སྤྱི་ཟླ་4པའི་ཚེས་20ཉིན། རྒྱལ་སྲིད་སྤྱི་ཁྱབ་ཁང་གི་ཙུང་ལི་ལི་ཁེ་ཆང་གིས་རྒྱལ་སྲིད་སྤྱི་ཁྱབ་ཁང་གི་རྒྱུན་ལས་གྲོས་ཚོགས་ལ་གཙོ་སྐྱོང་གནང་ཏེ། འགྲིམ་འགྲུལ་རྨང་གཞིའི་སྒྲིག་བཀོད་ཀྱི་དབུལ་སྐྱོར་སྤེལ་ཏེ་དབུལ་ཕོངས་ས་ཁུལ་གྱི་དབུལ་སྒྲོལ་ཕྱུག་འགྱུར་གྱི་ནུས་ཤུགས་མཐོ་རུ་བཏང་ཞིང་། མང་ཚོགས་ཀྱིས་ལས་གཏོད་དང་གསར་གཏོད་ཀྱི་དཔེ་སྟོན་རྟེན་གཞི་ཁག་ཅིག་འཛུགས་སྐྲུན་བྱ་རྒྱུ་ཐག་བཅད་དེ་ལས་གཏོད་དང་གསར་གཏོད་ཀྱི་ཚད་རིམ་དང་ཆུ་ཚད་སྔར་ལས་ཇེ་མཐོར་གཏང་བར་སྐུལ་འདེད་བཏང་། ཕྱིར་གཏོང་ནང་འདྲེན་བརྟན་བརླིང་གོང་འཕེལ་འགྲོ་བའི་སྲིད་ཇུས་དང་བྱ་ཐབས་ཁག་ཐེག་བྱས་ནས་ཕྱིར་གཏོང་ཚོང་ལས་ཀྱི་སྒྱུར་བཀོད་རིམ་འཕར་ལ་སྐུལ་འདེད་བཏང་།།