ཤ་ཉོ་ནི་མེད་ན་བཙོང་ནི་མེད།།
རྒྱུ་སྦྱིན་ནི་མེད་ན་ལེན་ནི་མེད།།
སྤྱིར་རྒྱུ་ཟ་ཟས་འཐུང་བཙོག་གི་ར།།
རྒྱུ་སྦྱིན་རྒྱུ་དེ་ཡང་མི་ཡག་ཁི།།
ཕྱིས་གྲོགས་ཡིན་ཟེར་ནས་རྒྱུ་སྦྱིན་གི།
རྗེས་རོགས་དགོས་ཟེར་ནས་རྒྱུ་སྦྱིན་གི།
ཁྱོད་དཀའ་ཐལ་ཟེར་ནས་རྒྱུ་སྦྱིན་གི།
ཁྱོད་ཚེ་རིང་ཟེར་ནས་རྒྱུ་སྦྱིན་གི།
ཉ་བཙོང་ནས་རང་ཁ་གསོ་ནི་ཚོར།།
ཉ་སྲོག་བླུ་བྱས་ནས་ངན་བསླབས་འདྲ།།
རྒྱུ་ཅི་འདོད་ཟ་བའི་ལས་བྱེད་ཚོ།།
རྒྱུ་སྦྱིན་མཁན་འགའ་ཡིས་བྲིད་པ་འདྲ།།
ཁྱོད་ཅི་འདྲའི་གཙང་མ་ཡིན་ན་ཡང་།།
སྐབས་སྐབས་སུ་ཨུ་ཚུགས་མི་དོ་འི།།
མནའ་བསྐྱལ་ན་ཚུར་ལ་མནའ་བསྐྱལ་འི།།
ངོ་ནག་ན་བཞག་ནས་བྲོས་འགྱོ་འི།།
དབང་ཆུང་ཆུང་ཅན་གྱི་ལས་བྱེད་ལ།།
མར་སྦྱིན་མཁན་མང་པར་བལྟས་པ་ན།།
དབང་ཅུང་ཟད་ཡོད་པའི་དཔོན་པོ་ལ།།
ཅི་འདྲ་འདྲའི་རྒྱུ་ཞིག་སྦྱིན་གི་མེད།།
དཔོན་ཞིག་ལ་གནོད་པ་བྱ་བསམ་ནས།།
དེའི་དངུལ་བྱང་ཐོག་ལ་སྒོར་མོ་བརྒྱབ།།
དེའི་རྗེས་སུ་ཁྲིམས་ལ་གཏུགས་པ་སོགས།།
དུས་དེང་སང་གོ་རྒྱུ་མང་མང་རེད།།
དོན་ངོ་མར་དཔོན་ཡག་མང་པོ་ཞིག།
རྒྱུ་བཟའ་འདོད་མེད་རུང་རྒྱུ་བྱིན་ནས།།
ལག་ལྕགས་ཕོར་ཐང་ལ་བརྒྱབ་པ་དང་།།
དབང་མགོ་རྔ་བརྗེས་པ་མང་ཚོད་རེད།།
ཡང་ལ་ལར་མར་རྡོག་ཙམ་བྱིན་ན།།
ངན་ལོབས་ནས་མར་རྡོ་བཟའ་སྣང་སྐྱེས།།
དེའི་རྗེས་སུ་རྒྱུ་ཆེན་ཟ་སྣང་སྐྱེས།།
ཚམཐར་བཙོན་དུ་ལྷུང་བ་མང་ཚོད་རེད།།
མྱི་ཟེར་རྒྱོ་རྒྱུ་ལ་ཐུག་བཞག་དུས།།
ཁྱི་རྒྱ་ལུ་རུས་པར་ཐུག་པ་བཞིན།།
སེམས་བསམ་པ་ཅིག་གིས་རབ་བཟི་སྟེ།།
ལས་ཅི་ཞིག་ཡིན་ཡང་ལས་ས་འགི།
མར་རྒྱ་མ་གང་གིས་མི་གཤིས་འགྱུར།།
ཤ་རྐང་པ་གཉིས་ཀྱིས་མི་ཚེ་བརླག།
འབྲས་དོ་པོ་གསུམ་གྱིས་མྱི་རྐུབ་འབུད།།
དེར་གཟབ་གཟབ་གྱིས་ཨང་རོགས་པ་ཚོ།།
