པར་མིག་གི་ལམ་ནས་མཛེས་པའི་བོད་ཁུལ་མངོན།
----ཡོན་ཏན་གྱི་པར་ལེན་བརྩམས་ཆོས་བདམས་བཀོད།
པར་གྱི་སྒྱུ་རྩལ་ལ་བྱང་ཆ་ཆེ་ཞིང་ཆེད་དམིགས་ལས་དོན་ལ་བརྩོན་འགྲུས་ལྡན་པའི་པར་ལེན་ཆེད་མཁས་པ་ཡོན་ཏན་ལགས་ནི། སྤྱི་ལོ་1974ལོར་རྔ་བ་རྫོང་གི་མངའ་ཁོངས་གདུང་ཤ་འཚོབ་བམ་རོང་ཚོགས་གཉིས་སྡེ་པར་སྐྱེས། ཁོང་ནི་རྔ་ཡུལ་ཀིརྟིའི་དགོན་གྱི་གྲྭ་རྐྱང་དཀྱུས་མ་ཞིག་ཡིན། དེང་དུས་སུ་ཁོང་རྔ་བ་རྫོང་སྲིད་གྲོས་ཀྱི་ཨུ་ཡོན་ཡིན་པ་དང་། ཀྲུང་གོའི་པར་ལེན་པའི་མཐུན་ཚོགས་ཀྱི་ཚོགས་མི། སི་ཁྲོན་ཞིང་ཆེན་མི་རིགས་རིག་གནས་བརྙན་པར་སྒྱུ་རྩལ་མཐུན་ཚོགས་ཀྱི་ཀྲུའུ་ཞི་གཞོན་པ། སི་ཁྲོན་ཞིང་ཆེན་ན་གཞོན་པར་ལེན་པའི་མཐུན་ཚོགས་ཀྱི་ཚོགས་མི། རྔ་བ་ཁུལ་པར་ལེན་པའི་མཐུན་ཚོགས་ཀྱི་ལས་འཛིན། རྔ་བ་རྫོང་པར་ལེན་པའི་མཐུན་ཚོགས་ཀྱི་ཚོགས་མི་བཅས་ཡིན།
