཡིན་པས། ཏང་ཡོན་ལས་བྱེད་པས་སེམས་ནང་གདེང་ཚོད་ཡོད་པ་དང་། ལག་ཏུ་ཐབས་ཇུས་ཡོད་པའི་ཐོག་ནས་གོ་རིམ་མི་འཁྲུག་པ་དང་། འཚབ་འཚུབ་མེད་པ་བྱ་དགོས། དེ་ཡང་གཙོ་གནད་མངོན་གསལ་ཡོད་པ་དང་། གཅིག་གྱུར་གྱི་འཆར་འགོད་དང་ཕྱོགས་ཡོངས་ལ་ལྟ་རྟོག རིགས་དབྱེ་ནས་མཛུབ་ཁྲིད། ཁུལ་དབྱེ་ནས་ཐབས་ཇུས་འདོན་པ་བཅས་བྱེད་དགོས་ཞེས་བསྟན་ཡོད།

          དཔྱད་གཏམ་ནང་། ཕྱོགས་ཀུན་ནས་ཕར་རྒོལ་བྱེད་པའི་བཀའ་རྒྱ་བསྒྲགས་ཟིན་པས། རྒྱལ་ཁའི་སྐྱ་རེངས་ཤར་གྲབས་ཡོད། རྒྱ་ཆེའི་ཏང་ཡོན་ལས་བྱེད་པས་འགན་འཁྲི་འཁུར་བ་དང་། ཉམས་སད་ཐེག་ཐུབ་པ། འཐབ་སེམས་ཆེ་བ། དཔའ་ངར་ཆེན་པོས་འཐབ་འཛིང་བྱེད་པ། སྤྱོད་ཚུལ་དེ་བས་ནན་པ་དང་། བྱ་ཐབས་དེ་བས་བརྟན་པའི་ཐོག་ནས་ཏང་ཀྲུང་དབྱང་གི་ཐབས་ཇུས་བཀོད་སྒྲིག་དོན་འཁྱོལ་བྱས་ཚེ། ང་ཚོས་རིམས་ནད་སྔོན་འགོག་ཚོད་འཛིན་དང་དཔལ་འབྱོར་སྤྱི་ཚོགས་གོང་འཕེལ་འགྲོ་བར་གཅིག་གྱུར་སྐུལ་འདེད་གཏོང་བའི་རྒྱུགས་ཆེན་ཁྲོད་ལོ་རྒྱུས་དང་མི་དམངས་ལ་ངོ་གནོང་མི་དགོས་པའི་རྒྱུགས་ལན་ཡག་པོ་ཞིག་འབུལ་ཐུབ་ངེས་རེད་ཅེས་ནན་སྟོན་བྱས་ཡོད། 
39.7K

ཐག་རག་ཡིག་བསྒྱུར་མ་ལག

དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས།蜀ICP备14009601号-1