ང་ནི་སྐྱས་རྟ་ཞིག་དང་འདྲ

སྐྱས་རྟ་ནི་གཡུལ་རྟ་ཞིག་དང་འདྲ

གཡུལ་རྟ་ནི་རང་གི་གྲོགས་པོ་ཞིག་དང་འདྲ

གྲོགས་པོ་ནི་མགྲོན་པོ་ཞིག་དང་འདྲ


ང་ནི་སྐྱས་རྟ་ཞིག་དང་འདྲ་ཟེར་མཁན

འཚོ་བ་དང་ཁེར་རྐྱང་རེད

སྐྱོ་ངལ་དང་དཀའ་སྡུག་རེད

རྔུལ་ཆུ་དང་མིག་ཆུ་རེད


ངས་རང་ཉིད་ལ་ཁྱོད

སྐྱས་རྟ་ཞིག་དང་འདྲའམ་ཞེས་དྲིས

ངས་ཁ་རོག་གེར་རང་ཉིད་ལ

ཁྱོད་དངོས་གནས་འདྲ་ཡི་ཞེས་ལབ


ཆུང་དུས་རུ་བ་སྤོར་དུས

ང་ནི་ང་དང

སྐྱས་རྟ་ནི་སྐྱས་རྟ་ཡིན


རྨི་ལམ་གྱིས་ང

རྒྱང་རིང་ཞིག་ལ་ཁྲིད་རྗེས

ངས་ཁ་རོག་གེར་རང་ཉིད་ལ

ཁྱོད་དངོས་གནས་འདྲ་ཡི་ཞེས་ལབ